SAN LUCAS 7:41 - Chatino Tataltepec

⁴¹ Li' nchcuane Jesús sca cha' ji'i̱ yu fariseo bi': ―Ntsu'u tucua tya'a ngu' nu ntsu'u tane' hichu̱' ngu', cha' ngüijñi' ngu' cñi ji'i̱ sca nu culiya'. Tsaca yu ndacui yu ca'yu siyento paxu ji'i̱ nu culiya' bi', lo'o chaca yu ndacui yu tu'ba tyi ti paxu ji'i̱ li'.

SAN LUCAS 7:41 Iomraidhean Croise

SAN MATEO 18:28

Tyucui̱i̱ nde su ndyaa yu, li' ndyacua tya'a yu lo'o tya'a msu yu nu ndacui xti ti cñi ji'i̱ yu. Hora ti ngusñi yu yane tya'a, tyaala tsa ngua'ni yu ji'i̱ tya'a msu yu. “¿Ni hora tya nu'u̱ cñi nu ndacui nu'u̱ 'na?” nacui̱ yu ji'i̱ tya'a msu yu.

SAN MATEO 6:12

Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN MARCOS 6:37

―Cu'ma̱, ta ma̱ na cacu ngu' re ―nacui̱ Jesús ji'i̱ ngu' nu ndyaca tsa'a̱ ji'i̱ li'. ―¿Ha tyu'u scua tucua siyento paxu cui'ya ya xlyá teje' cacu ngu' re, cusu'? ―nacui̱ ngu' ji'i̱ Jesús.

SAN LUCAS 11:4

Cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ngua'ni ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya. Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Jua'a̱ ngulu'u Jesús ji'i̱ nu ngu' nu ndyaca tsa'a̱ ji'i̱ bi'.

SAN LUCAS 12:48

Pana chaca msu nu ná ngua cuayá' ti' ni cña ngulo xu'na yu ji'i̱ yu, xti la cha' chcube' yu bi' li'; jo'o la xi quiji'i̱ xu'na yu ji'i̱ yu, masi ndacui cha' chcube' lye yu xqui'ya cña nu ná ngua'ni yu bi'. Nu lo'o ta ycui' Ndyosi tyu̱u̱ lo cha' ji'na, jua'a̱ tyu̱u̱ lo cña ndu'ni cha' cua'ni na cuentya ji'i̱ Ni; la cui' ti cha' lo'o xtyanu ñati̱ quiña'a̱ tsa cña ji'na, li' ndu'ni cha' cua'ni na quiña'a̱ la cña cuentya ji'i̱ ngu' bi'.

SAN LUCAS 13:4

Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,

SAN LUCAS 7:40

Li' nguxana Jesús nchcui' lo'o nu yu fariseo bi': ―Ntsu'u sca cha' nu ta na' lo'o nu'u̱, Simón ―nacui̱ Jesús ji'i̱. ―Cuacha' clya nu'u̱ jna', cusu' ―nacui̱ yu fariseo ji'i̱ li'.

SAN LUCAS 7:47

Nde laca cha' nu ndacha' na' jinu'u̱ juani, cha' tso'o tsa ndyu'ni tya'na ti' nu cuna'a̱ cua jna', bi' cha' ca cuayá' ti' na cha' cua ngüityi̱ ycui' Ndyosi qui'ya nu ntsu'u ji'i̱ cho', masi quiña'a̱ tsa qui'ya ntsu'u ji'i̱ cho' ca slo Ni. Pana ñati̱ nu ná lye ntsu'u qui'ya ji'i̱ cha' cuityi̱ ycui' Ndyosi ji'i̱, xti la xi cha' ndube ti' ngu' bi' ña'a̱ ngu' ji'i̱ ycui' Ni ―nacui̱ Jesús ji'i̱ Simón.

ROMANOS 3:23

Lcaa na ntsu'u qui'ya ji'na cuentya ji'i̱ ycui' Ndyosi, cha' ná ngua'ni na tsiya' ti cña nu nti' Ni cha' cua'ni na.

ROMANOS 5:20

Nu lo'o cuna na ni cña laca nu nclyo ycui' Ndyosi ji'na, li' nchca cuayá' la ti' na ñi'ya̱ laca qui'ya nu sta Ni ji'na. Masi ndube tsa ti' na cha' ntsu'u tsa cha' cuxi ji'na, la cui' jua'a̱ jlo ti' na cha' ntaja'a̱ Ni cua'ni lyaá Ni ji'na; jlo ti' na cha' nchca ji'i̱ Ni, cha' tso'o tsa ndu'ni Ni lo'o na.