SAN LUCAS 4:5 - Chatino Tataltepec

⁵ Li' ndyaa lo'o nu xña'a̱ bi' ji'i̱ yu ca lo xlya ca'ya cua̱. Sca hora ti ngulu'u nu xña'a̱ bi' tyucui ña'a̱ chalyuu ji'i̱ Jesús.

SAN LUCAS 4:5 Iomraidhean Croise

SAN MATEO 24:14

Ntsu'u cha' culu'u ma̱ cha' jna' ji'i̱ ñati̱, lcaa cha' tso'o nu nchcui' na', ñi'ya̱ caca lo'o laca ycui' Ndyosi loo ne' cresiya ji'i̱ ñati̱; ntsu'u cha' chcui' ma̱ cha' bi' lo'o ñati̱ tyucui ña'a̱ chalyuu, cha' caca cuayá' ti' ngu' ji'i̱ cha' bi' nde lcaa nasiyu̱. Lo'o li' tye chalyuu.

SAN MATEO 4:8

Lo'o ndye nchcui' ngu', xa' ndyaa lo'o nu xu'na cuiñaja ji'i̱ Jesús nde sca lo xlya ca'ya nu cua̱ tsa. Li' ngulu'u nu xña'a̱ bi' lcaa nasiyu̱ tyucui ña'a̱ chalyuu ji'i̱ Jesús, cha' tso'o tsa ña'a̱ chalyuu bi'.

1 CORINTIOS 15:52

laja lo'o nchquiña ti quiji̱ cloo na. Li' cañi cula'á cui'chcua̱ ji'i̱ ycui' Ndyosi. Lo'o cañi cui'chcua̱ bi', li' tyu'ú lcaa jyo'o nu ngusñi cha' ji'i̱ ycui' Ndyosi lo'o ya̱a̱ ngu' chalyuu; tyu'ú ngu' chaca quiya' cha' nga'aa ntsu'u cha' cajaa ngu' bi' tsiya' ti. Li' xcutsa'a̱ Ni ji'i̱ tyucui ña'a̱ tsaca na.

1 CORINTIOS 7:31

masi ntsu'u tsa cha' tso'o ji'i̱ ma̱ nde chalyuu, ná culiji tsa ma̱ tyempo ji'i̱ ma̱ xqui'ya cha' tso'o bi'. Cua lijya̱ ti tye tyucui ña'a̱ chalyuu, lo'o jua'a̱ lcaa na nu ntsu'u chalyuu nga'a̱ cha' tye cha' bi'.

2 CORINTIOS 4:17

Si'i na tlyu tsa cha' ti'í nu ndyacua ji'na chalyuu re juani, xti ti tyempo talo cha' ti'í bi'; pana tiya' la ni, tlyu tsa cha' tso'o nga'a̱ cha' tyacua ji'na ca slo ycui' Ndyosi, lo'o ná nga'a̱ cha' tye bi' tsiya' ti. Ná stu'ba cha' ti'í re lo'o cha' tso'o nu nga'a̱ cha' tyacua ji'na nde loo la.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

EFESIOS 6:12

Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.