SAN MATEO 1:1 - Chatino Tataltepec

¹ Nde nscua na' qui'i ti cha' ji'i̱ lcaa ñati̱ nu ngua jyo'o cusu' ji'i̱ Jesucristo, cha' ñati̱ tya'a ji'i̱ jyo'o David laca yu, lo'o jua'a̱ ñati̱ tya'a ji'i̱ jyo'o Abraham laca yu, masi tyijyu' ti.

SAN MATEO 1:1 Iomraidhean Croise

SAN MATEO 1:18

Nde nscua na' ñi'ya̱ ngua lo'o ngula Jesucristo. Cua ngüiñi cha' ji'i̱ María bi', cha' caja clyo'o lo'o nu José sñi' Jacob bi'. Bilya tyalaa María slo José nu lo'o ngua cuayá' ti' nu María bi', cha' cua ntsu'u sñi'; cña ji'i̱ Xtyi'i ycui' Ndyosi ngua bi', cha' ngua tana María bi'.

SAN MATEO 1:2

Jyo'o Abraham bi' ngua sti Isaac; li' jyo'o Isaac bi' ngua sti Jacob; li' jyo'o Jacob bi' ngua sti Judá lo'o ca ta'a tya'a ngula yu;

SAN MATEO 15:22

Lo'o li' ñaa sca nu cuna'a̱ ca tyi quichi̱ bi' slo Jesús, ngusi'ya tsa nu cuna'a̱ bi' ji'i̱ Jesús li': ―Cua'ni tya'na ti' nu'u̱ 'na, Xu'na ―nacui̱ nu cuna'a̱ bi' ji'i̱ Jesús―. Nu'u̱ nu laca la cui' ñati̱ tya'a ji'i̱ jyo'o cusu' David, cua'ni nu'u̱ sca cha' tso'o lo'o na'. Nxalú tsa cui'i̱ ji'i̱ sñi' na'.

SAN MATEO 3:16

Lo'o cua ngua cha' bi', ndu'u Jesús lo hitya, li' cua ndyaala tyucui̱i̱ nde cua̱. Lo'o li' na'a̱ Jesús cha' ngua'ya Xtyi'i ycui' Ndyosi lo; ñi'ya̱ nda'ya sca tyupe' lo yuu, jua'a̱ ngua'ya Xtyi'i ycui' Ni lo Jesús.

SAN MATEO 9:27

Lo'o li' ndu'u Jesús ca ne' ni'i̱ bi' ndyaa yu, lo'o jua'a̱ ndya'a̱ lca'a̱ tucua tya'a ngu' cuityi̱' ji'i̱ yu. Ngusi'ya ngu' ji'i̱ Jesús li': ―Cua'ni tya'na ti' nu'u̱ ji'i̱ cua, cusu', nu'u̱ nu laca ñati̱ tya'a ji'i̱ jyo'o David ―ndu'ni ngu' ji'i̱.

SAN LUCAS 1:33

cha' lcaa tsa̱ ná tye cha' caca yu loo ji'i̱ lcaa tya'a ngu' Israel; jua'a̱ ná tye cha' culo yu cña ji'i̱ lcaa ñati̱ chalyuu.

SAN JUAN 7:42

Lo quityi cusu' bi' nscua cha' sca ñati̱ tya'a ji'i̱ jyo'o David caca nu ñati̱ tlyu bi'; quichi̱ Belén cala yu bi', cha' quichi̱ tyi ngu' David laca bi'.

LOS HECHOS 2:30

Tu'ba ji'i̱ ycui' Ndyosi ngua jyo'o David bi'; jlo ti' yu cha' nda Ni cha' liñi lo'o yu lo'o nchcui' Ni cha' sca ñati̱ tya'a nati̱ ji'i̱ ycui' yu cala nde loo la, bi' caca nu Cristo. Caca Cristo bi' rey, ñi'ya̱ lo'o ngua ycui' David rey.

ROMANOS 1:3

Cha' tso'o ji'i̱ Jesucristo nu Xu'na na, nu laca Sñi' ycui' Ndyosi, bi' laca cha' nu nscua lo quityi bi'. Ngula Jesús lo yuu ñi'ya̱ nu nclya cua ña'a̱ ca sñi' ñati̱, cha' la cui' tya'a ñati̱ ji'i̱ jyo'o David laca Jesús;

ROMANOS 4:13

Lo'o jua'a̱ ngua cha' ngüiñi cha' ji'i̱ ycui' Ndyosi lo'o jyo'o Abraham, lo'o ñati̱ ji'i̱ Abraham nu ñaa chalyuu ca tiya' la; nacui̱ Ni cha' tyucui ña'a̱ chalyuu caca ji'i̱ ngu' bi' ca tiya' la. Pana bilya ta Ni cha' lo'o jyo'o Moisés nu ngua li', cha' bilya cala nu Moisés bi'; bi' cha' ná ndaquiya' jyo'o Abraham ji'i̱ cña nu ngulo Moisés, cha' tya lyiji caja cha' bi' ji'i̱ ngu'. Ngua tso'o cresiya ji'i̱ ngu' bi' cuentya ji'i̱ ycui' Ndyosi xqui'ya cha' jlya ti' ngu' ji'i̱ cha' nu nchcui' Ni, bi' cha' ngüiñi cha' ji'i̱ Ni lo'o ngu'.

ROMANOS 9:5

Sñi' jyo'o cusu' ji'na laca ngu' bi'. Nu lo'o ngula Cristo chalyuu ngua Ni ñati̱, la cui' tya'a ngu' Israel ngua yu li'. La cui' jua'a̱ laca Cristo ycui' Ndyosi nu laca loo ji'i̱ lcaa na tsiya' ti, bi' cha' lcaa tyempo ndu'ni tlyu ngu' ji'i̱ Ni. Chañi tsa cha' bi'.

GÁLATAS 3:16

Jua'a̱ ngua'ni ycui' Ndyosi lo'o nu Abraham bi'; cua ngüiñi cha' ji'i̱ Ni lo'o jyo'o cusu' bi', jua'a̱ lo'o sca ñati̱ nu tyu'u ji'i̱ jyo'o cusu' bi' tyempo nde loo la. Ná nacui̱ quityi ji'i̱ ycui' Ndyosi cha' quiñi cha' ji'i̱ Ni lo'o tyu̱u̱ tya'a ñati̱ bi'. “Na cua ngüiñi cha' ji'i̱ ycui' Ndyosi lo'o sca ti ñati̱ nu tyu'u ji'i̱ Abraham nde loo la”, nacui̱ quityi. Lo'o nu sca ti ñati̱ bi' ni, Cristo laca bi'.

1 TIMOTEO 2:5

Sca ti ycui' Ndyosi ntsu'u tsiya' ti, lo'o jua'a̱ ntsu'u sca ti ñati̱ nu ndi'i̱ slo ycui' Ni nu nchcui' lo'o Ni cuentya ji'i̱ ñati̱ chalyuu; la cui' Jesucristo laca nu ñati̱ bi'.

2 TIMOTEO 2:8

Tyi'u ti' nu'u̱ ji'i̱ Jesucristo, cha' ycui' laca nu ndyu'ú chaca quiya' lo'o ngujuii yu. Tya'a ñati̱ ji'i̱ jyo'o David laca yu bi'. La cui' cha' tso'o ji'i̱ Jesús nu lu'ú ca nda na' lo'o ñati̱,

APOCALIPSIS 22:16

Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.