SAN LUCAS 4:39 - Chatino Tataltepec

³⁹ Ndu̱ ti Jesús slo ma' ña'a̱ tsa yu ji'i̱ ma'. Li' ngua'a yu ji'i̱ tyique' bi', cha' tyu'u tyique' ji'i̱ ma'. Hora ti ndaca'a̱ ma', ngua'ni cña ti' ma' cha' caja xi na cacu ngu'.

SAN LUCAS 4:39 Iomraidhean Croise

SAN MARCOS 1:29

Lo'o li' ngutu'u Jesús ne' laa bi' lo'o Jacobo lo'o Juan, ndyaa ngu' ca to' tyi Simón lo'o Andrés.

SAN LUCAS 4:35

Ngua'a Jesús cha' ji'i̱ nu quicha li'; ngulo yu cña ji'i̱ cui'i̱ cuxi bi', cha' nga'aa cua'ni cuxi lo'o yu quicha bi'. ―Chca'a̱ ti̱ nu'u̱ ―nacui̱ Jesús―. Nga'aa cua'ni xña'a̱ cui'i̱ lo'o nu'u̱. Li' nguxlyú nu cui'i̱ cuxi bi' ji'i̱ yu quicha nde loo su ndi'i̱ ngu' quiña'a̱ bi'. Lo'o li' ndu'u nu cui'i̱ cuxi bi' ndyaa, nga'aa ngua'ni cuxi lo'o nu quicha bi' li'.

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

SAN LUCAS 8:24

Li' ndyaa nguxtyu'u ngu' ji'i̱ Jesús ca su ntsiya laja'. Nchcui' ngu' lo'o li': ―Cusu', cusu' ―nacui̱ ngu' ji'i̱―, que ti' nu'u̱. Cua quilyu'u ti yaca ni'i̱ re, cajaa na li'. Ndaca'a̱ Jesús li', ngulo yu cña ji'i̱ cui'i̱ lo'o ji'i̱ clyoo' bi'. Hora ti ngua ti̱ bi' li'; nga'aa ndyaca cui'i̱, nga'aa ntyucua clyoo'.