SAN LUCAS 8:11 - Chatino Tataltepec

¹¹ ’Ndi'ya̱ ndyu'u cha' ji'i̱ cui̱i̱ bi' ―nacui̱ Jesús ji'i̱ ngu'―. Ñi'ya̱ laca nu si'yu nu cua nscui̱ yu bi', jua'a̱ laca cha' tso'o nu nda ycui' Ndyosi lo'o ñati̱.

SAN LUCAS 8:11 Iomraidhean Croise

SAN MATEO 13:18

’Ndi'ya̱ laca cha' nu nda nu cui̱i̱ ji'i̱ ñati̱ nu ndyataa si'yu trigo bi':

SAN MATEO 13:19

Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

SAN MARCOS 4:13

’¿Ha ná ngua cuayá' ti' ma̱ ñi'ya̱ nti' ñacui̱ cui̱i̱ bi'? ―nacui̱ Jesús ji'i̱ ngu' bi' li'―. ¿Ñi'ya̱ caca ta ma̱ cuentya ji'i̱ xi xa' la cui̱i̱ lacua, si ná nduna ma̱ cha' nu nchcui' na' bi'? ―nacui̱―.

SAN LUCAS 8:12

Ñi'ya̱ laca nu tsa ycu' si'yu nu ndyú tyucui̱i̱ bi', jua'a̱ laca lo'o ñati̱ nu cua ndyuna cha' tso'o bi' nquicha', lo'o li' hora ti lijya̱ nu xña'a̱ cha' cuityi̱ cha' tso'o nu ntsu'u ne' cresiya ji'i̱ ngu' bi'; nga'aa ndyi'u ti' ngu' cha' tso'o bi', ni ná nchca clyaá ngu' bi' ji'i̱ nu cuxi li'.

SANTIAGO 1:21

Lo'o jua'a̱ nga'a̱ cha' culochu̱' na lcaa cha' suba', lcaa cha' cuxi nu tya ntsu'u ne' cresiya ji'na; tucuá na cha' ji'i̱ ycui' Ndyosi lacua, xñi tso'o na lcaa cha' nu nda Ni cha' tyanu ne' cresiya ji'na, cha' bi' laca cha' nu taca cua'ni lyaá ji'na ji'i̱ nu cuxi nu ntsu'u ji'na.