SAN LUCAS 5:10 - Chatino Tataltepec

¹⁰ Lo'o tyucuaa nu qui'yu sñi' Zebedeo nu nga'a̱ ne' chaca yaca ni'i̱ bi', nu naa Jacobo lo'o nu naa Juan ni, lo'o ngu' bi' ndyutsi̱i̱ tsa ngu'; la cui' tya'a ndya'a̱ Simón cña laca ngu' bi'. Li' nchcui' Jesús lo'o Simón: ―Ná cutsi̱i̱ ma̱ ―nacui̱―. Tya tsubi' la cua laca ti cña ngua'ni ma̱, xcui' cña cuta cualya ngua'ni ma̱; pana juani, ta na' xa' cña ji'i̱ ma̱, cha' ca̱a̱ lo'o ma̱ ji'i̱ xa' ñati̱ ca slo na' ―nacui̱ Jesús ji'i̱ Simón, jua'a̱ ji'i̱ tya'a ndya'a̱ yu cña.

SAN LUCAS 5:10 Iomraidhean Croise

SAN MATEO 13:47

―Lo'o chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús―. Laca ñi'ya̱ laca sca taraya tlyu nu ntucu̱ ngu' ji'i̱ lo hitya tyujo'o cha' xñi cualya, lo'o li' lcaa lo cualya ndyatí̱ ne' taraya bi'.

SAN MATEO 14:27

Hora ti ndacha' Jesús ji'i̱ ngu': ―Cua'ni tlyu tyiquee ma̱ ―nacui̱ Jesús ji'i̱ ngu'―. Na' laca̱, ná cutsi̱i̱ ma̱.

SAN MATEO 20:20

Lo'o li' ya̱a̱ xtya'a̱ Jacobo lo'o Juan ca slo Jesús. Zebedeo laca sti tyucuaa nu qui'yu bi'. Stu'ba ti ya̱a̱ nu cuna'a̱ bi' lo'o tyucuaa sñi', li' ndyatu̱ sti̱' ma' slo Jesús cha' jña ma' sca cha' tso'o ji'i̱.

SAN MATEO 4:19

Lo'o li' nchcui' Jesús lo'o tyucuaa nu qui'yu bi': ―Tsaa ma̱ lo'o na' juani ―nacui̱ Jesús ji'i̱ ngu' bi'―. Ñi'ya̱ ngujui cualya ji'i̱ ma̱ lo'o nguta'a̱ ma̱ cuta cualya, jua'a̱ caja xa' cña ji'i̱ ma̱ juani cuentya jna'; culu'u na' ji'i̱ ma̱ ñi'ya̱ nu clyana ma̱ ji'i̱ ñati̱ chalyuu re nu nguna' tsa ndu'ni, cha' caca ngu' ñati̱ 'na.

SAN MATEO 4:21

Lo'o nde loo la xi na'a̱ Jesús ji'i̱ Jacobo sñi' Zebedeo lo'o Juan tya'a ngula yu; nga'a̱ ngu' ne' yaca ni'i̱ sube ji'i̱ ngu' lo'o sti ngu', ndyu'ni cho'o ngu' taraya ji'i̱ ngu'. Li' ngusi'ya Jesús ji'i̱ ngu' bi', cha' tsaa ngu' lo'o.

SAN MARCOS 1:17

Nchcui' Jesús lo'o ngu' bi' li': ―Tsaa ma̱ lo'o na' ―nacui̱ Jesús ji'i̱ ngu'―. Xa' cña culu'u na' ji'i̱ ma̱ juani, cha' clyana ma̱ ji'i̱ ñati̱ chalyuu nu nguna' chalyuu ji'i̱ xqui'ya cha' cuxi, cha' caca ngu' bi' ñati̱ jna' ―nacui̱.

SAN LUCAS 5:7

bi' cha' ngua'ni ya' ngu' ji'i̱ tya'a ngu' nu nga'a̱ ne' chaca yaca ni'i̱ bi', cha' ca̱a̱ ngu' xtyucua ngu' ji'i̱. Hora ti ya̱a̱ ngu' li', ndojolaqui ngu' taraya ngutsa'á̱ ne' ntsu'u cualya, cha' su'ba ngu' ji'i̱ ne' yaca ni'i̱. Xi tya lyiji cha' clyu'u tyucuaa yaca ni'i̱ bi' ne' hitya xqui'ya cualya bi'.

SAN LUCAS 5:9

Ndube tsa ti' Simón, lo'o jua'a̱ tya'a ndya'a̱ yu ne' yaca ni'i̱ ndube tsa ti' ngu', xqui'ya cha' quiña'a̱ tsa cualya ngusñi ca ti ngu'.

SAN LUCAS 6:14

Ndi'ya̱ naa xtañi ngu' nu ngusubi Jesús ji'i̱ nu ngua tya li': Simón, nu ngusta Jesús chaca xtañi Pedro naa yu, bi' laca tsaca ngu'; jua'a̱ Andrés tya'a ngula Simón, jua'a̱ Jacobo, jua'a̱ Juan, jua'a̱ Felipe, jua'a̱ Bartolomé,

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

LOS HECHOS 2:4

jua'a̱ ngua lo'o ndyanu Xtyi'i ycui' Ndyosi ne' cresiya ji'i̱ lcaa ngu' bi'. Li' nguxana nchcui' ngu' cha'cña ji'i̱ xa' ñati̱, cha' Xtyi'i ycui' Ndyosi ngua'ni lo'o ngu' cha' ngua ji'i̱ ngu' li'.

2 CORINTIOS 8:23

Bi' cha' juani si xcuane ngu' ji'i̱ ma̱ ni cña laca ndya'a̱ Tito, ndi'ya̱ ñacui̱ ma̱ ji'i̱ ngu': Tya'a ndya'a̱ na cña laca yu re. Lo'o jua'a̱ xacui̱ ma̱ cha' ji'i̱ ngu' cha' stu'ba ndyu'ni yu cña lo'o cua cuentya ji'i̱ cu'ma̱. La cui' jua'a̱ si xcuane ngu' ji'i̱ ma̱, ni cña laca nu ndya'a̱ xa' la tya'a ndya'a̱ Tito bi', ndi'ya̱ xacui̱ ma̱ cha' ji'i̱ ngu' li': Ndya'a̱ ngu' bi' cuentya ji'i̱ lcaa latya ngu' xa' quichi̱ nu ndyu'ni tlyu ji'i̱ Cristo, cha' ndu'ni chi̱ ngu' loo Cristo.

2 TIMOTEO 2:26

cha' li' taca culo Ni ji'i̱ ngu' ya' nu xña'a̱. Na cua ngusñi nu xña'a̱ ji'i̱ ñati̱ nu ñasi̱' bi' tya tsubi' la cha' cua'ni ngu' cña cuxi cuentya ji'i̱.