SAN LUCAS 7:26 - Chatino Tataltepec

²⁶ Ná tyiquee' ngua tii ma̱ cha' laca nu Juan bi' sca ñati̱ nu nda cha' ji'i̱ ycui' Ndyosi lo'o ñati̱; chañi cha' laca yu jua'a̱, pana lo'o sca cña tlyu la ngujui ji'i̱ Juan.

SAN LUCAS 7:26 Iomraidhean Croise

SAN LUCAS 1:76

Lo'o nu'u̱ juani, sñi', nacui̱ yu ji'i̱ nu piti Juan, chcui' ngu' cha' nu'u̱ laca nu ta cui̱i̱ lo'o ñati̱ cuentya ji'i̱ ycui' Ndyosi nu laca loo. Tya'a̱ nu'u̱ ca nde loo la ji'i̱ ycui' nu Xu'na na, cha' quiñi tso'o tyucui̱i̱ su ca̱a̱ ycui'.

SAN LUCAS 16:16

’Nu tyempo cua sa'ni la ni, ntsu'u cha' cusu' ji'i̱ ñati̱, la cui' cha' nu nda ycui' Ndyosi lo'o Moisés, jua'a̱ lo'o ngu' nu ngua tu'ba ji'i̱ Ni tya sa'ni la; pana nu lo'o ñaa Juan, tya li' nguxana ngañi cha' tso'o ji'i̱ ycui' Ndyosi, cha' caca Ni loo ne' tyiquee ñati̱. Quiña'a̱ tsa ñati̱, lye tsa nda ngu' juersa cha' xñi ngu' cha' ji'i̱ ycui' Ndyosi.

SAN LUCAS 20:6

Si ñacui̱ na cha' ñati̱ chalyuu nda chacuayá' ji'i̱ Juan bi' ni, li' cujuii nu quiña'a̱ tsa ñati̱ nu ndi'i̱ re ji'na lo'o quee, cha' tu'ba ji'i̱ ycui' Ndyosi cha' nchcui' Ni lo'o ñati̱ ngua jyo'o Juan bi', nti' ngu'.

SAN LUCAS 7:25

¿Na laca ngua ti' ma̱ lo'o na'a̱ ma̱ ji'i̱ yu bi' lacua? ¿Ha tso'o tsa ste' yu lo'o na'a̱ ma̱ ji'i̱ yu ca bi'? Cua jlo ti' ma̱ cha' si'i ne' quixi̱' ndi'i̱ ñati̱ nu tso'o tsa ste', si'i ne' quixi̱' ndi'i̱ ñati̱ nu ntsu'u tsa cñi ji'i̱ cha' culiji jua'a̱ ti; to' tyi nu culiya' nu laca rey, ca bi' ndi'i̱ ngu' bi'.

SAN LUCAS 7:27

Ndi'ya̱ nscua lo quityi cusu' cha' ji'i̱ cña nu ntsu'u ji'i̱ Juan bi': Culo na' cña ji'i̱ sca msu jna' cha' tsaa yu ca nde loo la su tya'a̱ nu'u̱, cha' saala clya yu tyucui̱i̱ su ca̱a̱ ycui' nu'u̱, nacui̱ ycui' Ndyosi ji'i̱ Cristo.

SAN JUAN 5:35

Nu Juan ni ―nacui̱ Jesús li'―, nda yu cha' jna' lo'o ngu' ñi'ya̱ si laca yu sca xee nu ndubi tsa, nu nda xee tyi'i̱ ca chu̱' su ndi'i̱ yu bi'. Lo'o jua'a̱ tso'o xi ngua ti' ma̱ lo'o nchcui' Juan lo'o ma̱ li' ―nacui̱―.