SAN LUCAS 9:2 - Chatino Tataltepec

² Ngulo yu cña ji'i̱ nu tii tyucuaa tya'a ngu' bi', cha' ta ngu' cha' tso'o ji'i̱ ycui' Ndyosi lo'o ngu' quichi̱ su tsaa ngu', lo'o li' cua'ni ngu' cha' tyaca tso'o ngu' quicha.

SAN LUCAS 9:2 Iomraidhean Croise

SAN MATEO 10:5

Ngulo Jesús cña ji'i̱ nu tii tyucuaa tya'a ngu' bi' ndi'ya̱: ―Ná tsaa ma̱ tyucui̱i̱ nde xa' tsu' su ndi'i̱ ngu' nu ná ntsu'u cha' ji'i̱ lo'o ycui' Ndyosi tsiya' ti, ni ná tsaa ma̱ quichi̱ tyi ngu' Samaria ―nacui̱ Jesús ji'i̱ ngu' bi'―.

SAN MATEO 13:19

Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

SAN MATEO 24:14

Ntsu'u cha' culu'u ma̱ cha' jna' ji'i̱ ñati̱, lcaa cha' tso'o nu nchcui' na', ñi'ya̱ caca lo'o laca ycui' Ndyosi loo ne' cresiya ji'i̱ ñati̱; ntsu'u cha' chcui' ma̱ cha' bi' lo'o ñati̱ tyucui ña'a̱ chalyuu, cha' caca cuayá' ti' ngu' ji'i̱ cha' bi' nde lcaa nasiyu̱. Lo'o li' tye chalyuu.

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

SAN MARCOS 16:15

―Tsaa ma̱ tyucui ña'a̱ chalyuu ―nacui̱ Jesús ji'i̱ ngu' bi' li'―. Ta ma̱ cha' lo'o lcaa ñati̱ cuentya jna'. Chcui' ma̱ lo'o ngu' cha' taca clyaá ngu' ji'i̱ nu cuxi xqui'ya na'.

SAN MARCOS 6:12

Lo'o li' ndu'u ngu' ndyaa ngu' nde tyu̱u̱ tya'a quichi̱. Nda ngu' cui̱i̱ lo'o ngu' quichi̱ bi', cha' ca tyuju'u ti' ngu' quichi̱ ji'i̱ lcaa cha' cuxi nu ndyu'ni ngu', cha' culochu̱' ngu' quichi̱ ji'i̱ cha' cuxi bi' li'.

SAN LUCAS 10:1

Nu lo'o cua nteje tacui cha' bi', li' ngusubi Jesús chaca snayala tyii tya'a ngu' cha' tsaa ngu' nde loo ji'i̱ yu; cuentya tucua tya'a ti ngu' tsaa ngu' lcaa se'i̱ lo'o lcaa quichi̱ su nga'a̱ cha' tsaa yu nti' yu.

SAN LUCAS 10:11

“Scui̱ ya quiya' ya cha' tyalú snii yuu ji'i̱ quichi̱ tyi ma̱ nu ngusñi ca'a̱ quiya' ya; jua'a̱ ca cuayá' ti' ma̱ li' cha' xqui'ya cha' cuxi tyiquee ma̱, bi' cha' tyu'u ya quichi̱ tyi ma̱ tyaa ya. Pana masi cuxi ma̱, ntsu'u cha' ca cuayá' ti' ma̱ cha' cua ngulala cha' caca ycui' Ndyosi loo ne' cresiya ji'i̱ ma̱”, ñacui̱ ma̱ ji'i̱ ngu' quichi̱ bi'.

SAN LUCAS 10:9

cua'ni ma̱ jo'o ji'i̱ ngu' quicha nu ndi'i̱ bi'. Lo'o li' ñacui̱ ma̱ ji'i̱ ngu' bi': “Cua ngulala cha' caca ycui' Ndyosi loo ne' cresiya ji'i̱ cu'ma̱”.

SAN LUCAS 16:16

’Nu tyempo cua sa'ni la ni, ntsu'u cha' cusu' ji'i̱ ñati̱, la cui' cha' nu nda ycui' Ndyosi lo'o Moisés, jua'a̱ lo'o ngu' nu ngua tu'ba ji'i̱ Ni tya sa'ni la; pana nu lo'o ñaa Juan, tya li' nguxana ngañi cha' tso'o ji'i̱ ycui' Ndyosi, cha' caca Ni loo ne' tyiquee ñati̱. Quiña'a̱ tsa ñati̱, lye tsa nda ngu' juersa cha' xñi ngu' cha' ji'i̱ ycui' Ndyosi.

SAN LUCAS 9:11

Pana nu lo'o cua ngua jlo ti' xa' ñati̱ macala su ndyaa Jesús, li' ndu'u lca'a̱ ñati̱ bi' ji'i̱ yu. Lo'o ndyalaa ngu' slo yu, li' ndyanu ngu' cha' culu'u yu ji'i̱ ngu' ñi'ya̱ caca nde loo lo'o caca ycui' Ndyosi loo ne' cresiya ji'i̱ ñati̱. Lo'o jua'a̱ lijya̱ ngu' quicha cha' cua'ni yu cha' tyaca tso'o ngu', nti' ngu'.