SAN LUCAS 4:6 - Chatino Tataltepec

⁶ Li' nchcui' nu xña'a̱ bi' lo'o yu chaca quiya': ―Ta na' chacuayá' jinu'u̱ cha' caca nu'u̱ loo ji'i̱ lcaa chalyuu jua ―nacui̱ nu xña'a̱ bi'―, cha' caja lcaa na nu ndi'i̱ jua jinu'u̱ ―nacui̱―. Ntsu'u chacuayá' bi' jna'. Lo'o jua'a̱ ta na' chacuayá' bi' ji'i̱ cua ña'a̱ ca ñati̱ nu nti' na' cha' caca loo ―nacui̱―.

SAN LUCAS 4:6 Iomraidhean Croise

SAN LUCAS 4:7

Sca ti si tyu̱ sti̱' nu'u̱ loo na', si cua'ni tlyu nu'u̱ jna', li' caja chacuayá' bi' jinu'u̱ ―nacui̱ nu xña'a̱ bi' ji'i̱ Jesús.

SAN JUAN 12:31

Cua ndyalaa hora cha' cua'ni cuayá' Ni ji'i̱ lcaa ñati̱ chalyuu, nu lo'o tyiji̱loo na' tsiya' ti ji'i̱ nu xña'a̱ nu laca loo nde chalyuu ―nacui̱ Jesús ji'i̱ ngu'―.

SAN JUAN 14:30

’Nga'aa quiña'a̱ tsa cha' chcui' na' lo'o ma̱ juani ―nacui̱ Jesús li'―. Cua lijya̱ nu xña'a̱ nu laca loo nde chalyuu, cua lijya̱ nu bi' ca su ndi'i̱ na re. Ná ntsu'u chacuayá' ji'i̱ nu bi' cha' caca loo jna'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

2 CORINTIOS 11:14

Ná tlyu cña laca cha' ndu'ni ngu' bi' jua'a̱, cha' lo'o nu xña'a̱ nu naa Satanás taca ji'i̱ ñilo'o ji'i̱ ñati̱, nu lo'o xa' ña'a̱ cua'ni loo yu ña'a̱ cuayá' nu ca ti' ngu' cha' laca yu sca xca̱ nu ndyu'u tucua lo'o xee ji'i̱ ycui' Ndyosi; pana ná chañi laca cha' bi'.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

1 PEDRO 1:24

Ndi'ya̱ nscua cha' lo quityi ji'i̱ ycui' Ndyosi: Ñi'ya̱ laca quixi̱', jua'a̱ laca ñati̱ chalyuu. Lcaa na nu tso'o ña'a̱ nu ntsu'u ji'i̱ ñati̱ laca ñi'ya̱ nti' sca queé nu ndyu'ú ne' quixi̱' ti; ndyanaa quixi̱' bi', li' ndye queé bi', ngüityi tsiya' ti. Lo'o jua'a̱ laca lo'o ñati̱ lo'o lcaa cha' tso'o nu ntsu'u ji'i̱ ngu' nde chalyuu, tye cha' tso'o bi' ji'i̱ ngu' stu'ba ti lo'o ycui' ngu'.

1 JUAN 5:19

Jlo ti' na cha' ñati̱ ji'i̱ ycui' Ndyosi laca na, xqui'ya cha' cua ngusñi na cha' ji'i̱ Jesucristo; pana xa' la ñati̱ chalyuu nu ná ndaquiya' ji'i̱ Ni tsiya' ti, ña'a̱ ti tya laca nu xña'a̱ loo ji'i̱ ñati̱ bi'.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

APOCALIPSIS 13:2

Ñi'ya̱ cuichi jo'ó, jua'a̱ ña'a̱ ni', ngua ti' na'; pana tyaala ña'a̱ quiya' ni', tyucui̱ tsa xcatya̱' ni' ñi'ya̱ ña'a̱ xcatya̱' oso. Lo'o tu'ba ni' ni, ñi'ya̱ ña'a̱ tu'ba cuichi sa'a cuiña', jua'a̱ ña'a̱ tu'ba ni'. Nda nu cuaña bi' cña loo ji'i̱ nu na'ni chiya'a̱ ña'a̱ bi', cha' caca ni' loo ji'i̱ ñati̱ chalyuu, ñi'ya̱ laca ycui' loo. Lo'o jua'a̱ nu cuaña bi' ni, nda ni' chacuayá' ji'i̱ na'ni chiya'a̱ ña'a̱ bi', cha' caca cua'ni ni' cña, cha' tyanu tlyu ni' macala su nti' ycui' ni'.

APOCALIPSIS 13:7

Ngujui chacuayá' ji'i̱ ni' cha' xu̱u̱ tya'a ni' lo'o ñati̱ nu ntsu'u cha' ji'i̱ lo'o ycui' Ndyosi, cha' tyiji̱loo ni' ji'i̱ ngu' bi'. Lo'o li' ngujui chacuayá' ji'i̱ ni' cha' caca ni' loo ji'i̱ tyucui ña'a̱ chalyuu mala su ndi'i̱ ñati̱, masi lcaa lo ñati̱ chalyuu nu ngutu'u cua ña'a̱ ca quichi̱ tyi ngu', nu nchcui' cua ña'a̱ ca lo cha'cña nu nchcui' ñati̱ chalyuu;