SAN MATEO 19:8 - Chatino Tataltepec

⁸ Xa' nchcui' Jesús lo'o ngu' bi' li': ―Ná ndaquiya' ma̱ ji'i̱ ycui' Ndyosi tsiya' ti, bi' cha' nda jyo'o Moisés chacuayá' ji'i̱ ma̱ cha' xtyanu ma̱ ji'i̱ clyo'o ma̱ lo'o sca quityi ti ―nacui̱ Jesús ji'i̱ ngu'―. Pana si'i jua'a̱ ngua ti' ycui' Ni tya lo'o ngüiñá Ni chalyuu.

SAN MATEO 19:8 Iomraidhean Croise

SAN MARCOS 10:5

Nguxacui̱ Jesús cha' ji'i̱ ngu' li': ―Xqui'ya cu'ma̱ nguscua jyo'o Moisés cha' bi', cha' ná ndaquiya' ma̱ tsiya' ti cha' ji'i̱ ycui' Ndyosi ―nacui̱ Jesús―.

1 CORINTIOS 7:6

Ná ñacui̱ ma̱ cha' nclyo na' cña ji'i̱ ma̱ cha' caja clyo'o ma̱; nde laca sca cha' nu nda ti na' lo'o ma̱,

SAN MATEO 8:31

Li' ngua'ni cui'i̱ xña'a̱ bi', cha' ngüijña ngu' quicha chacuayá' ji'i̱ Jesús cuentya ji'i̱ cui'i̱ bi'. ―Jlo ti' ya cha' nti' nu'u̱ culo cui'i̱ nu ntsu'u ji'i̱ ya, cha' cua'ni nu'u̱ jo'o ji'i̱ ya ―nacui̱ ngu' bi' ji'i̱ Jesús―. Bi' cha' ta xi chacuayá' ji'i̱ cui'i̱ cha' tsaa xñi ji'i̱ cube' nu ndya'a̱ jua.

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN MATEO 19:7

Li' nguxacui̱ ngu' bi' cha' ji'i̱ Jesús: ―¿Ni cha' laca ngulo jyo'o Moisés cña ji'na lacua? Cha' tso'o ji'i̱ sca nu qui'yu, nacui̱ jyo'o cusu' bi', si culo yu sca quityi cha' xtyanu yu ji'i̱ nu cuna'a̱ nu laca clyo'o yu.

SAN MATEO 19:9

Cuentya jna' ni, ta na' sca cui̱i̱ lo'o ma̱ juani: Si ntsu'u sca ñati̱ nu nguxtyanu ji'i̱ clyo'o cha' caja clyo'o lo'o xa' nu cuna'a̱, ngua'ni tyucuaa ti' yu lo'o nu cuna'a̱ clyo'o yu. Sca ti si clyo'o yu ngua'ni suba' lo'o xa' nu qui'yu, liñi cha' xtyanu yu ji'i̱ nu cuna'a̱ bi' li'. La cui' jua'a̱, nu cuna'a̱ nu cua nguxtyanu clyo'o ji'i̱ bi', si xa' caja clyo'o lo'o chaca ñati̱, cha' suba' cua'ni ngu' bi' li'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.