SAN LUCAS 8:23 - Chatino Tataltepec

²³ Lo'o tya ndyaa ngu' lo'o yaca ni'i̱ bi' lo hitya, ndyu'u tsa xcalá Jesús; hora ti ngujua' yu. Li' nguxana cui'i̱, lye tsa ndyaca cui'i̱ lo tayu' bi'. Li' ndyatu̱ clyoo', ntyucua hitya ne' yaca ni'i̱ bi'; cua quilyu'u ti bi' ne' hitya.

SAN LUCAS 8:23 Iomraidhean Croise

SAN LUCAS 5:1

Ngua sca tsa̱ ndyaa Jesús to' tayu' Genesaret. Tyu̱u̱ tsa tya'a ñati̱ lca'a̱ ji'i̱ yu. Li' tachaa tsa ndi'i̱ ngu' ca su ndu̱ yu to' tayu' bi', cha' ngua ti' ngu' cuna ngu' lo'o nchcui' yu cha' ji'i̱ ycui' Ndyosi.

SAN LUCAS 8:22

Ngua sca tsa̱ ndu'u Jesús lo'o nu ngu' nu ndyaca tsa'a̱ ji'i̱ bi', ndyaa ngu' to' tayu'. Li' ndyaa ngu' ca ne' sca yaca ni'i̱ piti ti. ―Ya'a ma̱ tsaa na nde chaca tsu' tayu' re ―nacui̱ Jesús ji'i̱ ngu'. Ndyaa ngu' li'.

LOS HECHOS 27:2

Lo'o jua'a̱ ndyaa Aristarco ngu' Tesalónica lo'o ya. (Quichi̱ Tesalónica ndi'i̱ ca loyuu su cuentya Macedonia.) Ndyaa ya ndyatí̱ ya ne' sca yaca ni'i̱ nu cua tsaa ti nde tyu̱u̱ tya'a quichi̱ nde loyuu su cuentya Asia. Lo'o jua'a̱ quichi̱ tyi xu'na yaca ni'i̱ bi' naa Adramitio.

1 CORINTIOS 15:30

Lo'o cuare, quiña'a̱ tsa cha' cuxi ndyacua ji'i̱ ya ca su ndya'a̱ ya tyijyu'; ná tsaa ya tsiya' ti si ná jlo ti' ya cha' cua ndyu'ú Jesús chaca quiya'.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.