SAN MATEO 11:1 - Chatino Tataltepec

¹ Nu lo'o ndye ngulu'u Jesús cha' bi' ji'i̱ nu tii tyucuaa tya'a ñati̱ nu ndyaca tsa'a̱ ji'i̱ yu, ndu'u yu ndyaa yu cha' chcui' yu lo'o ngu' tyu̱u̱ tya'a quichi̱ nu ndi'i̱ cacua ti; ngulu'u yu ji'i̱ ngu' quichi̱ bi'.

SAN MATEO 11:1 Iomraidhean Croise

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

SAN MATEO 7:28

Lo'o ndye ngulu'u Jesús lcaa cha' re ji'i̱ ngu', li' ndube tsa ti' nu ngu' quiña'a̱ ji'i̱ cha' nu ngulu'u yu ji'i̱ ngu'.

SAN MATEO 9:35

Lo'o li' ndyaa Jesús lcaa quichi̱ sube, lcaa quichi̱ tonu, cha' culu'u ji'i̱ ngu' ne' laa ji'i̱ ngu' judío; quiña'a̱ tsa cha' nda Jesús lo'o ñati̱ ñi'ya̱ tso'o caca lo'o laca ycui' Ni loo ne' cresiya ji'i̱ ngu'. Lo'o jua'a̱ ngua'ni jo'o ji'i̱ lcaa ngu' quicha, ji'i̱ lcaa ngu' nu ngunu'u̱ ti'.

SAN MARCOS 6:12

Lo'o li' ndu'u ngu' ndyaa ngu' nde tyu̱u̱ tya'a quichi̱. Nda ngu' cui̱i̱ lo'o ngu' quichi̱ bi', cha' ca tyuju'u ti' ngu' quichi̱ ji'i̱ lcaa cha' cuxi nu ndyu'ni ngu', cha' culochu̱' ngu' quichi̱ ji'i̱ cha' cuxi bi' li'.

SAN LUCAS 23:5

Pana nu ngu' bi' ni, chaca quiya' lye la nchcui' ngu', cui̱i̱ tsa ngusi'ya ngu' ji'i̱ Pilato bi' li': ―Na ngusu'ba ñasi̱' ti yu re ji'i̱ lcaa ñati̱ Judea lo'o cha' nu ngulu'u yu ji'i̱ ngu' ―nacui̱ ngu'―. Nde Galilea nguxana yu re, lo'o hasta ca nde nclyu'u yu cha' cuxi bi' ji'i̱ ngu' juani.

SAN LUCAS 8:1

Tiya' la li', ndu'u Jesús ndyaa yu tyu̱u̱ tya'a quichi̱, masi quichi̱ tonu, masi quichi̱ sube. Nchcui' tsa yu cha' tso'o ji'i̱ ycui' Ndyosi lo'o ngu' quichi̱ bi'; nchcui' yu cha' cua lijya̱ ti ycui' Ndyosi cha' caca Ni loo ne' cresiya ji'i̱ ñati̱. Stu'ba ndya'a̱ Jesús lo'o nu tii tyucuaa tya'a ngu' nu ndyaca tsa'a̱ ji'i̱.

SAN JUAN 15:10

Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

LOS HECHOS 1:2

lcaa cha' nu ngua'ni yu lo'o nguti'i̱ yu nde chalyuu. Bilya tyaa Jesús ca slo ycui' Ndyosi lo'o ngusubi yu ji'i̱ nu tii tyucuaa tya'a ngu' nu tsaa chcui' cha' ji'i̱ ycui' yu nde chalyuu. Nguxtyucua Xtyi'i ycui' Ndyosi ji'i̱ Jesús lo'o ngulo yu cña ji'i̱ nu tii tyucuaa tya'a ngu' bi', ñi'ya̱ ntsu'u cña nu cua'ni ngu' bi'.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

LOS HECHOS 10:42

Tya li' cua ngulo Jesús cña ji'i̱ ya cha' ta ya cha' liñi ji'i̱ ycui' lo'o ñati̱, cha' cua nda ycui' Ndyosi cña ji'i̱ nu Jesús bi', cha' cua'ni cuayá' yu ji'i̱ lcaa ñati̱ chalyuu, masi nu cua ngujuii, masi nu tya lu'ú.

1 TESALONICENSES 4:2

Tyi'u ti' ma̱ ji'i̱ cña nu ngulo ya ji'i̱ ma̱ cuentya ji'i̱ Jesús nu Xu'na na,

2 TESALONICENSES 3:10

Lo'o tya ndi'i̱ ya slo cu'ma̱, tya li' ngulo ya cña ji'i̱ ma̱ ndi'ya̱: ná ta ma̱ na cacu ñati̱ nu ná nti' cua'ni cña.

2 TESALONICENSES 3:6

Cu'ma̱ tya'a ngusñi na cha' ji'i̱ Jesús, chaca quiya' culo ya cña ji'i̱ ma̱ chacuayá' ji'i̱ Jesucristo nu Xu'na na: ná tya'a̱ ma̱ stu'ba ti lo'o xa' la ngu' tya'a ngusñi ma̱ cha' bi' nu ná ntaja'a̱ cua'ni cña, la cui' ngu' tya'a ma̱ nu ná ntaja'a̱ taquiya' ji'i̱ cha' nu cua nda ya lo'o ma̱.

1 TIMOTEO 6:14

Culo na' cña jinu'u̱ cha' xcui' tso'o ti cua'ni nu'u̱, cha' cua'ni lyiji nu'u̱ lcaa cha' nu nguscua na' lo quityi re, lo'o jua'a̱ ná ta nu'u̱ tyempo nu caja ñi'ya̱ sta ngu' qui'ya jinu'u̱. Na ntajatya na ji'i̱ Jesucristo nu Xu'na na ña'a̱ cuayá' tya̱a̱ Ni chaca quiya',