SAN LUCAS 4:41 - Chatino Tataltepec

⁴¹ Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

SAN LUCAS 4:41 Iomraidhean Croise

SAN MATEO 26:63

Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 4:3

Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.

SAN MATEO 8:16

Lo'o cua ngusi̱i̱, li' ndyalaa quiña'a̱ ngu' slo Jesús, lijya̱ lo'o ngu' ji'i̱ ngu' quicha nu ngusñi cui'i̱ cuxi ji'i̱. Li' ngulo Jesús cña ji'i̱ cui'i̱ cuxi bi', cha' tyu'utsu' ji'i̱ ngu' quicha; lo'o li' ndyaca tso'o ngu' bi'. Lo'o jua'a̱ ngua'ni Jesús jo'o ji'i̱ lcaa ngu' quicha nu ndya'a̱ slo.

SAN MATEO 8:29

Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi': ―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

SAN MARCOS 1:25

Li' ngua'a Jesús ji'i̱ cui'i̱ cuxi nu ntsu'u ji'i̱ nu quicha, ngulo ji'i̱ cui'i̱ cuxi bi' cha' tyaa tsiya' ti. ―Nga'aa chcui' nu'u̱ ―nacui̱ Jesús ji'i̱―. Nga'aa cua'ni xña'a̱ cui'i̱ lo'o nu'u̱.

SAN MARCOS 1:32

Cua ngusi̱i̱ tsa li'. Lo'o ndyaa cuichaa, li' ya̱a̱ lo'o ngu' ji'i̱ lcaa ngu' quicha slo Jesús, masi nu ngusñi cui'i̱ cuxi ji'i̱, masi nu ntsu'u xa' lo quicha ji'i̱.

SAN MARCOS 1:34

Ngua'ni Jesús jo'o ji'i̱ ngu' li', masi quiña'a̱ lo quicha ntsu'u ji'i̱ ngu'; masi ngu' nu ngusñi cui'i̱ cuxi ji'i̱, ndyaca tso'o ngu' lo'o ngulo Jesús ji'i̱ cui'i̱ bi'. Pana ná nda Jesús chacuayá' chcui' cui'i̱ cuxi bi', cha' cua ndyuloo cui'i̱ bi' ji'i̱ ycui' Jesús.

SAN MARCOS 3:11

Nu ngu' quicha nu ntsu'u cui'i̱ cuxi ji'i̱ ngu' ni, nu lo'o na'a̱ ngu' quicha bi' ji'i̱ Jesús, li' ndyatu̱ sti̱' ngu' nde loo su ndu̱ yu. Cui̱i̱ nxi'ya ngu' xqui'ya cui'i̱ cuxi, cha' nslo cui'i̱ bi' ji'i̱ Jesús: ―Nu'u̱ laca nu sca ti Sñi' ycui' Ndyosi ―ndu'ni ngu' quicha bi'.

SAN LUCAS 4:39

Ndu̱ ti Jesús slo ma' ña'a̱ tsa yu ji'i̱ ma'. Li' ngua'a yu ji'i̱ tyique' bi', cha' tyu'u tyique' ji'i̱ ma'. Hora ti ndaca'a̱ ma', ngua'ni cña ti' ma' cha' caja xi na cacu ngu'.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.