SAN LUCAS 8:16 - Chatino Tataltepec

¹⁶ ’Ná cua'a̱ ngu' xee ni'i̱, lo'o hora ti tacu̱' ngu' loo xee bi' li'; la cui' ti, ná sta ngu' ji'i̱ sca xee sca ne' qui'ña ti. Ná ndu'ni ngu' jua'a̱. Ndi'ya̱ ndu'ni ngu' lo'o sca xee: nsta ngu' ji'i̱ su cua̱, cha' clyane xee cha' tyaca̱' ña'a̱ ngu' nu ndi'i̱ ni'i̱ bi'.

SAN LUCAS 8:16 Iomraidhean Croise

SAN LUCAS 11:33

’Ná tucui xtyu'u ji'i̱ sca quii' cha' li' su'ba cuatsi' ti ngu' ji'i̱. Ná su'ba cuatsi' ngu' ji'i̱ ne' sca caju̱; masi ca cua̱ ti sta ngu' xee bi' to' candyeru, cha' ta xee lcaa su ndya'a̱ ngu' ni'i̱.

SAN LUCAS 8:15

Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.

LOS HECHOS 26:18

cha' ñi'ya̱ si ndya'a̱ ngu' cuityi̱', jua'a̱ ndya'a̱ ñati̱ bi' chalyuu; ñi'ya̱ si talya tsa ña'a̱ su ndya'a̱ ngu', jua'a̱ ndyu'ni ngu' bi'. Bi' cha' ntsu'u cha' culu'u nu'u̱ cha' jna' ji'i̱ ngu' bi', cha' xñi ngu' cha' jna'. Li' nga'aa tya'a̱ ngu' su talya ña'a̱, ñi'ya̱ si cuityi̱' ti ngu'; taca tya'a̱ ngu' tyucui̱i̱ su xee cuentya ji'i̱ ycui' Ndyosi, taca ña'a̱ ngu' li'. Satanás laca nu nclyo cña ji'i̱ ngu' bi' juani, pana ca li' caca ngu' ñati̱ ji'i̱ ycui' Ndyosi. Ntsu'u cha' xñi ngu' bi' cha' jna', cha' taca cui'ya ycui' Ni cha' clyu ti' ji'i̱ cha' cuxi nu ntsu'u ji'i̱ ngu' bi'. Li' caca stu'ba cha' ji'i̱ ngu' bi' lo'o ñati̱ nu cua lubii cresiya ji'i̱ xqui'ya na'”, nacui̱ ycui' Jesús 'na li'.

APOCALIPSIS 1:20

Ndi'ya̱ ndyu'u cha' nu na'a̱ nu'u̱ tsa̱, cha' ji'i̱ nu cati tya'a cuii nu ntsu'u nde cua̱ nu na'a̱ nu'u̱ cha' ndacui ya' na' la'a tsu' cui̱, jua'a̱ nu cati tya'a candyeru oro bi', cha' ná ngua cuayá' ti' nu'u̱ nquicha': nu cati tya'a cuii bi', bi' laca nu cati tya'a ñati̱ nu ndu̱ cuentya ji'i̱ ycui' Ndyosi cha' chcui' ngu' lo'o nu cati tya'a taju ñati̱ ji'i̱ Jesucristo, sca taju ñati̱ bi' scaa quichi̱; lo'o jua'a̱ nu cati tya'a candyeru oro, bi' laca nu cati tya'a taju ñati̱ bi'.

APOCALIPSIS 11:4

Lo'o ndu̱ tyucuaa ñati̱ bi' chalyuu, ndu̱ ngu' cuentya ji'i̱ ycui' Ndyosi nu laca loo tyucui ña'a̱ chalyuu; nxtyucua tsa ycui' Ndyosi ji'i̱ ngu' bi', cha' chcui' ngu' lcaa cha' nu nti' ycui' Ni ta Ni lo'o ñati̱. Caca ngu' ñi'ya̱ laca tucua tya'a yaca si'yu olivo, lo'o jua'a̱ caca ngu' ñi'ya̱ laca tucua tya'a candyeru. (Tso'o tsa setye ndyu'u ji'i̱ si'yu olivo bi', cha' tyaqui̱ ne' candyeru.)