SAN LUCAS 5:25 - Chatino Tataltepec

²⁵ Hora ti ndyatu̱ yu quicha bi', laja lo'o na'a̱ lcaa ñati̱ bi' ji'i̱. Li' ndyaa lo'o yu ji'i̱ catya̱ su ngustii yu tsa̱ la. Tso'o tsa ntsu'u tyiquee yu lo'o ndu'u yu ndyaa yu, bi' cha' ndyu'ni tlyu yu ji'i̱ ycui' Ndyosi.

SAN LUCAS 5:25 Iomraidhean Croise

SAN MATEO 9:8

Quiña'a̱ tsa ñati̱ na'a̱ ji'i̱ cha' bi', ndyutsi̱i̱ tsa ngu' li'. Ngua'ni tlyu ngu' ji'i̱ ycui' Ndyosi li', cha' cua nda Ni chacuayá' ji'i̱ ñati̱ chalyuu cha' cua'ni cña tonu jua'a̱, ngua ti' ngu'.

SAN MARCOS 2:12

Hora ti ndyatu̱ nu quicha bi', ngusñi catya̱ ji'i̱, ngutu'u ndyaa li'; na'a̱ lcaa ngu' nu lo'o ndu'u nu ngua quicha bi' ndyaa lo'o catya̱ ji'i̱. Ndube tsa ti' ngu', li' ngua'ni tlyu ngu' ji'i̱ ycui' Ndyosi xqui'ya cha' bi': ―Ni sca ya bilya ña'a̱ ya sca cha' tlyu ñi'ya̱ nu ngua'ni nu'u̱ juani ―nacui̱ ngu' ji'i̱ ycui' Ndyosi li'.

SAN LUCAS 13:13

Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

SAN LUCAS 18:43

Hora ti ndyaca tso'o loo nu cuityi̱' bi', ngua ji'i̱ yu na'a̱ yu. Lo'o li' ndu'u yu ndya'a̱ yu lo'o Jesús, ndyu'ni tlyu yu ji'i̱ ycui' Ndyosi. Lo'o jua'a̱ lcaa ñati̱ nu na'a̱ cha' bi', lo'o ngu' bi' ngua'ni tlyu ngu' ji'i̱ ycui' Ndyosi li'.

SAN LUCAS 5:13

Li' ngusta ya' Jesús chu̱' yu su ndyatsu' cuaña' yu: ―Tyaja'a̱ na' ―nacui̱ Jesús ji'i̱―. Caca lubii tyucui ña'a̱ nu'u̱ juani ti. Laja lo'o nchcui' Jesús jua'a̱, hora ti ndatsu' quicha nu ndyatsu' cuaña' yu li'.

SAN JUAN 9:24

Tya ngusi'ya ngu' ji'i̱ nu ngua cuityi̱' bi' chaca quiya', lo'o li' lye nchcui' ngu' lo'o: ―Chacuayá' ji'i̱ ycui' Ndyosi, ta nu'u̱ cha' liñi lo'o ya juani ―nacui̱ ngu' ji'i̱―. Cua jlo ti' ya cha' ntsu'u tsa qui'ya ji'i̱ nu Jesús bi'.