SAN LUCAS 7:2 - Chatino Tataltepec

² Ca bi' ndi'i̱ sca capitán nu laca loo ji'i̱ sendaru ji'i̱ ngu' romano. Ntsu'u sca msu ji'i̱ nu tyaca'a tsa ji'i̱; pana quicha tsa nu msu bi', cua cajaa ti.

SAN LUCAS 7:2 Iomraidhean Croise

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN LUCAS 23:47

Lo'o na'a̱ nu capitán ji'i̱ sendaru romano ñi'ya̱ ngua cha' bi', li' ngua'ni tlyu ji'i̱ ycui' Ndyosi. Ndi'ya̱ nchcui' li': ―Chañi cha' ná ntsu'u qui'ya ji'i̱ jyo'o re tsiya' ti ―nacui̱ nu capitán ji'i̱ sendaru bi'.

SAN LUCAS 7:1

Lo'o ndye nchcui' Jesús lo'o ñati̱ bi', li' ndu'u yu ndyaa yu ca quichi̱ Capernaum.

SAN LUCAS 7:3

Lo'o cua ndyuna nu capitán bi' quiña'a̱ cha' nu nchcui' ngu' cha' ji'i̱ Jesús, li' nchcui' xi lo'o ngu' cusu' nu ca tyi quichi̱ bi', cha' tsaa ngu' chcui' ngu' lo'o Jesús cuentya ji'i̱, cha' jña ngu' ji'i̱ Jesús cha' ca̱a̱ yu cua'ni yu jo'o ji'i̱ msu quicha bi' ji'i̱.

SAN LUCAS 8:42

Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.

LOS HECHOS 10:1

Ndi'i̱ sca nu qui'yu nu naa Cornelio ca quichi̱ Cesarea; laca Cornelio capitán ji'i̱ sca latya ngu' sendaru nu nacui̱ ngu' cha' latya Italiano laca ngu'.

LOS HECHOS 10:7

Ndu'u xca̱ ji'i̱ ycui' Ndyosi bi', ndyaa li'. Lo'o li' ngusi'ya Cornelio ji'i̱ tucua tya'a msu ji'i̱, lo'o ji'i̱ sca sendaru nu ndu'ni cña ji'i̱; lo'o sendaru bi' ndyu'ni tlyu yu ji'i̱ ycui' Ndyosi.

LOS HECHOS 22:26

Hora ti ngusna capitán ndyaa nda xi cha' lo'o xu'na sendaru li': ―Cui'ya nu'u̱ cuentya ñi'ya̱ ña'a̱ cua'ni nu'u̱ lo'o nu qui'yu jua ―nacui̱ capitán ji'i̱ xu'na―. Sca ngu' romano laca yu.

LOS HECHOS 23:17

Li' ngusi'ya Pablo ji'i̱ sca capitán: ―Cua'ni cha' tso'o tsaa lo'o ji'i̱ yu cuañi' re ca slo xu'na ma̱ ―nacui̱ Pablo ji'i̱―. Ntsu'u sca cha' nu ta yu lo'o nu laca xu'na ma̱.

LOS HECHOS 27:1

Lo'o li' ngua stu'ba cha' ji'i̱ ngu' lo'o tya'a ngu' cha' ta ngu' ji'i̱ Pablo tsaa yu ca loyuu su cuentya Italia. Lo'o na' nu nscua̱ quityi re, nguta'a̱ na' lo'o ngu' li'. Ngulo ngu' cña ji'i̱ sca capitán ji'i̱ sendaru nu naa Julio cha' tsaa lo'o ji'i̱ Pablo lo'o xa' preso. Julio laca capitán ji'i̱ taju sendaru nu cuentya ji'i̱ Augusto.

LOS HECHOS 27:3

Ndu'u ya ndyaa ya li', ca chaca tsa̱ ndyalaa ya ca quichi̱ Sidón. Tso'o tsa tyiquee nu Julio bi', nda bi' chacuayá' ji'i̱ Pablo cha' tsaa yu slo tya'a tso'o yu nu ndi'i̱ quichi̱ bi', cha' xtyucua xi tya'a yu ji'i̱ yu.

LOS HECHOS 27:43

Pana ná nda capitán chacuayá' ji'i̱ sendaru cha' cujuii ngu' ji'i̱ preso, cha' ná nti' capitán bi' cujuii ji'i̱ Pablo. Li' ngulo capitán cña ji'i̱ lcaa ngu' nu nchca ji'i̱ ngu' xcuatya ngu', cha' tsaa ngu' lo hitya cha' tyu'u tso'o ti ngu' ca loyuu btyi;

COLOSENSES 3:22

Cu'ma̱ ngu' msu nu ndyu'ni cña ji'i̱ ngu' laja ti, taquiya' ma̱ lcaa cña nu culo ñati̱ nu laca loo ji'i̱ ma̱ nde chalyuu. Si'i na cua'ni ti ma̱ jua'a̱ cha' tyanu tso'o cha' ji'i̱ ma̱ lo'o ngu' lo'o ndu̱ ti ngu' slo ma̱, cha' ndyi'ya ngu' cuentya ji'i̱ ma̱ si ndu'ni ma̱ cña; pana tyucui tyiquee ma̱ cua'ni ma̱ cña bi', xqui'ya cha' lcaa hora ndube ti' ma̱ ji'i̱ ycui' nu Xu'na na.