SAN LUCAS 7:13 - Chatino Tataltepec

¹³ Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN LUCAS 7:13 Iomraidhean Croise

SAN MARCOS 8:2

―Tya'na tsa ti' na' ji'i̱ nu ngu' quiña'a̱ re ―nacui̱―, cha' sna tsa̱ cua nguta'a̱ ngu' lo'o na'. Nga'aa ntsu'u tsiya' ti na cacu ngu' juani.

SAN LUCAS 10:1

Nu lo'o cua nteje tacui cha' bi', li' ngusubi Jesús chaca snayala tyii tya'a ngu' cha' tsaa ngu' nde loo ji'i̱ yu; cuentya tucua tya'a ti ngu' tsaa ngu' lcaa se'i̱ lo'o lcaa quichi̱ su nga'a̱ cha' tsaa yu nti' yu.

SAN LUCAS 11:1

Ngua sca tsa̱ nga'a̱ Jesús ndyu'ni tlyu ji'i̱ ycui' Ndyosi. Lo'o ndye nchcui' yu lo'o Ni, li' nacui̱ sca ngu' nu ndyaca tsa'a̱ ji'i̱: ―Cusu' ―nacui̱―, culu'u nu'u̱ ji'i̱ ya ñi'ya̱ caca chcui' ya lo'o ycui' Ndyosi, tsa ña'a̱ nu ngulu'u jyo'o Juan ji'i̱ ngu' nu nguta'a̱ lo'o.

SAN LUCAS 11:39

Li' nchcui' ycui' nu Xu'na na lo'o yu fariseo bi': ―Cu'ma̱ ngu' fariseo ―nacui̱ Jesús―, tso'o tsa ndyaati̱ loo ma̱, ndyaati̱ hichu̱' cuaña' ma̱, ñi'ya̱ nti' ndyaati̱ sca tasa, ndyaati̱ sca ca'ña. Pana nde ne' cresiya ji'i̱ ma̱ ni, xcui' cha' cuxi ntsu'u; nti' ma̱ xlyaá ma̱ na nu ntsu'u ji'i̱ xa' ñati̱, lya' ti' ma̱ ji'i̱ ñati̱.

SAN LUCAS 12:42

Li' nguxacui̱ Jesús cha' ji'i̱ yu: ―¿Ha ntsu'u cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.

SAN LUCAS 13:15

―Cuiñi tsa nu'u̱ ―nacui̱ Jesús ji'i̱ nu laca loo ne' laa bi' li'―. Lcaa cu'ma̱ lo'o tya'a ma̱ nsati̱' ma̱ toro ji'i̱ ma̱, masi huru ji'i̱ ma̱, cha' tsaa lo'o ma̱ ji'i̱ ni' cha' co'o ni' hitya, masi tsa̱ ta'a ―nacui̱ yu―.

SAN LUCAS 17:5

Li' nacui̱ nu ngu' nu ndyaca tsa'a̱ ji'i̱ Jesús: ―Xtyucua nu'u̱ ji'i̱ ya cha' taca jlya la ti' ya cha' jinu'u̱ ―nacui̱ ngu' ji'i̱.

SAN LUCAS 17:6

―Jlo ti' ma̱ cha' piti tsa sca si'yu cuxee ―nacui̱ Jesús ji'i̱ ngu'―, lo'o jua'a̱ cu'ma̱ ni, ná quiña'a̱ tsa cha' nchca ji'i̱ ma̱. Pana masi xti ti cha' jlya ti' ma̱ ji'i̱ ycui' Sti na', taca ñacui̱ ma̱ ji'i̱ yaca quityi re: “Tyu'utsu' nu'u̱ ca su ndu̱ re, yaa nu'u̱ tyu̱ nde lo hitya tyujo'o”. Lo'o li' ña'a̱ ma̱ cha' taquiya' yaca bi' cha' nu cua nchcui' ma̱ lo'o.

