SAN LUCAS 5:26 - Chatino Tataltepec

²⁶ Ndube tsa ti' ngu' ca su ndi'i̱ ti ngu', li' lcaa ngu' ca bi' ngua'ni tlyu ngu' ji'i̱ ycui' Ndyosi: ―Bilya ña'a̱ na cha' ngua'ni ycui' Ndyosi sca cha' tlyu tsa lo cua ―nacui̱ ngu' ji'i̱ tya'a ngu'. Na ntsi̱i̱ ti ngu' nchcui' ngu' lo'o tya'a ngu' jua'a̱.

SAN LUCAS 5:26 Iomraidhean Croise

SAN MATEO 12:23

Ndube tsa ti' lcaa ngu' nu na'a̱ ji'i̱ cha' bi' li'. ―¿Ha la cui' nu ñati̱ tya'a ji'i̱ jyo'o David bi' laca nu qui'yu re? ―nacui̱ ngu' ji'i̱ tya'a ngu'.

SAN MATEO 28:8

Hora ti ndu'u nu ngu' cuna'a̱ bi' to' cuaá bi', ndyaa ngu'. Lo'o jua'a̱ tso'o tsa ntsu'u tyiquee ngu', masi ndyutsi̱i̱ ngu' xi. Ngusna ngu' cha' ndyaa ngu' cacha' ngu' ji'i̱ ngu' nu ndyaca tsa'a̱ ji'i̱ Jesús.

SAN MATEO 9:8

Quiña'a̱ tsa ñati̱ na'a̱ ji'i̱ cha' bi', ndyutsi̱i̱ tsa ngu' li'. Ngua'ni tlyu ngu' ji'i̱ ycui' Ndyosi li', cha' cua nda Ni chacuayá' ji'i̱ ñati̱ chalyuu cha' cua'ni cña tonu jua'a̱, ngua ti' ngu'.

SAN MARCOS 2:12

Hora ti ndyatu̱ nu quicha bi', ngusñi catya̱ ji'i̱, ngutu'u ndyaa li'; na'a̱ lcaa ngu' nu lo'o ndu'u nu ngua quicha bi' ndyaa lo'o catya̱ ji'i̱. Ndube tsa ti' ngu', li' ngua'ni tlyu ngu' ji'i̱ ycui' Ndyosi xqui'ya cha' bi': ―Ni sca ya bilya ña'a̱ ya sca cha' tlyu ñi'ya̱ nu ngua'ni nu'u̱ juani ―nacui̱ ngu' ji'i̱ ycui' Ndyosi li'.

SAN LUCAS 1:65

Ndube tsa ti' lcaa ñati̱ nu ndi'i̱ cacua ti li'; lcua ti su ndi'i̱ ngu' nde quichi̱ ca'ya su cuentya Judea bi', nda ngu' cha' lo'o tya'a ngu' ñi'ya̱ nu ngua ji'i̱ Zacarías.

SAN LUCAS 5:8

Lo'o na'a̱ Simón Pedro lcaa cualya bi', ngua cuayá' ti' yu cha' xqui'ya Jesús ngujui cualya ji'i̱ ngu'. Hora ti ndyatu̱ sti̱' yu loo Jesús li', nchcui' yu lo'o: ―Tyu'u clya nu'u̱ nde slo na', Xu'na ―nacui̱ Simón ji'i̱―. Ntsu'u tsa xqui'ya na' cha' ñati̱ chalyuu ti laca na'.

SAN LUCAS 7:16

Ndube tsa ti' lcaa ñati̱ ca bi' lo'o na'a̱ ngu' ji'i̱ yu nu ngujuii bi'. Li' nguxana ngu' ndyu'ni tlyu ngu' ji'i̱ ycui' Ndyosi. ―Tlyu tsa ñati̱ ndyalaa slo na juani ―nacui̱ ngu'―, bi' laca nu chcui' lcaa cha' ji'i̱ ycui' Ndyosi lo'o na. Jua'a̱ nacui̱ ngu' li'. Lo'o chaca cha' nacui̱ ngu': ―Cua ndyalaa ycui' Ndyosi juani cha' xtyucua Ni ji'i̱ ñati̱ ji'i̱ ycui' Ni ―nacui̱ ngu'.

SAN LUCAS 8:37

Li' nchcui' tsa lcaa ngu' quichi̱ bi' lo'o Jesús cha' tyu'utsu', cha' nga'aa tyanu la Jesús loyuu bi'; ntsi̱i̱ tsa ngu' ca tyi bi'. Bi' cha' ndu'u Jesús ndyaa yu ne' yaca ni'i̱ piti bi'.

LOS HECHOS 4:21

Ngua ti' ngu' cusu' xcutsi̱i̱ ngu' ji'i̱ Pedro lo'o Juan, bi' cha' chaca quiya' lye la nchcui' ngu' cusu' bi' lo'o ngu'. Lo'o li' nda ngu' cusu' chacuayá' cha' tyaa ngu' laja ti; ná ngua ji'i̱ ngu' nu laca loo xcube' ngu' ji'i̱ Pedro lo'o ji'i̱ Juan, cha' ndyutsi̱i̱ ngu' cusu' bi' ji'i̱ ngu' quichi̱, cha' nu ngu' quichi̱ ni, lye tsa ndya xlya'be ngu' ji'i̱ ycui' Ndyosi cha' ngua tso'o yu quicha quiya' bi'.

GÁLATAS 1:24

Lo'o li' nguxana ngua'ni tlyu ngu' ji'i̱ ycui' Ndyosi xqui'ya na'.