SAN LUCAS 8:45 - Chatino Tataltepec

⁴⁵ Li' nchcuane Jesús ji'i̱ ngu' nu ndi'i̱ slo: ―¿Tilaca laca nu ndyala' 'na? ―nacui̱. Lcaa ñati̱ nchcui' cha' ná tucui ndyala' ji'i̱ Jesús. Bi' cha' lo'o Pedro lo'o jua'a̱ xa' tya'a ndya'a̱ yu, nguxacui̱ ngu' cha' ji'i̱ Jesús li': ―Cusu' ―nacui̱ ngu'―, tyi'i̱ ca chu̱' nu'u̱ tachaa tsa ndi'i̱ ñati̱, hasta nsatá tsa ngu' chu̱' na. Ni cha' nchcui' nu'u̱ lacua: “¿Tilaca laca nu ndyala' 'na?”

SAN LUCAS 8:45 Iomraidhean Croise

SAN LUCAS 19:43

Pana tyalaa sca tsa̱ cuxi ji'i̱ ma̱. Lo'o li' cuiñá ngu' tya'a cusu̱u̱ ma̱ ngutu yuu tyucui ña'a̱ to' quichi̱. Li' su'ba lo'o ngu' bi' tyucui ña'a̱ to' quichi̱.

SAN LUCAS 5:5

Li' nguxacui̱ Simón cha' ji'i̱: ―Cusu' ―nacui̱―, tyucui talya nguta'a̱ ya lo tayu' ngu̱ ya taraya; ni sca na ná ngujui ji'i̱ ya tsiya' ti. Pana si jua'a̱ culo nu'u̱ cña 'na, tsaa ya ca su nacui̱ nu'u̱ cha' cu̱ ya taraya cajua ―nacui̱ Simón li'.

SAN LUCAS 8:44

Nu juani cua lijya̱ ma' bi' nde chu̱' Jesús, ndyala' quiya' ste' yu; hora ti ngusi'yu cu' cha' ndyalú tañi ma', ngua tso'o ma'.

SAN LUCAS 9:13

―Cu'ma̱ ta ma̱ na cacu ngu' quiña'a̱ jua ―nacui̱ Jesús ji'i̱ nu ngu' nu ndyaca tsa'a̱ ji'i̱ li'. ―Xti tsa na ntsu'u ji'i̱ ya re ―nacui̱ ngu'―. Ca'yu tya'a ti xlyá teje' lo'o tucua tya'a ti cualya lo'o ji'i̱ ya. Sca ti si tsaa ya tsaana ya scuaa cha' cacu lcaa ngu' re ―nacui̱ ngu' ji'i̱ Jesús li'.