SAN LUCAS 9:18 - Chatino Tataltepec

¹⁸ Ngua sca tsa̱ ndi'i̱ Jesús ycui' ti nchcui' yu lo'o ycui' Ndyosi. Li' lijya̱ ngu' nu ndyaca tsa'a̱ ji'i̱ ca slo yu. Nchcuane Jesús ji'i̱ ngu' bi' li': ―¿Tilaca ta laca na' nacui̱ ngu'? ―nacui̱ Jesús ji'i̱ ngu' bi'.

SAN LUCAS 9:18 Iomraidhean Croise

SAN MATEO 14:23

Lo'o cua ndyaa lcaa ngu' bi', li' ndyaa Jesús nde sii' ca'ya cha' chcui' lo'o ycui' Ndyosi su ndu̱ yu ycui' ti yu. Lo'o cua tsaa ti cuichaa, tya ndu̱ Jesús ycui' ti nde sii' ca'ya.

SAN MATEO 26:36

Lo'o li' ndyalaa Jesús lo'o nu ngu' nu ndyaca tsa'a̱ ji'i̱, ndyatí̱ ngu' ne' sca lo'o su naa Getsemaní nu nga'a̱ ca to' quichi̱. ―Cua'a̱ ma̱ xi ndacua ti ―nacui̱ Jesús ji'i̱ ngu' bi'―, laja lo'o tsa'a̱ ca nde la xi cha' chcui' na' lo'o ycui' Ndyosi Sti na'.

SAN LUCAS 11:1

Ngua sca tsa̱ nga'a̱ Jesús ndyu'ni tlyu ji'i̱ ycui' Ndyosi. Lo'o ndye nchcui' yu lo'o Ni, li' nacui̱ sca ngu' nu ndyaca tsa'a̱ ji'i̱: ―Cusu' ―nacui̱―, culu'u nu'u̱ ji'i̱ ya ñi'ya̱ caca chcui' ya lo'o ycui' Ndyosi, tsa ña'a̱ nu ngulu'u jyo'o Juan ji'i̱ ngu' nu nguta'a̱ lo'o.

SAN LUCAS 3:21

Nu lo'o tya lyiji tsaa Juan bi' ne' chcua̱, tya ndu̱ yu to' sta'a̱ ntyucuatya yu ji'i̱ quiña'a̱ tsa ñati̱, li' ndyalaa Jesús slo cha' tyucuatya Juan ji'i̱. Laja lo'o ntyucuatya yu ji'i̱ Jesús, li' nchcui' Jesús lo'o ycui' Ndyosi; ndyaala tyucui̱i̱ ca nde cua̱ li'.

SAN LUCAS 6:12

Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN LUCAS 9:19

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu' ji'i̱―, lo'o jua'a̱ ntsu'u ngu' nu nchcui' cha' jyo'o Elías laca nu'u̱, jua'a̱ ntsu'u xi xa' la ngu' nu nchcui' cha' nu'u̱ laca sca jyo'o cusu' nu ngua tu'ba ji'i̱ ycui' Ndyosi sa'ni la; cua sa'ni tsa ngujuii ñati̱ bi', pana juani ndyu'ú chaca quiya' nacui̱ ngu' bi'.

SAN LUCAS 9:28

Nu lo'o cua ndu'u scua snu' tsa̱ tya lo'o nchcui' Jesús cha' bi', li' ndyacuí̱ yu sca ca'ya cha' chcui' yu lo'o ycui' Ndyosi; ndyaa lo'o yu ji'i̱ Pedro lo'o Jacobo lo'o Juan.

SAN LUCAS 9:29

Nu lo'o ndu̱ Jesús nchcui' lo'o ycui' Ndyosi Sti yu, li' hora ti ngutsa'a̱ ña'a̱ tyucui ña'a̱ loo Jesús; ñi'ya̱ ña'a̱ sca xee nu ngati̱ tsa, jua'a̱ ngati̱ tsa ña'a̱ ste' yu.