SAN LUCAS 18:6

Tya nchcui' la Jesús lo'o ngu' li': ―Jua'a̱ nchcui' nu bese xña'a̱ bi', li' nguxtyucua yu ji'i̱ ma' bi', masi ná tso'o tyiquee yu ―nacui̱ Jesús ji'i̱ ngu'―.

SAN LUCAS 19:8

Li' ndatu̱ Zaqueo cha' chcui' lo'o Jesús: ―Ña'a̱ xi ya'a̱, cusu' ―nacui̱ yu―. Ta na' sa cla'be cha' tso'o nu ntsu'u 'na ji'i̱ ngu' ti'i. Si tya ntsu'u na nu nguaana na' cha' cua ngüiñilo'o na' ji'i̱ ngu', tya na' na bi' ji'i̱ ngu', masi jacua tsa lo cua quije ji'i̱ ngu' ―nacui̱ Zaqueo li'.

SAN LUCAS 22:61

Li' nguxtyacui loo Jesús su ndu̱ ne' ni'i̱, cha' ña'a̱ ji'i̱ Pedro. Hora ti ndyi'u ti' Pedro cha' nu cua nchcui' Jesús lo'o yu tya tsa̱ la. Ndi'ya̱ ngua cha' bi': “Nu lo'o tya lyiji xi'ya ndye'e talya juani, li' sna quiya' ñacui̱ nu'u̱ cha' ná nslo nu'u̱ 'na”, nacui̱ Jesús tya li'.

SAN LUCAS 24:3

Li' ndyatí̱ ngu' ne' cuaá cha' ña'a̱ ngu', pana nga'aa ntsiya jyo'o Jesús.

SAN LUCAS 24:34

Hora ti nchcui' ngu' nu nga'a̱ ni'i̱ bi' lo'o ngu' nu ndyalaa ca ti li': ―Chañi cha' cua ndyu'ú Jesús chaca quiya' ―nacui̱ ngu'―. Cua na'a̱ Simón ji'i̱ yu.

SAN LUCAS 7:12

Lo'o cua ndyalaa ngu' ca to' quichi̱ bi', li' na'a̱ ngu' cha' ndyaa lo'o ngu' quichi̱ bi' ji'i̱ sca jyo'o cha' cua tyatsi'. Sñi' sca nu cuna'a̱ ti'i laca jyo'o bi'; cua ndyanu ma' ycui' ti ma' nu lo'o ngujuii sñi' ma', cha' nu sca ti sñi' qui'yu ma' laca yu nu ngujuii bi'. Tyu̱u̱ tsa tya'a ngu' quichi̱ bi' ndya'a̱ ngu' lo'o ma'.

SAN LUCAS 7:14

Li' ya̱a̱ Jesús cacua la slo ngu' bi', ngusta ya' yu chu̱' caju̱. Li' ndatu̱ ngu' nu ndyi'ya ji'i̱ jyo'o bi', nchcui' Jesús lo'o nu jyo'o bi': ―Yu cuañi' nu'u̱ ―nacui̱―. Tyaca'a̱ clya nu'u̱.

SAN LUCAS 7:19

Li' ngusi'ya Juan ji'i̱ tucua tya'a ngu' tya'a ndya'a̱ yu bi'. Ngulo yu cña ji'i̱ ngu' cha' tsaa ngu', tsaa xcuane ngu' ji'i̱ Jesús si chañi cha' ycui' yu laca yu Cristo, nu ñati̱ tlyu nu cua ca̱a̱ ti; si tya ntsu'u cha' jatya la xi ngu' ña'a̱ cuayá' nu ca̱a̱ chaca ñati̱ nu cua tlyu la.

