SAN LUCAS 5:7 - Chatino Tataltepec

⁷ bi' cha' ngua'ni ya' ngu' ji'i̱ tya'a ngu' nu nga'a̱ ne' chaca yaca ni'i̱ bi', cha' ca̱a̱ ngu' xtyucua ngu' ji'i̱. Hora ti ya̱a̱ ngu' li', ndojolaqui ngu' taraya ngutsa'á̱ ne' ntsu'u cualya, cha' su'ba ngu' ji'i̱ ne' yaca ni'i̱. Xi tya lyiji cha' clyu'u tyucuaa yaca ni'i̱ bi' ne' hitya xqui'ya cualya bi'.

SAN LUCAS 5:7 Iomraidhean Croise

SAN MARCOS 4:36

Lo'o li' nguxtyanu ngu' ji'i̱ nu quiña'a̱ tsa ñati̱ nu ndi'i̱ cajua, ndyatí̱ Jesús lo'o tya'a ndya'a̱ yu ne' yaca ni'i̱ su ngua'a̱ yu cha' ngulu'u yu ji'i̱ nu ngu' quiña'a̱ bi' tsa̱ la. Ndu'u ngu' ndyaa ngu', lo'o xa' yaca ni'i̱ ndyaa lo'o.

SAN LUCAS 5:6

Li' jua'a̱ ngua'ni Simón lo'o tya'a yu, lo'o quiña'a̱ tsa cualya ngujui ji'i̱ ngu' li'. Xqui'ya cha' quiña'a̱ tsa cualya ndyatí̱ ne' taraya ji'i̱ ngu', hasta ngutaa' taraya ji'i̱ ngu' li';

SAN LUCAS 5:8

Lo'o na'a̱ Simón Pedro lcaa cualya bi', ngua cuayá' ti' yu cha' xqui'ya Jesús ngujui cualya ji'i̱ ngu'. Hora ti ndyatu̱ sti̱' yu loo Jesús li', nchcui' yu lo'o: ―Tyu'u clya nu'u̱ nde slo na', Xu'na ―nacui̱ Simón ji'i̱―. Ntsu'u tsa xqui'ya na' cha' ñati̱ chalyuu ti laca na'.

LOS HECHOS 11:25

Lo'o li' ndu'u yu bi' ndyaa yu nde quichi̱ Tarso, ndyaana yu ji'i̱ Saulo. Lo'o nquije yu ji'i̱, li' ngutu'u yu ñaa lo'o yu ji'i̱ Saulo ca quichi̱ Antioquía chaca quiya'.

GÁLATAS 6:2

Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

FILIPENSES 4:3

Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.