SAN LUCAS 7:25 - Chatino Tataltepec

²⁵ ¿Na laca ngua ti' ma̱ lo'o na'a̱ ma̱ ji'i̱ yu bi' lacua? ¿Ha tso'o tsa ste' yu lo'o na'a̱ ma̱ ji'i̱ yu ca bi'? Cua jlo ti' ma̱ cha' si'i ne' quixi̱' ndi'i̱ ñati̱ nu tso'o tsa ste', si'i ne' quixi̱' ndi'i̱ ñati̱ nu ntsu'u tsa cñi ji'i̱ cha' culiji jua'a̱ ti; to' tyi nu culiya' nu laca rey, ca bi' ndi'i̱ ngu' bi'.

SAN LUCAS 7:25 Iomraidhean Croise

SAN MATEO 11:8

¿Ni cha' laca ndyaa ma̱ cajua lacua? ¿Ha na'a̱ ma̱ ji'i̱ sca nu qui'yu nu tso'o tsa ña'a̱ ste' yu? Si'i jua'a̱, cha' nu ngu' nu lacu' ste' tso'o tsa ña'a̱ ni, ndi'i̱ ngu' bi' slo ngu' culiya' nu laca loo.

SAN MATEO 3:4

Lo'o nu Juan bi' ni, lacu' yu sca late' quicha̱' camello, lo'o jua'a̱ ndyaaca̱' juata sii' yu; ndacu yu tscu' lo'o cuiñaa' cuityu̱.

SAN MATEO 6:29

Nu jyo'o Salomón nu ngua rey culiya' tsa cua sa'ni ni, tso'o tsa ña'a̱ ngua ste' jyo'o bi'; pana ná stu'ba ña'a̱ ste' yu lo'o queé cua, cha' tso'o la ña'a̱ queé.

SAN LUCAS 16:19

’Cua ntsu'u sca nu culiya', lo'o xcui' late' quiña'a̱ nga'a̱, xcui' late' tso'o ña'a̱ nchcu' yu. Lo'o jua'a̱ lye tsa ndyu'ni yu, lcaa tsa̱ ndyaca ta'a slo yu.

SAN LUCAS 7:24

Li' nguxtyu̱u̱ ngu' ndyaa ngu', ñati̱ nu nguane Juan ji'i̱ cha' ca̱a̱ bi'. Li' nguxana Jesús nchcui' cha' ji'i̱ nu Juan bi' lo'o ñati̱ nu ndyanu slo. ―¿Na laca ngua ti' ma̱, nu lo'o ndyaa na'a̱ ma̱ ji'i̱ nu Juan bi' ca ne' quixi̱' su ná ndi'i̱ ñati̱? ―nacui̱ Jesús―. Ngua ti' ma̱ cha' tucua cha' ntsu'u tyiquee yu nu lo'o nchcui' yu lo'o ñati̱, ñi'ya̱ nti' lo'o ndya̱a̱ yaca quii tyucuaa chu̱' ca lo'o lijya̱ cui'i̱. ¿Ha jua'a̱ nti' ma̱?

SAN LUCAS 7:26

Ná tyiquee' ngua tii ma̱ cha' laca nu Juan bi' sca ñati̱ nu nda cha' ji'i̱ ycui' Ndyosi lo'o ñati̱; chañi cha' laca yu jua'a̱, pana lo'o sca cña tlyu la ngujui ji'i̱ Juan.