SAN MATEO 1:16 - Chatino Tataltepec

¹⁶ Lo'o li' sñi' jyo'o Jacob bi' ngua José nu ngua clyo'o María xtya'a̱ Jesús, lo'o jua'a̱ Cristo naa Jesús bi'.

SAN MATEO 1:16 Iomraidhean Croise

SAN MATEO 1:15

li' jyo'o Eliud bi' ngua sti Eleazar; li' jyo'o Eleazar bi' ngua sti Matán; li' jyo'o Matán bi' ngua sti Jacob.

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN MATEO 16:20

Li' ngulo Jesús cña ji'i̱ ngu' nu ndyaca tsa'a̱ ji'i̱ cha' ná cacha' ngu' ji'i̱ ni sca ñati̱ cha' Cristo laca ycui' yu.

SAN MATEO 2:13

Nu lo'o cua ndu'u ngu' tii ndyaa ngu' quichi̱ tyi ngu', li' nchcui' xcalá José. Ndyu'u tucua sca xca̱ ji'i̱ ycui' Ndyosi slo yu laja xcalá, nchcui' lo'o yu li': ―Que ti' nu'u̱ ―nacui̱ xca̱ ji'i̱ José―. Tyatu̱ nu'u̱, xna clya nu'u̱ ―nacui̱―, tsaa lo'o nu'u̱ ji'i̱ xtya'a̱ cubi' tyijyu' nde loyuu su cuentya Egipto. Tyi'i̱ ma̱ cajua ña'a̱ cuayá' nu cacha̱' hi̱ cha' tso'o tya̱a̱ ma̱ nde nasiyu̱ re chaca quiya'. Tyaala tsa rey Herodes bi'; cua ca̱a̱ ti yu quichi̱ re cha' clyana ji'i̱ cubi', cha' cujuii ji'i̱ cubi' nti' yu.

SAN MATEO 27:17

Lo'o jua'a̱ ngua cha' quiña'a̱ tsa ngu' judío ndyu'u ti'i̱ ngu' to' ni'i̱ ji'i̱ gobierno, li' nchcuane Pilato bi' ji'i̱ ngu': ―¿Ti ji'i̱ nti' ma̱ cha' cua'ni lyaá na' ji'i̱ juani? ¿Ha tso'o clyaá Barrabás, o tso'o la clyaá Jesús nu ndu'ni ma̱ Cristo ji'i̱? ―nacui̱ Pilato ji'i̱ ngu'.

SAN MATEO 27:22

―¿Na laca cua'ni na' lo'o Jesús nu ndu'ni ma̱ Cristo ji'i̱ lacua? ―nacui̱ Pilato li'. ―Cujui'i̱ ca'a̱ ma̱ ji'i̱ lo crusi ―nacui̱ ngu' li'.

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN LUCAS 1:27

Nda ycui' Ndyosi ji'i̱ xca̱ bi' ji'i̱ Ni cha' tsaa slo sca nu cuna'a̱ nu ntucua ycui' ti. Na cua ngüiñi cha' ji'i̱ nu cuna'a̱ bi', cha' caja clyo'o lo'o sca nu qui'yu nu naa José; David laca xtañi nu qui'yu bi', sca ti xtañi yu lo'o jyo'o cusu' David nu ngutu'ú sa'ni la. María naa nu cuna'a̱ nu ntucua ycui' ti bi', lo'o jua'a̱ la cui' tya'a nu Elisabet bi' laca María.

SAN LUCAS 2:48

Lo'o jua'a̱ ngu' cusu' ji'i̱ nu piti bi' ni, ndube tsa ti' ngu' bi' lo'o na'a̱ ngu' ji'i̱ yu cha' stu'ba ti ntucua yu lo'o ngu' tlyu bi'. Li' nchcui' xtya'a̱ yu lo'o yu: ―¿Ni cha' laca ngua'ni nu'u̱ jua'a̱, sñi'? ―nacui̱―. Quiña'a̱ tsa ngulacua ti' na' lo'o sti nu'u̱ macala su ndyanu nu'u̱.

SAN LUCAS 2:7

Qui'yu cubi' nu ngula ji'i̱ María bi', sñi' clyo nu cuna'a̱ bi' laca cubi' bi'. Tso'o ngüixi̱i̱ xtya'a̱ late' hichu̱' cubi' bi', lo'o li' ngusta ji'i̱ cubi' ne' canoa su ndacu cuayu, cha' ná ngujui ni'i̱ su tyi'i̱ ngu' tsiya' ti.

SAN LUCAS 3:23

Calaa tyii yija̱ cua ntsu'u Jesús lo'o nguxana ndyu'ni yu cña ji'i̱ ycui' Ndyosi Sti yu. Ngua ti' ngu' cha' José ngua sti yu, lo'o sti José bi' ngua jyo'o Elí;

SAN LUCAS 4:22

Ndube tsa ti' ngu' ña'a̱ ngu' ji'i̱ Jesús cha' tso'o tsa nchcui' yu, jua'a̱ ndiya tsa ti' ngu' cha' nu nda yu lo'o ngu'. Ndi'ya̱ cha' nu nchcui' ngu' lo'o tya'a ngu' ji'i̱ yu li': ―¿Ha si'i ca sñi' José laca yu re? ―nacui̱ ngu'

SAN JUAN 4:25

Lo'o li' nguxtyacui nu cuna'a̱ bi' cha' lo'o Jesús chaca quiya': ―Nda na' cuentya cha' cua ca̱a̱ ti sca ñati̱ tlyu nu ta ycui' Ndyosi ji'i̱ cha' ca̱a̱ chalyuu, nu caca naa Cristo ―nacui̱―. Lo'o ca̱a̱ yu bi', li' culu'u liñi yu lcaa cha' tucui ji'na.