SAN LUCAS 5:15 - Chatino Tataltepec

¹⁵ Lcaa tsa̱ cua nguañi la cha' ji'i̱ Jesús li', cha' nchcui' tsa ngu' cha' ji'i̱. Bi' cha' quiña'a̱ tsa ñati̱ ndyu'u ti'i̱ slo Jesús, cha' cuna ngu' ña'a̱ cha' nu nda yu lo'o ngu', cha' cua'ni yu cha' ndyaca tso'o ngu' ji'i̱ quicha nu ntsu'u ji'i̱ ngu'.

SAN LUCAS 5:15 Iomraidhean Croise

SAN MATEO 9:26

Lo'o jua'a̱ ngua cha' nguañi cha' bi' lcaa quichi̱ su ndi'i̱ ngu' ca bi'.

SAN MATEO 9:31

Pana ndu'u ngu' ndyaa ngu' li', ndacha' ngu' ji'i̱ lcaa ñati̱ ñi'ya̱ ngua cña nu ngua'ni Jesús lo'o ngu'; bi' cha' nguañi cha' bi' tyucui ña'a̱ loyuu jua.

SAN MARCOS 1:28

Yala ti nguañi cha' ji'i̱ Jesús lcaa quichi̱ nde loyuu su cuentya Galilea li'.

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MARCOS 3:7

Lo'o li' ndyaa Jesús to' tayu' lo'o nu ngu' nu ndyaca tsa'a̱ ji'i̱. Quiña'a̱ tsa ngu' Galilea ndyaa ngu' ndyaa lca'a̱ ngu' ji'i̱ cha' cuna ngu' cha' nu nclyu'u yu.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN LUCAS 14:25

Quiña'a̱ tsa ñati̱ ndya'a̱ lo'o Jesús, lo'o li' nchcui' yu lo'o ngu' chaca quiya':

SAN JUAN 6:2

Tsa tlyu ti ndyaa lca'a̱ quiña'a̱ ñati̱ ji'i̱ yu, bi' ñati̱ laca nu cua na'a̱ cña tonu nu ngua'ni yu lo'o ngua'ni yu cha' ndyaca tso'o ngu' quicha.

1 TIMOTEO 5:25

La cui' jua'a̱ lo'o ñati̱ nu tso'o tsa tyiquee, jlo ti' xa' ñati̱ ni cha' tso'o nu ndyu'ni ngu' bi'. Pana si ntsu'u ñati̱ nu tso'o tyiquee, nu ná jlo ti' xa' ñati̱ ji'i̱, ca nde loo la tyu'u tucua cha', ca cuayá' ti' ngu' ji'i̱ cha' tso'o nu ngua'ni ngu' bi' li'.