SAN LUCAS 6:44 - Chatino Tataltepec

⁴⁴ Lcaa yaca nslo ngu' ji'i̱ lo'o ña'a̱ ngu' ni si'yu laca ndyu'u lo. Ná nsuu ngu' si'yu tyixi ji'i̱ sca yaca quiche'; la cui' ti jua'a̱, ná nsuu ngu' si'yu losu' tyixi ji'i̱ lti quiche' yane.

SAN LUCAS 6:44 Iomraidhean Croise

SAN MATEO 12:33

’Sca yaca ni, si tso'o yaca, ta si'yu tso'o li'; lo'o jua'a̱ si ná tso'o yaca, ná ta si'yu nu cacu na li'. Jlo ti' na si tso'o yaca lo'o ña'a̱ na si'yu nu nda yaca bi'.

SAN MATEO 7:16

Taca ji'i̱ ma̱ tyuloo ma̱ ji'i̱ ngu' cuiñi bi' lo'o ña'a̱ ma̱ ni cña ndu'ni ngu', si cha' tso'o, si cha' cuxi ndu'ni ngu'. Si'i ji'i̱ quiche' yane nsuu na si'yu losu' tyixi, cha' ná ta lti bi' si'yu tyixi; jua'a̱ si'i ji'i̱ yaca quiche' nsuu na si'yu tyixi.

SAN MATEO 7:20

Nchca cuayá' ti' ma̱ ñi'ya̱ ndu'ni sca yaca lo'o ña'a̱ ma̱ si'yu yaca bi', lo'o jua'a̱ caca cuayá' ti' ma̱ si cuiñi ngu' bi' lo'o ña'a̱ ma̱ ñi'ya̱ laca cña nu ndu'ni ngu'.

SANTIAGO 3:12

Jua'a̱ lo'o yaca si'yu ni; ná taca tyu'u ntsati̱ ji'i̱ yaca quixuu, ni ná taca tyu'u quixuu ji'i̱ yaca ja'ba, cha' ná ca quixa' cha'. Ná caja hitya nu tso'o co'o na ca su ntyucua hitya cñi'.

JUDAS 1:12

Masi cuxi tsa ndu'ni nu ngu' cuiñi bi', ná ntyuju'u ti' ngu' tsiya' ti cha' ndi'i̱ ngu' lo'o ma̱ nu lo'o ndyu'u ti'i̱ ma̱ cha' cacu ma̱ si̱i̱ lo'o tya'a ma̱, xqui'ya cha' ngusñi ma̱ cha' ji'i̱ Jesucristo. Quiña'a̱ tsa ndacu ngu' bi' li', quiña'a̱ tsa ndyi'yu ngu', cha' tsa bi' ti cha' nti' ngu' ndya'a̱ ngu' slo ma̱; ná ndube ti' ngu' bi' tsiya' ti. Ñi'ya̱ laca sca xu'na xlya' nu ná ña'a̱si̱i̱ tso'o ji'i̱ xlya' ji'i̱, jua'a̱ laca ngu' bi'; ñi'ya̱ nti' coo btyi nu nxna lijya̱ lo'o cui'i̱ ti masi ná ca'ya tyo, jua'a̱ nti' nu ngu' cuiñi bi'; ñi'ya̱ laca sca yaca si'yu nu ná nda si'yu, jua'a̱ laca ngu' bi'. Pana sca yaca nu cua ngüityi, ntsu'u cha' xcua̱a̱ na ji'i̱, cha' nga'aa ntsu'u juersa ji'i̱ cha' cu'ú la li'; cua ndye ngujuii yaca bi'.