SAN LUCAS 5:13 - Chatino Tataltepec

¹³ Li' ngusta ya' Jesús chu̱' yu su ndyatsu' cuaña' yu: ―Tyaja'a̱ na' ―nacui̱ Jesús ji'i̱―. Caca lubii tyucui ña'a̱ nu'u̱ juani ti. Laja lo'o nchcui' Jesús jua'a̱, hora ti ndatsu' quicha nu ndyatsu' cuaña' yu li'.

SAN LUCAS 5:13 Iomraidhean Croise

SAN MATEO 8:3

Li' ngutacui ya' Jesús lo nu quicha bi', ngusta ya' su ndyatsu' cuaña' yu. ―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱. Hora ti ngua tso'o nu quicha bi', ngua lubii cuaña' yu.

SAN LUCAS 4:39

Ndu̱ ti Jesús slo ma' ña'a̱ tsa yu ji'i̱ ma'. Li' ngua'a yu ji'i̱ tyique' bi', cha' tyu'u tyique' ji'i̱ ma'. Hora ti ndaca'a̱ ma', ngua'ni cña ti' ma' cha' caja xi na cacu ngu'.

SAN LUCAS 5:12

Lo'o ndi'i̱ ti Jesús sca quichi̱, li' ndyalaa sca yu quicha slo; lye tsa ndyatsu' cuaña' yu quicha bi'. Lo'o na'a̱ yu ji'i̱ Jesús, hora ti ndyatu̱ sti̱' yu, ndyanu tu'ba yu hasta ca lo yuu. Tya'na tsa nchcui' yu lo'o Jesús li': ―Si nti' nu'u̱ cha' tyaca tso'o na', jlo ti' na' cha' taca jinu'u̱ cua'ni jua'a̱ jna' ―nacui̱ nu quicha bi'.

SAN LUCAS 5:14

Lo'o li' nacui̱ Jesús ji'i̱ yu, cha' ná cacha' yu ji'i̱ ñati̱ ñi'ya̱ ngua ji'i̱ yu. Ndi'ya̱ nchcui' lo'o yu: ―Yaa clya nu'u̱ chcui' lo'o sti jo'ó nu ndi'i̱ ne' laa ―nacui̱ Jesús ji'i̱ nu quicha bi'―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Jua'a̱ ca cuayá' ti' ñati̱ lo'o ycui' sti jo'ó cha' cua ngua lubii tyucui ña'a̱ nu'u̱. Nga'aa ca quicha nu'u̱ juani.