SAN LUCAS 4:8 - Chatino Tataltepec

⁸ Li' nguxacui̱ Jesús cha' ji'i̱: ―Tyatsu' nu'u̱ slo na', Satanás ―nacui̱―. Lo quityi ji'i̱ ycui' Ndyosi ndi'ya̱ nchcui': “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ nde chalyuu”. Si'i loo nu'u̱ tyu̱ sti̱' na' lacua ―nacui̱ Jesús ji'i̱.

SAN LUCAS 4:8 Iomraidhean Croise

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

SAN LUCAS 4:4

Li' nchcui' Jesús lo'o: ―Lo quityi ji'i̱ ycui' Ndyosi nscua cha' ndi'ya̱: “Si'i na cu'ú ñati̱ chalyuu cha' cacu ngu' tyaja ti; lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”, ―nacui̱ Jesús ji'i̱ nu xña'a̱ bi'.

SAN LUCAS 4:7

Sca ti si tyu̱ sti̱' nu'u̱ loo na', si cua'ni tlyu nu'u̱ jna', li' caja chacuayá' bi' jinu'u̱ ―nacui̱ nu xña'a̱ bi' ji'i̱ Jesús.

SANTIAGO 4:7

Taquiya' ma̱ cha' ji'i̱ ycui' Ndyosi lacua. Xu̱u̱ tya'a ma̱ lo'o nu xña'a̱, lo'o li' xna nu cuxi bi', tyu'u clya bi' su ndi'i̱ ma̱ li'.

1 PEDRO 5:9

Xñi tso'o ma̱ cha' ji'i̱ ycui' Ndyosi cha' caca nguula ti' tyiquee ma̱; li' ná ta ma̱ chacuayá' tyiji̱loo nu xña'a̱ bi' ji'i̱ ma̱. Jlo ti' na cha' sca ti cuayá' ndyacua cha' ti'í ji'i̱ lcaa tya'a na tyucui ña'a̱ chalyuu.

APOCALIPSIS 19:10

Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.

APOCALIPSIS 22:9

Hora ti nchcui' yu lo'o na' li': ―Ná cua'ni nu'u̱ jua'a̱. Lo'o na', tya'a ndyu'ni na cña ji'i̱ ycui' Ni laca na'; stu'ba ntsu'u cha' 'na lo'o jyo'o ñati̱ tya'a ma̱ nu ngua tu'ba ji'i̱ ycui' Ni nde chalyuu, jua'a̱ tya'a na' lo'o cua ña'a̱ ca ñati̱ nu taquiya' ji'i̱ cha' nu nscua lo quityi re. Sca ti ycui' Ndyosi laca nu nga'a̱ cha' cua'ni tlyu na ji'i̱.