SAN LUCAS 8:21 - Chatino Tataltepec

²¹ Li' nguxacui̱ Jesús cha' ji'i̱ ngu': ―Ñati̱ nu nduna cha' nu nda ycui' Ndyosi lo'o, jua'a̱ ndu'ni ngu' bi' cua ña'a̱ ca cña nu nclyo Ni ji'i̱ ngu', ñati̱ bi' ndu'ni ñi'ya̱ si laca ngu' xtya'a̱ na', ñi'ya̱ si laca ngu' tya'a na' ―nacui̱ Jesús ji'i̱ ngu'.

SAN LUCAS 8:21 Iomraidhean Croise

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN MATEO 25:45

Lo'o na' cha' laca na' loo, li' chcui' na' chaca quiya' lo'o ngu' cuxi bi': “Cha' liñi nchcui' na' lo'o ma̱ juani, cha' ná nguxtyucua ma̱ ji'i̱ ni sca ngu' ti'i nu ntsu'u cha' ji'i̱ lo'o na', bi' cha' nacui̱ na' cha' ná nguxtyucua ma̱ 'na tsiya' ti”.

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN LUCAS 8:15

Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.

SAN LUCAS 8:20

Bi' cha' ndyaa cha' slo Jesús li': ―Nde liya' ndu̱ xtya'a̱ nu'u̱ lo'o tya'a nu'u̱. Cua nti' ngu' chcui' ngu' lo'o nu'u̱ ―nacui̱ ngu' ji'i̱.

SAN JUAN 13:17

Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

2 CORINTIOS 5:16

Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.

2 CORINTIOS 6:18

caca na' Sti ma̱; jua'a̱ cu'ma̱ caca ma̱ sñi' na', masi nu cuna'a̱, masi nu qui'yu. Jua'a̱ nacui̱ ycui' Ndyosi nu Xu'na ma̱, nu lcaa tsiya' ti cña nchca ji'i̱ Ni.

SANTIAGO 1:22

Tsa bi' ti cha', nga'a̱ cha' taquiya' na lcaa cha' nu nclyu'u Ni ji'na, si'i na cua'a̱ jyaca̱ ti na ji'i̱ cha' bi'; na cñilo'o ti na ji'i̱ ycui' ca na, si xcui' na cua'a̱ jyaca̱ ti na ji'i̱ cha' bi', lo'o ná ndaquiya' na cha' bi'.

1 JUAN 2:29

Cua nchca cuayá' ti' ma̱ cha' lubii tsa cresiya ji'i̱ Jesucristo, bi' cha' tso'o si ca cuayá' ti' ma̱ cha' cua ña'a̱ ca ñati̱ nu ndu'ni cha' tso'o ñi'ya̱ ndyu'ni ycui' Jesús, caca ngu' bi' sñi' ycui' Ndyosi.

3 JUAN 1:11

Cusu', ná tyatí̱ yu'u ma̱ lo'o cha' cuxi nu ntsu'u chalyuu, tso'o la si tyi'u ti' ma̱ ji'i̱ lcaa cha' nu tso'o ti. Lcaa ñati̱ nu xcui' clyana cha' tso'o nu cua'ni ngu' cha' xtyucua ngu' ji'i̱ xa' la tya'a ñati̱ ngu', cua ntsu'u cha' ji'i̱ ngu' bi' lo'o ycui' Ndyosi; lcaa ñati̱ nu xcui' clyana cha' cuxi cha' cua'ni ngu', bilya tyu'u cha' ji'i̱ ngu' bi' tsiya' ti lo'o ycui' Ndyosi.