SAN LUCAS 9:21 - Chatino Tataltepec

²¹ Lye tsa nchcui' Jesús lo'o nu ngu' nu ndyaca tsa'a̱ ji'i̱ cha' ná cacha' ngu' tsiya' ti ji'i̱ xa' ñati̱ cha' Cristo laca ycui'.

SAN LUCAS 9:21 Iomraidhean Croise

SAN MATEO 16:20

Li' ngulo Jesús cña ji'i̱ ngu' nu ndyaca tsa'a̱ ji'i̱ cha' ná cacha' ngu' ji'i̱ ni sca ñati̱ cha' Cristo laca ycui' yu.

SAN MATEO 17:9

Lo'o lijya̱ nda'ya ti'i̱ ngu' sii' ca'ya bi', li' ngulo Jesús cña ji'i̱ ngu' nu ndyaca tsa'a̱ ji'i̱: ―Ná cacha' ma̱ ji'i̱ xa' ñati̱ ñi'ya̱ ngua cha' nu cua na'a̱ ma̱ lo xlya ca'ya jua tsa̱ ―nacui̱ Jesús ji'i̱ ngu' bi'―. Nu lo'o cua ngujuii ycui' na' nu cua nda Ni 'na lijya̱a̱ cha' caca na' ñati̱, nu lo'o tyu'ú na' chaca quiya', li' taca cacha' ma̱ cha' bi' ji'i̱ xa' ñati̱.

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

SAN MATEO 9:30

Hora ti ngua tso'o si'yu cloo ngu', ña'a̱ tso'o ngu' li'. Lo'o li' lye nchcui' Jesús lo'o ngu' bi': ―Ná cacha' ma̱ ji'i̱ ni sca ñati̱, cha' ná caca cuayá' ti' ngu' ñi'ya̱ ngua cha' ngua tso'o cloo ma̱ ―nacui̱ Jesús ji'i̱ ngu' bi'.