SAN LUCAS 7:14 - Chatino Tataltepec

¹⁴ Li' ya̱a̱ Jesús cacua la slo ngu' bi', ngusta ya' yu chu̱' caju̱. Li' ndatu̱ ngu' nu ndyi'ya ji'i̱ jyo'o bi', nchcui' Jesús lo'o nu jyo'o bi': ―Yu cuañi' nu'u̱ ―nacui̱―. Tyaca'a̱ clya nu'u̱.

SAN LUCAS 7:14 Iomraidhean Croise

SAN MARCOS 5:41

Li' ngusñi Jesús ya' nu piti bi': ―Talita, cumi ―nacui̱ Jesús ji'i̱, cha'cña ji'i̱ ngu' bi'. (Ndi'ya̱ ndyu'u cha' bi': Mbixu̱', nde cha' chcui' na' lo'o nu'u̱ juani: Tyatu̱ nu'u̱.)

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN LUCAS 7:15

Hora ti ndaca'a̱ nu ngua jyo'o bi', nguxana nchcui' yu lo'o ngu' li'. Xa' ndya Jesús ji'i̱ nu qui'yu cuañi' bi' ji'i̱ xtya'a̱ yu li'.

SAN LUCAS 7:17

Cua ngañi lye cha' ji'i̱ lcaa cña tonu nu ndyu'ni Jesús tyucui ña'a̱ loyuu su cuentya Judea; jua'a̱ lcaa quichi̱ cacua ti, lo'o bi' ngañi cha' bi'.

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

SAN JUAN 5:25

Lo'o jua'a̱ ta na' chaca cha' liñi lo'o ma̱ ―nacui̱―. Cua ngulala ti hora, cua la cui' hora ndyalaa juani, cha' xi'ya na' nu laca̱ Sñi' ycui' Ndyosi ji'i̱ lcaa ñati̱ nu ndi'i̱ chalyuu; ñi'ya̱ laca si na cua ngujuii ngu' laca, xqui'ya cha' cuxi nu ntsu'u ji'i̱ ngu'. Lo'o cuna ngu' bi' cha' nu chcui' na' lo'o ngu', li' caja chalyuu tso'o ji'i̱ ngu', lcaa ñati̱ nu xñi cha' jna' ―nacui̱ Jesús ji'i̱ ngu'―.

ROMANOS 4:17

Ndi'ya̱ nchcui' cha' nu nda Ni lo'o Abraham, nu nscua lo quityi: “Cua nda na' chacuayá' cha' caca nu'u̱ sti tyu̱u̱ lo tya'a ñati̱ nu catu̱ chalyuu nde loo la”, nacui̱ Ni ji'i̱ Abraham. Cua ngüiñi cha' ji'i̱ ycui' Ndyosi lo'o jyo'o Abraham sa'ni, cha' ngusñi yu cha' nu cua nchcui' ycui' Ndyosi lo'o yu, la cui' Ni nu ndyu'ni cha' tyu'ú jyo'o chaca quiya'. Lo'o jua'a̱ ngulo Ni cña cha' tyu'u tucua lcaa cha' nde loo la, cha' nu cua nacui̱ Ni ji'i̱ yu lo'o nchcui' Ni ñi'ya̱ si cua laca ndi'i̱ cha' bi' ji'i̱ yu nu ngua li'.

EFESIOS 5:12

Pana ntsu'u cha' cuxi nu ndu'ni ngu' cuaana ti, nu tyuju'u tsa ti' na si chcui' na ji'i̱ cha' bi'.