SAN LUCAS 8:22 - Chatino Tataltepec

²² Ngua sca tsa̱ ndu'u Jesús lo'o nu ngu' nu ndyaca tsa'a̱ ji'i̱ bi', ndyaa ngu' to' tayu'. Li' ndyaa ngu' ca ne' sca yaca ni'i̱ piti ti. ―Ya'a ma̱ tsaa na nde chaca tsu' tayu' re ―nacui̱ Jesús ji'i̱ ngu'. Ndyaa ngu' li'.

SAN LUCAS 8:22 Iomraidhean Croise

SAN MATEO 14:22

Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ cha' tsaa ngu' nde loo la su tsaa ycui' ca chaca tsu' tayu' bi'; tyanu ycui' cha' chcui' salya' lo'o nu quiña'a̱ tsa ñati̱ bi', ngua ti' yu.

SAN MATEO 8:18

Lo'o ngua sca tsa̱ na'a̱ Jesús cha' quiña'a̱ tsa ñati̱ ndya'a̱ slo, bi' cha' ngulo yu cña ji'i̱ ngu' tya'a ndya'a̱ yu cha' tsaa lo'o ngu' ji'i̱ ycui' yu ne' yaca ni'i̱ ca chaca tsu' tayu' bi'.

SAN MARCOS 5:21

Lo'o li' ñaa Jesús ne' yaca ni'i̱ ca nde tsu' tayu' chaca quiya'. Xa' ndyu'u ti'i̱ quiña'a̱ tsa ñati̱ slo Jesús nde to' tayu' bi'.

SAN MARCOS 6:45

Lo'o li' ngulo Jesús cña ji'i̱ nu ngu' nu ndyaca tsa'a̱ ji'i̱, cha' tyatí̱ ngu' ne' yaca ni'i̱ sube ti, cha' tsaa ngu' nde loo la su tsaa ycui' ca chaca tsu' tayu' hasta ca quichi̱ Betsaida. Tyanu Jesús cha' chcui' salya' lo'o nu ngu' quiña'a̱ bi', cha' tyaa ngu' quichi̱ ca to' tyi ngu'.

SAN MARCOS 8:13

Lo'o li' nguxtyanu yu ji'i̱ ngu' fariseo bi'; xa' ndyatí̱ yu ne' yaca ni'i̱ sube ti lo'o nu ngu' nu ndyaca tsa'a̱ ji'i̱ bi', nteje tacui ngu' lo tayu', ngutu'u ngu' chaca tsu' li'.

SAN LUCAS 5:1

Ngua sca tsa̱ ndyaa Jesús to' tayu' Genesaret. Tyu̱u̱ tsa tya'a ñati̱ lca'a̱ ji'i̱ yu. Li' tachaa tsa ndi'i̱ ngu' ca su ndu̱ yu to' tayu' bi', cha' ngua ti' ngu' cuna ngu' lo'o nchcui' yu cha' ji'i̱ ycui' Ndyosi.

SAN LUCAS 8:23

Lo'o tya ndyaa ngu' lo'o yaca ni'i̱ bi' lo hitya, ndyu'u tsa xcalá Jesús; hora ti ngujua' yu. Li' nguxana cui'i̱, lye tsa ndyaca cui'i̱ lo tayu' bi'. Li' ndyatu̱ clyoo', ntyucua hitya ne' yaca ni'i̱ bi'; cua quilyu'u ti bi' ne' hitya.

SAN LUCAS 8:33

Lo'o li' ndu'u cui'i̱ xña'a̱ bi' ji'i̱ nu qui'yu quicha bi', ngusñi ji'i̱ cube' li'. Hora ti ngusna cube' bi' sii' cua'a̱ ca'ya, ndyú ni' ca lo hitya tayu' ngujuii ni' li', cha' ndye ndyi'o ni' hitya tayu' bi' li'.

SAN JUAN 6:1

Tiya' la li' ndu'u Jesús ndyaa nde chaca tsu' tayu' Galilea, la cui' tayu' Tiberias naa tayu' bi'.

LOS HECHOS 27:2

Lo'o jua'a̱ ndyaa Aristarco ngu' Tesalónica lo'o ya. (Quichi̱ Tesalónica ndi'i̱ ca loyuu su cuentya Macedonia.) Ndyaa ya ndyatí̱ ya ne' sca yaca ni'i̱ nu cua tsaa ti nde tyu̱u̱ tya'a quichi̱ nde loyuu su cuentya Asia. Lo'o jua'a̱ quichi̱ tyi xu'na yaca ni'i̱ bi' naa Adramitio.