SAN MATEO 2:3 - Chatino Tataltepec

³ Lo'o nu rey Herodes ni, ndyutsi̱i̱ tsa yu lo'o ndyuna yu cha' nu nchcui' ngu' tii bi', cha' cua'ni tlyu ngu' ji'i̱ chaca rey. Lo'o jua'a̱ lcaa ngu' quichi̱ Jerusalén ndyutsi̱i̱ tsa ngu' ñi'ya̱ cua'ni rey Herodes.

SAN MATEO 2:3 Iomraidhean Croise

SAN MATEO 2:2

―¿Macala ndi'i̱ cubi' nu ngula tsubi' ti bi'? ―nacui̱ ngu'―. Rey ji'i̱ cu'ma̱ ngu' judío laca cubi' bi' ―nacui̱ ngu'―. Cua na'a̱ ya cuii cucui nu ndacui cua̱ cuentya ji'i̱ cubi' bi', bi' cha' ndyalaa ya ca nde cha' cua'ni tlyu ya ji'i̱ cubi' bi' juani.

SAN MATEO 2:4

Li' ngusi'ya rey Herodes bi' ji'i̱ lcaa sti jo'ó nu laca loo, lo'o jua'a̱ ji'i̱ mstru nu nclyu'u cha' jo'ó ne' laa cha' ca̱a̱ ngu' slo. Nchcuane nu rey bi' ji'i̱ ngu' li': ―¿Ha ná jlo ti' ma̱ macala nchcui' quityi cha' cala Cristo? ―nacui̱ rey ji'i̱ ngu'.

SAN MATEO 23:37

’¡Tya'na̱ tsa cu'ma̱ ngu' Jerusalén! Tucui tsa cha' ntsu'u ji'i̱ ma̱. Tya sa'ni la ndyujuii ma̱ ji'i̱ ñati̱ nu ngua'a̱ lo ycui' Ndyosi cña ji'i̱, masi ngujui'i̱ ma̱ quee ji'i̱ ngu' nu laca tu'ba ji'i̱ Ni. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱ cha' ná ca cuxi ji'i̱ ma̱. Ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ ngua ti' na' cua'ni na' lo'o ma̱; pana ná nda ma̱ chacuayá' 'na tsiya' ti.

SAN MATEO 24:6

Tyempo bi' cañi cha' nxu̱u̱ tya'a ngu' nasiyu̱ re lo'o ngu' xa' nasiyu̱, lo'o jua'a̱ caja cha' ji'i̱ ma̱ cha' nxu̱u̱ tya'a ngu' nasiyu̱ tyijyu'. Ná cutsi̱i̱ ma̱ li'. Ntsu'u cha' caca jua'a̱, pana tya lyiji tye chalyuu li'.

SAN MATEO 8:29

Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi': ―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?

SAN MARCOS 13:7

’Tyempo bi' cañi cha' nxu̱u̱ tya'a ngu' nasiyu̱ re lo'o ngu' xa' nasiyu̱, lo'o jua'a̱ caja cha' ji'i̱ ma̱ cha' nxu̱u̱ tya'a ngu' nasiyu̱ tyijyu'. Ná cutsi̱i̱ ma̱ li'.

LOS HECHOS 4:2

Ñasi̱' tsa ngu' bi', cha' nclyu'u Pedro lo'o Juan ji'i̱ ñati̱; nclyu'u ngu' cha' ñi'ya̱ lo'o ndyu'ú Jesucristo chaca quiya' lo'o ngujuii yu, jua'a̱ nga'a̱ cha' tyu'ú lcaa jyo'o ñati̱ chaca quiya' nde loo la.