SAN LUCAS 9:25 - Chatino Tataltepec

²⁵ Ná xtyucua tsiya' ti cha' culiya' nu ntsu'u ji'i̱ ma̱, masi tlyu tsa chalyuu caja ji'i̱ ma̱, si xqui'ya cha' bi' chcuna' ma̱ cuentya ji'i̱ ycui' Ndyosi.

SAN LUCAS 9:25 Iomraidhean Croise

SAN MATEO 13:48

Li' tyojolaqui ngu' ji'i̱ taraya ngutsa'á̱ bi' cha' tyu'u ca to' hitya, tyaca'a̱ ngu' xi cha' subi ngu' ji'i̱ lcaa cualya nu tso'o; su'ba ngu' cualya tso'o bi' ne' chcubi, xcua̱a̱ ngu' cualya nu ná tso'o bi'.

SAN MATEO 13:50

Xcua̱a̱ xca̱ bi' ji'i̱ ñati̱ xña'a̱ lo quii' tlyu, masi xi'ya tsa ngu' bi' li'; ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

SAN MATEO 16:26

Ná tyanu cha' tso'o ji'i̱ ngu' nu lo'o cajaa ngu', masi ngua'ni tsa ngu' ngana nde chalyuu; nguna' lcaa chalyuu ji'i̱ ngu' bi' li', cha' ná taca ta ngu' caya' cha' caja la chalyuu ji'i̱ ngu'.

SAN MARCOS 8:36

Ná tyanu cha' tso'o ji'i̱ ngu', masi ngua'ni tsa ngu' ngana nde chalyuu nquicha'; lo'o cajaa ngu', li' chcuna' lcaa chalyuu ji'i̱ ngu'.

LOS HECHOS 1:18

Lo'o li' ndyaa jyo'o bi' ngüi'ya sca yuu lo'o caya' nu nda ngu' ji'i̱ yu cha' ngua'ni yu cha' cuxi, nu lo'o ndyujui' yu cresiya ji'i̱ Jesús ji'i̱ ngu' xña'a̱ bi'. Ycui' ca yu nguxtyú yu ji'i̱ yu lo yuu, ngutaa' ne' yu ndu'u tri se'i̱ yu, ngujuii yu li'.

LOS HECHOS 1:25

cha' taca tsaa yu bi' xa' quichi̱, cha' chcui' yu cha' jinu'u̱ cña su ndu̱ jyo'o Judas nquicha'. Na cua nguxtyanu jyo'o bi' cña cha' xña'a̱ tsa bi', lo'o li' ndyaa ca su ndyanu cha' tsaa.

1 CORINTIOS 9:27

Nchcube' na' ji'i̱ ycui' ca na', cha' talo chalyuu 'na, cha' ná xtyanu ti'i̱ Ni 'na tsiya' ti. Quiña'a̱ tsa cha' cua ngulu'u na' ji'i̱ xa' ñati̱ cuentya ji'i̱ ycui' Ni, lo'o jua'a̱ ntsu'u cha' taquiya' ycui' na' ji'i̱ cha' bi'.

HEBREOS 10:34

Lo'o jua'a̱ ndyaa na'a̱ ma̱ ji'i̱ ngu' tya'a ma̱ nu lo'o ntsu'u ngu' bi' ne' chcua̱, nguxtyucua ma̱ ji'i̱ ngu' bi' li'; masi nguaana xa' ñati̱ lcaa cha' tso'o nu ntsu'u ji'i̱ ma̱, ndalo tsa tyiquee ma̱ li'. Tso'o ntsu'u tyiquee ma̱, cha' cua jlo ti' ma̱ cha' tso'o la tsiya' ti laca nu cha' ji'i̱ Jesús nu cua ngusñi ma̱ bi'; jlo ti' ma̱ cha' ná tye chca cha' bi', cha' nu cua ndyuna ma̱ cuentya ji'i̱ Jesús.