SAN MATEO 19:5 - Chatino Tataltepec

⁵ Lo'o jua'a̱ ndi'ya̱ nacui̱ Ni: “Bi' cha' tyu'utsu' sca nu qui'yu slo sti yu, slo xtya'a̱ yu, cha' caja clyo'o lo'o sca nu cuna'a̱, cha' caca ngu' sca ti xtañi tyucuaa ngu'”.

SAN MATEO 19:5 Iomraidhean Croise

SAN MATEO 19:6

Nga'aa si'i tucua tya'a ñati̱ laca ngu', cua laca ji'i̱ ngu' ñi'ya̱ si laca ngu' sca ti ñati̱. Bi' cha' ná tso'o xtyanu ngu' ji'i̱ clyo'o ngu', cha' cua nda ycui' Ndyosi cha' clyo'o ji'i̱ ngu'.

ROMANOS 12:9

Cua'ni ma̱ cha' tso'o tsa caca tyiquee ma̱ ña'a̱ ma̱ ji'i̱ xa' la ñati̱, cha' si'i sca cha' nu nda ti ma̱ laca bi', nu lo'o chcui' tso'o ma̱ lo'o ngu', masi lo'o cua'ni ma̱ cha' tso'o lo'o ngu'. Nga'aa taquiya' ma̱ ji'i̱ cha' cuxi, tyucui tyiquee ma̱ clyana ma̱ ji'i̱ cha' tso'o.

1 CORINTIOS 6:16

¿Ha ná jlo ti' ma̱ cha' stu'ba ti tyiquee na, sca ti tañi na lo'o ñati̱ bi', si tyu'u cha' ji'na lo'o, masi sa'a ti na ji'i̱? La cui' jua'a̱ cha' nscua lo quityi cha' jo'ó nu ndi'ya̱ nchcui': “Laca nu tyucuaa ngu' bi' ñi'ya̱ si laca ngu' sca ti ñati̱”. Jua'a̱ nchcui' quityi bi'.

1 CORINTIOS 7:2

Pana nde chalyuu su ndi'i̱ na, ntsu'u tsa cha' suba' nu ndu'ni ngu' lo'o ngu' cuna'a̱; bi' cha' ni na' ji'i̱ ma̱ cha' tso'o la si lcaa ñati̱ caja clyo'o ngu', caja sca nu cuna'a̱ ji'i̱ sca nu qui'yu, lo'o jua'a̱ nu cuna'a̱ caja qui'yu ji'i̱.

1 CORINTIOS 7:4

Bi' cha' nga'aa culo sca nu cuna'a̱ cña ji'i̱ ycui' ca si cua ngujui clyo'o, cha' nu qui'yu laca loo ji'i̱; lo'o jua'a̱ nu qui'yu, nga'aa si'i ycui' ca yu nu culo cña ji'i̱ yu lo'o cua ngujui clyo'o yu, cha' nu cuna'a̱ laca loo ji'i̱ yu li'.

EFESIOS 5:31

Ndi'ya̱ laca cha' nu nscua lo quityi cusu': “Xtyanu sca nu qui'yu ji'i̱ sti yu ji'i̱ xtya'a̱ yu su ndi'i̱ ngu', cha' tsaa tyi'i̱ yu lo'o clyo'o yu; lo'o li' nu tyucuaa ngu' bi' caca ngu' sca ti ñati̱ tsiya' ti cuentya ji'i̱ ycui' Ndyosi”, nacui̱ quityi bi'.