SAN LUCAS 9:4 - Chatino Tataltepec

⁴ Cua ña'a̱ ca toni'i̱ su tyalaa ma̱ ni, ca bi' tyanu ma̱ hasta ña'a̱ cuayá' nu tyu'u ma̱ quichi̱ bi' tyaa ma̱ li'.

SAN LUCAS 9:4 Iomraidhean Croise

SAN MATEO 10:11

’Lo'o tyalaa ma̱ sca quichi̱, masi quichi̱ tlyu, masi quichi̱ sube ti, li' clyana ma̱ ji'i̱ sca ñati̱ nu tso'o ntsu'u tyiquee ña'a̱ yu ji'i̱ ma̱. Slo yu bi' tyi'i̱ ma̱ ña'a̱ cuayá' nu tsaa ma̱ xa' quichi̱.

SAN MARCOS 6:10

―Nu lo'o ta ngu' ni'i̱ su caja' ma̱ ―nacui̱ Jesús―, li' tyanu ma̱ slo ngu' bi' ña'a̱ cuayá' nu tyu'u ma̱ tsaa ma̱ xa' quichi̱.

SAN LUCAS 9:3

Li' nchcui' Jesús lo'o ngu' bi': ―Ná sca na ná cui'ya ma̱ tsaa ma̱ tyucui̱i̱ ―nacui̱ yu ji'i̱ ngu'―, ni yaca xca̱, ni cuiji̱, ni tyaja, ni cñi, ná cui'ya lo'o ma̱ ji'i̱. Sca ti camxa nu ntsu'u ti ma̱ cui'ya ma̱ tsaa ma̱, ná cui'ya ma̱ chaca.

SAN LUCAS 9:5

Si ntsu'u quichi̱ su ná ndiya ti' ngu' cha' nu nchcui' ma̱ lo'o ngu', su ná nti' ngu' cha' tyanu ma̱ slo ngu', hora ti tsaa ma̱ xa' se'i̱. Lo'o jua'a̱ salú ma̱ sñii yuu nu ntsu'u quiya' ma̱ lo'o tyu'u ma̱ quichi̱ bi'; xqui'ya cha' bi', caca cuayá' ti' ngu' quichi̱ cha' cuxi tsa cña nu ngua'ni ngu' lo'o ma̱ li'.

LOS HECHOS 16:15

Li' ntyucuatya ngu' ji'i̱ Lidia lo'o ji'i̱ lcaa tya'a ngu' nu ndi'i̱ slo. ―Si chañi cha' nclyacua ti' ma̱ cha' laca na' ñati̱ ji'i̱ Jesucristo ―nacui̱ nu cuna'a̱ bi' ji'i̱ ya―, tya̱a̱ ma̱ to' tyi na', tyanu ma̱ xi slo cua lacua. Tyu̱u̱ quiya' nchcui' ma' lo'o ya cha' tsaa ya, bi' cha' ndyaa ya lo'o ma' ca toni'i̱ ji'i̱ ma'.