SAN LUCAS 7:30 - Chatino Tataltepec

³⁰ Pana nu ngu' fariseo lo'o ngu' mstru cha' jo'ó nu ná ntaja'a̱ cha' tyucuatya Juan ji'i̱ ngu' nu ngua li', ná ngua'ni ngu' cuentya ji'i̱ cña nu ndyu'ni ycui' Ndyosi cha' nguxtyucua Ni ji'i̱ ñati̱. Li' xa' nchcui' Jesús lo'o ngu':

SAN LUCAS 7:30 Iomraidhean Croise

SAN MATEO 22:35

Lo'o jua'a̱ nga'a̱ sca ngu' fariseo nu jlo tsa ti' lcaa cha' ji'i̱ ycui' Ndyosi nu nguscua jyo'o Moisés. Li' nchcuane yu ji'i̱ Jesús cha' chcui' cuayá' yu lo'o:

SAN LUCAS 13:34

’Tya'na tsa cu'ma̱ ngu' Jerusalén, cha' tucui tsa cha' nu ntsu'u ji'i̱ ma̱. Tya sa'ni ndujuii ma̱ ji'i̱ ngu' nu laca tu'ba ji'i̱ ycui' Ndyosi, ngujui'i̱ ma̱ quee ji'i̱ ñati̱ nu ngua'a̱ lo Ni cña ji'i̱. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱, cha' ná ca cuxi ji'i̱ ma̱; ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ nti' na' cua'ni na' lo'o ma̱, pana ná nda ma̱ chacuayá' 'na tsiya' ti.

SAN LUCAS 20:6

Si ñacui̱ na cha' ñati̱ chalyuu nda chacuayá' ji'i̱ Juan bi' ni, li' cujuii nu quiña'a̱ tsa ñati̱ nu ndi'i̱ re ji'na lo'o quee, cha' tu'ba ji'i̱ ycui' Ndyosi cha' nchcui' Ni lo'o ñati̱ ngua jyo'o Juan bi', nti' ngu'.

SAN LUCAS 7:31

―Ná tso'o tsiya' ti ñi'ya̱ nu ndu'ni ñati̱ chalyuu tyempo juani ―nacui̱―.

LOS HECHOS 20:27

Cua nda na' cha' lo'o ma̱, lcaa cha nu' ngua ti' ycui' Ndyosi cua'ni Ni lo'o ma̱; ni sca cha' ná ndyu'u cuaana ti tyiquee na'.

ROMANOS 10:21

Pana xa' ña'a̱ nguscua jyo'o Isaías cha' ji'i̱ ngu' Israel: “Tyucui tsa̱ ngusi'yana na' ji'i̱ ngu'”, nacui̱ Ni, “pana ná ndaquiya' ngu' bi' 'na tsiya' ti; xcui' na nxu̱u̱ tya'a ti ngu' lo'o na'”. Jua'a̱ nchcui' quityi.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

GÁLATAS 2:21

Si'i cha' ná ndube ti' na' ji'i̱ lcaa cha' tso'o nu ngua'ni ycui' Ndyosi lo'o ngu' judío tya'a ya; laca cha' ndube tsa ti' na' cha' ná taca ca tso'o cresiya ji'na cuentya ji'i̱ ycui' Ndyosi, masi tso'o tsa ndaquiya' na ji'i̱ cña nu nclyo cha' cusu' bi' ji'na. Ndube tsa ti' na' cha' ná ngujuii Jesús jua'a̱ ti; ntsu'u cña nu ngua'ni yu lo'o ngujuii yu lo crusi bi', na cua ngua'ni tso'o yu ji'i̱ cresiya ji'na cuentya ji'i̱ ycui' Ndyosi nu ngua li'.

EFESIOS 1:11

Lcaa cha' nu ndyaca nde chalyuu, ndyaca bi' xqui'ya cha' nti' Ni cha' caca jua'a̱. Lo'o jua'a̱ na ni, tya clyo cua ngusubi Ni ji'na cha' caca na ñati̱ ji'i̱ Ni, cha' caca stu'ba cha' ji'na lo'o Cristo, xqui'ya cha' jua'a̱ nti' ycui' Ndyosi cha' caca.