SAN LUCAS 7:3 - Chatino Tataltepec

³ Lo'o cua ndyuna nu capitán bi' quiña'a̱ cha' nu nchcui' ngu' cha' ji'i̱ Jesús, li' nchcui' xi lo'o ngu' cusu' nu ca tyi quichi̱ bi', cha' tsaa ngu' chcui' ngu' lo'o Jesús cuentya ji'i̱, cha' jña ngu' ji'i̱ Jesús cha' ca̱a̱ yu cua'ni yu jo'o ji'i̱ msu quicha bi' ji'i̱.

SAN LUCAS 7:3 Iomraidhean Croise

SAN MATEO 8:5

Lo'o li' ndyalaa Jesús to' quichi̱ Capernaum. Quichi̱ bi' ndyacua tya'a lo'o sca capitán ji'i̱ sendaru romano nu ndijña ji'i̱ Jesús cha' cua'ni jo'o ji'i̱ sca nu quicha:

SAN LUCAS 7:2

Ca bi' ndi'i̱ sca capitán nu laca loo ji'i̱ sendaru ji'i̱ ngu' romano. Ntsu'u sca msu ji'i̱ nu tyaca'a tsa ji'i̱; pana quicha tsa nu msu bi', cua cajaa ti.

SAN LUCAS 7:4

Ndu'u ngu' ndyaa ngu' li'. Lo'o ndyalaa ngu' bi' ca slo Jesús, li' nguxana ngu' nchcui' ngu' lo'o yu cuentya ji'i̱ nu capitán bi'. ―Tso'o tsa nu capitán bi' ―nacui̱ ngu' ji'i̱ Jesús―. Ndulo tsa yu jinu'u̱ cha' cua'ni nu'u̱ jo'o ji'i̱ msu quicha bi' ji'i̱ yu ―nacui̱ ngu'―.

SAN LUCAS 8:41

Lo'o cua ndyalaa Jesús, li' hora ti ndyalaa sca nu qui'yu nu naa Jairo slo; ngu' cusu' laca yu, loo laca yu ne' laa ji'i̱ ngu' bi'. Ya̱a̱ yu li', ndu̱ sti̱' yu nde loo Jesús, lye tsa ndijña yu cha' clyu ti' ji'i̱ Jesús cha' tsaa toni'i̱ ji'i̱ yu.

SAN LUCAS 9:38

Ndi'i̱ sca nu qui'yu laja ñati̱ quiña'a̱ bi' nu cui̱i̱ nchcui' lo'o Jesús: ―Mstru ―nacui̱ yu ji'i̱―, cua'ni cha' tso'o ña'a̱ nu'u̱ xi ji'i̱ sñi' na', cha' sca ti bi' laca sñi' na' nu ntsu'u 'na.

SAN JUAN 4:47

Lo'o cua ndyuna nu laca cña bi', cha' ngutu'u Jesús loyuu su cuentya Judea ndyalaa yu sca quichi̱ cacua ti su ndi'i̱ nu cusu' bi', la cui' nde loyuu su cuentya Galilea, li' ndyaa nu cusu' bi' slo Jesús. Ndijña tsa cha' clyu ti' ji'i̱ Jesús cha' tsaa yu quichi̱ tyi nu cusu' bi', cha' tsaa yu cua'ni yu jo'o ji'i̱ nu piti quicha bi', cha' cua cajaa ti.

FILEMÓN 1:10

Pana chcui' na' sca cha' lo'o nu'u̱ cuentya ji'i̱ yu Onésimo, cha' ñi'ya̱ nti' na' ña'a̱ na' ji'i̱ sca sñi' na', jua'a̱ nti' na' ña'a̱ na' ji'i̱ yu bi' juani, cha' ne' chcua̱ re ngusñi yu cha' ji'i̱ ycui' Ndyosi xqui'ya na'.