SAN LUCAS 9:8 - Chatino Tataltepec

⁸ Lo'o jua'a̱ ntsu'u ngu' nu nchcui' cha' Jesús laca jyo'o Elías nu nguti'i̱ chalyuu sa'ni la, cha' chaca quiya' ndyu'u tucua jyo'o bi'; jua'a̱ ntsu'u ngu' nu nchcui' cha' la cui' jyo'o cusu' nu ngua tu'ba ji'i̱ ycui' Ndyosi sa'ni la laca Jesús, cha' cua ndyu'ú jyo'o cusu' bi' chaca quiya', nacui̱ ngu'.

SAN LUCAS 9:8 Iomraidhean Croise

SAN MATEO 16:14

―Ntsu'u ñati̱ nu nacui̱ cha' laca nu'u̱ jyo'o Juan nu ntyucuatya ji'i̱ ngu' tya tsubi' la ―nacui̱ ngu' ji'i̱ Jesús―. Lo'o xa' ñati̱ ni, nacui̱ ngu' cha' jyo'o Elías laca nu'u̱. Lo'o jua'a̱ ntsu'u xa' la ñati̱ nu nacui̱ cha' jyo'o Jeremías laca nu'u̱. Lo'o jua'a̱ ntsu'u ngu' nu nacui̱ cha' chaca quiya' cua ndyu'ú chaca jyo'o cusu' nu ngua tu'ba ji'i̱ ycui' Ni nu ngua sa'ni, la cui' bi' laca nu'u̱, nacui̱ ngu'. Jua'a̱ nacui̱ ngu' nu ndyaca tsa'a̱ ji'i̱ Jesús.

SAN MATEO 17:10

Li' nchcuane ngu' nu ndyaca tsa'a̱ ji'i̱ Jesús: ―¿Ñi'ya̱ ndyu'u cha' nu nchcui' cha' jo'ó lacua? Nchcui' cha' clyo la ntsu'u cha' ca̱a̱ jyo'o Elías nde chalyuu chaca quiya' ―nacui̱ ngu' ji'i̱.

SAN MARCOS 6:15

―Si'i bi' ―nacui̱ xa' ñati̱―. Jyo'o Elías laca nu qui'yu re. ―Si'i jua'a̱ ―nacui̱ xa' la ñati̱―. Sca ñati̱ nu laca tu'ba ji'i̱ ycui' Ndyosi laca yu re, ñi'ya̱ nu jyo'o cusu' nu nguti'i̱ sa'ni la nu ngua tu'ba ji'i̱ ycui' Ni.

SAN MARCOS 8:28

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu'―. Xa' la ñati̱ ni, nchcui' ngu' cha' jyo'o cusu' Elías laca nu'u̱; lo'o xa' la ñati̱ ni, nchcui' ngu' cha' sca jyo'o cusu' nu ngua tu'ba ji'i̱ ycui' Ndyosi sa'ni la laca nu'u̱.

SAN LUCAS 9:19

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu' ji'i̱―, lo'o jua'a̱ ntsu'u ngu' nu nchcui' cha' jyo'o Elías laca nu'u̱, jua'a̱ ntsu'u xi xa' la ngu' nu nchcui' cha' nu'u̱ laca sca jyo'o cusu' nu ngua tu'ba ji'i̱ ycui' Ndyosi sa'ni la; cua sa'ni tsa ngujuii ñati̱ bi', pana juani ndyu'ú chaca quiya' nacui̱ ngu' bi'.

SAN JUAN 1:21

―¿Tilaca laca nu'u̱ lacua? ―nacui̱ ngu'―. ¿Ha jyo'o Elías laca nu'u̱? ―Si'i bi' laca na' ―nacui̱ Juan. ―Cua tyu'u tucua ti sca nu cusu' nu chcui' cha' ji'i̱ ycui' Ndyosi lo'o ya, nti' ya ―nacui̱ ngu'―. ¿Ha si'i nu bi' laca nu'u̱? ―Si'i na' ―nacui̱ Juan li'.