SAN LUCAS 5:18 - Chatino Tataltepec

¹⁸ Li' ndyalaa lo'o ngu' ji'i̱ sca nu quicha nu ntsiya ne' catya̱, cha' cua nchcu̱' tyucuí̱ tyucui ña'a̱ yu quicha bi'. Ngua ti' ngu' cha' tyatí̱ ngu' toni'i̱ su nga'a̱ Jesús, cha' tsaa lo'o ngu' ji'i̱ nu quicha bi' ca su ndu̱ ycui' Jesús, ña'a̱ lo'o catya̱ ngua ti' ngu'.

SAN LUCAS 5:18 Iomraidhean Croise

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN LUCAS 5:24

Cua nti' na' cha' caca cuayá' ti' ma̱ cha' cua nda ycui' Ndyosi chacuayá' jna', cha' cui'ya na' cha' clyu ti' ji'i̱ qui'ya nu ntsu'u ji'i̱ ñati̱ laja lo'o ndi'i̱ na' nde chalyuu ―nacui̱ Jesús―. Xqui'ya cha' bi' cua nda Ni 'na lijya̱a̱ nde chalyuu cha' caca na' ñati̱. Li' xa' nchcui' Jesús lo'o nu qui'yu nu nchcu̱' tyucuí̱ tyucui ña'a̱ yu: ―Nde laca cha' nu nda na' lo'o nu'u̱ ―nacui̱ Jesús ji'i̱ yu―, tyatu̱ clya nu'u̱ juani cha' tyaa nu'u̱ nde to' tyi nu'u̱; tyaa lo'o nu'u̱ ji'i̱ catya̱ su ngustii nu'u̱ juani.

LOS HECHOS 9:33

Lo'o jua'a̱ ndi'i̱ sca nu qui'yu quicha nu naa Eneas quichi̱ bi'; cua nchcu̱' tyucuí̱ yu, cua snu' yija̱ ntsiya yu lo qui'ña li'.