SAN LUCAS 8:2 - Chatino Tataltepec

² Lo'o jua'a̱, tyu̱u̱ tya'a nu cuna'a̱ ndyaa lo'o ngu'; cua ngua quicha nu ngu' cuna'a̱ bi' tya tsubi' la, pana cua ngua'ni Jesús cha' ndyaca tso'o ngu', lo'o jua'a̱ cua ngulo yu cui'i̱ Cuxi nu ntsu'u ji'i̱ ngu' bi'. Ndya'a̱ sca nu cuna'a̱ nu naa María Magdalena lo'o ngu', ji'i̱ bi' cua ngutu'u cati tya'a cui'i̱ cuxi.

SAN LUCAS 8:2 Iomraidhean Croise

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MARCOS 16:1

Nu lo'o cua ndye tsa̱ nu ndi'i̱ cña' ngu' judío, li' nu María Magdalena lo'o María xtya'a̱ Jacobo lo'o Salomé ni, ndyaa ngu' ngüi'ya ngu' setye tyixi xtyi'i; tsaa lo'o ngu' ji'i̱ setye bi', cha' ta'a̱ setye bi' ña'a̱ tsaca chu̱' jyo'o bi' nti' ngu'.

SAN MARCOS 16:9

La cui' tsa̱ clyo ji'i̱ semana ngua bi' lo'o ndyu'ú Jesús chaca quiya'. Clyo ndyu'u tucua yu slo María Magdalena. Tya tsubi' la cua ngua'ni yu jo'o ji'i̱ nu María bi', cua ngulo yu cati tya'a cui'i̱ cuxi nu ngusñi ji'i̱ nu cuna'a̱ bi'.

SAN LUCAS 23:27

Quiña'a̱ tsa ñati̱ lca'a̱ ngu' ji'i̱ Jesús ndyaa. Jua'a̱ ndya'a̱ quiña'a̱ tsa nu cuna'a̱, ndyunaa tsa ngu'; cui̱i̱ tsa nxi'ya ngu' cha' tiji̱' tsa ti' ngu' ji'i̱ Jesús.

SAN LUCAS 23:49

Pana ndyanu lcaa ngu' tya'a tso'o Jesús ca su ndu̱ crusi, jua'a̱ nu cuna'a̱ nu cua ndya'a̱ lo'o yu nu lo'o nguxana ti cña ji'i̱ yu nde Galilea, ndyanu ngu' bi' tyijyu' ti ña'a̱ cui'ya ngu' cha' nu ndyaca bi'.

SAN LUCAS 23:55

Lo'o nu ngu' cuna'a̱ nu ñaa lo'o Jesús nde Galilea ni, ndyaa lca'a̱ ngu' ji'i̱ nu José bi', ndyaa na'a̱ ngu' cuaá ji'i̱, cha' cui'ya ngu' cuentya mala ngusta ngu' ji'i̱ jyo'o Jesús bi'.

SAN LUCAS 8:30

Lo'o ndyacua tya'a Jesús lo'o yu quicha bi', li' nchcuane ji'i̱ yu: ―¿Ni naa nu'u̱? ―nacui̱ Jesús ji'i̱ yu. ―Quiña'a̱ tsa lo naa na' ―nacui̱ yu quicha bi' ji'i̱, cha' quiña'a̱ tsa cui'i̱ xña'a̱ ndyu'ni lya' ti' ji'i̱ yu.

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.

LOS HECHOS 1:14

Stu'ba ti nclacua ti' ngu' bi', lu'ba ti nchcui' ngu' lo'o ycui' Ndyosi. Lo'o tya'a Jesús ndi'i̱ lo'o ngu' bi', lo'o María xtya'a̱ Jesús, lo'o tyu̱u̱ tya'a nu cuna'a̱ nu ndya'a̱ lo'o yu.