SAN LUCAS 9:12 - Chatino Tataltepec

¹² Nu lo'o cua ngusi̱i̱, li' ndyu'u ti'i̱ ñati̱ nu ndyaca tsa'a̱ ji'i̱ Jesús ca slo yu cha' chcui' ngu' lo'o yu: ―Chcui' nu'u̱ lo'o ngu' jua cha' tsaana ngu' na cacu ngu', su caja' ngu' talya ca quichi̱ sube ti jua ―nacui̱ ngu' nu ndyaca tsa'a̱ ji'i̱―. Su ndi'i̱ na re, ná ntsu'u na cacu ngu' tsiya' ti ―nacui̱ ngu' bi' ji'i̱ Jesús.

SAN LUCAS 9:12 Iomraidhean Croise

SAN MATEO 14:13

Lo'o ndyuna Jesús ñi'ya̱ nu ngua ji'i̱ jyo'o Juan, ndyatí̱ yu ne' yaca ni'i̱ cha' tyu'u yu chaca to' tayu'; ngua ti' yu tsaa sca se'i̱ ca ne' quixi̱' su ná ntsu'u ñati̱. Pana yala ti ngua cuayá' ti' quiña'a̱ ñati̱ cha' ndyaa yu cajua, bi' cha' lo'o ti ndyaa lca'a̱ ngu' ji'i̱ yu, masi quiya' ti ngu' lijya̱ ngu' nde to' hitya ti. Lo'o ngu' tyu̱u̱ tya'a quichi̱ ndyaa ngu'.

SAN MATEO 15:23

Ni sca cha' ná nguxacui̱ Jesús ji'i̱ nu cuna'a̱ bi'. Li' nchcui' ngu' nu ndyaca tsa'a̱ ji'i̱ lo'o Jesús: ―Culo nu'u̱ cña ji'i̱ nu cuna'a̱ re cha' tsaa ma' xa' se'i̱ ―nacui̱ ngu' ji'i̱ Jesús―, cha' nxi'ya tsa ji'na.

SAN MATEO 15:32

Lo'o li' ngusi'ya Jesús ji'i̱ ngu' nu ndyaca tsa'a̱ ji'i̱ cha' ca̱a̱ ngu' slo. Nchcui' lo'o ngu' li': ―Tya'na tsa ti' na' ji'i̱ nu ngu' quiña'a̱ re ―nacui̱ Jesús ji'i̱ ngu' bi'―. Cua sna tsa̱ ndya'a̱ ngu' lo'o na' juani, lo'o nga'aa ntsu'u na cacu ngu' tsiya' ti. Ná tso'o culo na' cña ji'i̱ ngu' re cha' tyaa ngu' ña'a̱ lo'o jbi'ña ti ndya'a̱ ngu', cha' ná talo ngu' tyucui̱i̱ jua'a̱.

SAN LUCAS 9:11

Pana nu lo'o cua ngua jlo ti' xa' ñati̱ macala su ndyaa Jesús, li' ndu'u lca'a̱ ñati̱ bi' ji'i̱ yu. Lo'o ndyalaa ngu' slo yu, li' ndyanu ngu' cha' culu'u yu ji'i̱ ngu' ñi'ya̱ caca nde loo lo'o caca ycui' Ndyosi loo ne' cresiya ji'i̱ ñati̱. Lo'o jua'a̱ lijya̱ ngu' quicha cha' cua'ni yu cha' tyaca tso'o ngu', nti' ngu'.

SAN LUCAS 9:13

―Cu'ma̱ ta ma̱ na cacu ngu' quiña'a̱ jua ―nacui̱ Jesús ji'i̱ nu ngu' nu ndyaca tsa'a̱ ji'i̱ li'. ―Xti tsa na ntsu'u ji'i̱ ya re ―nacui̱ ngu'―. Ca'yu tya'a ti xlyá teje' lo'o tucua tya'a ti cualya lo'o ji'i̱ ya. Sca ti si tsaa ya tsaana ya scuaa cha' cacu lcaa ngu' re ―nacui̱ ngu' ji'i̱ Jesús li'.

SAN JUAN 6:1

Tiya' la li' ndu'u Jesús ndyaa nde chaca tsu' tayu' Galilea, la cui' tayu' Tiberias naa tayu' bi'.

FILIPENSES 1:19

Ndu̱ ti' na' cha' yala ti caca tso'o la cha' jna' re, cha' cua jlo ti' na' ñi'ya̱ ndijña tsa ma̱ ji'i̱ ycui' Ndyosi cha' tyu'u na' ne' chcua̱ re, cha' tyu'u na' nde liya'; jlo ti' na' cha' nxtyucua tsa la cui' Xtyi'i ycui' Jesucristo 'na.