SAN LUCAS 8:52

Nxi'ya tsa xi xa' la ngu' ndi'i̱ ngu' nde liya' xqui'ya cha' ngujuii nu cuna'a̱ piti bi'. Li' nchcui' Jesús lo'o ngu' bi': ―Ná xi'ya ma̱ ―nacui̱―. Si'i na ngujuii nu quicha re, na laja' ti re ―nacui̱ Jesús ji'i̱ ngu'.

SAN JUAN 11:2

(Tya'a ngula María laca Lázaro nu quicha bi', lo'o jua'a̱ María laca nu su'ba setye tyixi xtyi'i chu̱' quiya' Jesús nde loo la, lo'o li' sube' cho' quicha̱' que ycui' cho' quiya' Jesús cha' quityi.)

SAN JUAN 11:3

Cua nda tyucuaa nu cuna'a̱ bi' cha' ndyaa ca slo Jesús: ―Tyu'u cha' clyu ti' jinu'u̱, Xu'na ―nacui̱ ngu' cuna'a̱ bi'―, nde lijya̱ cha', cha' caca cuayá' ti' nu'u̱ cha' ntsiya tya'a tso'o nu'u̱, quicha tsa yu.

SAN JUAN 20:13

Li' nchcuane xca̱ bi' ji'i̱ María: ―¿Ni cha' laca lye tsa ndyunaa nu'u̱? Li' nguxacui̱ María cha' ji'i̱ xca̱ bi': ―Cua ngulo ngu' ji'i̱ jyo'o Xu'na na' ―nacui̱―, lo'o ná jlo ti' na' mala ndyaa lo'o ngu' ji'i̱ ndyaa.

SAN JUAN 20:15

Li' nchcuane Jesús ji'i̱: ―¿Ni cha' laca lye tsa ndyunaa nu'u̱? ―nacui̱ yu ji'i̱ nu Maria bi'―. ¿Ti ji'i̱ nclyana nu'u̱ ndya'a̱? Ngua ti' María cha' nu ca ji'i̱ yaca tyacala' laca nu ndu̱ bi', bi' cha' nchcui' lo'o yu li': ―Si nu'u̱ laca nu ngulotsu' ji'i̱ jyo'o nu nguatsi' re, cusu' ―nacui̱ ji'i̱ yu―, cua'ni nu'u̱ cha' tso'o cuacha' clya xi 'na mala ndyaa lo'o nu'u̱ ji'i̱, cha' li' tsaa lo'o na' ji'i̱ jyo'o bi' chaca se'i̱ su tso'o la.

SAN JUAN 4:1

Lo'o li' ndyuna ngu' fariseo, nda ngu' cuentya cha' quiña'a̱ la ñati̱ ndya'a̱ lo'o Jesús cha' caca tsa'a̱ ngu' ji'i̱ yu, jua'a̱ ntyucuatya yu ji'i̱ ngu'; xti la ngu' ndi'i̱ nu ndyaca tsa'a̱ ji'i̱ Juan.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.

1 CORINTIOS 7:30

masi nxi'ya ma̱, ná ñacui̱ ma̱ cha' xñi'i̱ ti' ma̱; masi nxtyí ma̱, ná ñacui̱ ma̱ cha' chaa tsa ti' ma̱; masi cui'ya ma̱ sca yu'ba, ná culacua ti' ma̱ cha' tsa cu' ti na ji'i̱ ma̱ laca bi';

1 TESALONICENSES 4:13

Cu'ma̱ tya'a ngusñi na cha' ji'i̱ Jesús, juani ta ya xi cha' lo'o ma̱ cuentya ji'i̱ ngu' tya'a na nu cua ngujuii, cha' ca cuayá' ti' ma̱ cha' ñi'ya̱ laca si na laja' ti ngu', jua'a̱ laca jyo'o bi'. Ná ca xñi'i̱ ti' ma̱ cuentya ji'i̱ jyo'o tya'a ma̱ lacua, cha' ná stu'ba laca na lo'o ñati̱ nu bilya xñi cha' ji'i̱ Jesucristo.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.