SAN LUCAS 4:1 - Chatino Tataltepec

¹ Ngutsa'á̱ tyiquee Jesús ndi'i̱ Xtyi'i ycui' Ndyosi ne' cresiya ji'i̱, nu lo'o ndu'u Jesús to' sta'a̱ Jordán ñaa chaca quiya'; nde sca nati̱' btyi su ná ndi'i̱ ñati̱ ndyaa li',

SAN LUCAS 4:1 Iomraidhean Croise

SAN MATEO 3:16

Lo'o cua ngua cha' bi', ndu'u Jesús lo hitya, li' cua ndyaala tyucui̱i̱ nde cua̱. Lo'o li' na'a̱ Jesús cha' ngua'ya Xtyi'i ycui' Ndyosi lo; ñi'ya̱ nda'ya sca tyupe' lo yuu, jua'a̱ ngua'ya Xtyi'i ycui' Ni lo Jesús.

SAN LUCAS 2:27

Tsa̱ bi' ngua'ni Xtyi'i ycui' Ndyosi cha' ndyaa nu cusu' bi' ca ne' laa tlyu, bi' cha' ndyaa clya nu cusu' bi' li'. Ndi'i̱ yu lo'o ndyalaa sti xtya'a̱ Jesús, ñaa lo'o ngu' ji'i̱ cubi' cha' cua'ni ngu' lo'o cua ña'a̱ ca cha' cusu' nu nscua cha' cua'ni ngu' ne' laa.

SAN LUCAS 3:3

bi' cha' ndu'u Juan ndya'a̱ yu nde nati̱' tyucui ña'a̱ to' sta'a̱ Jordán bi'; nchcui' tsa Juan lo'o lcaa ñati̱ nu ndyu'u ti'i̱ slo yu, cha' ca tyuju'u ti' ngu' ji'i̱ qui'ya nu ntsu'u ji'i̱ ngu', cha' xtyanu ngu' lcaa cha' cuxi bi'. Li' ntyucuatya Juan ji'i̱ ngu' bi'. Jua'a̱ cui'ya ycui' Ndyosi cha' clyu ti' ji'i̱ ngu' bi' li', nacui̱ Juan.

SAN LUCAS 3:38

Enós ngua naa sti Cainán bi'; Set ngua naa sti Enós bi'; Adán ngua naa sti Set bi'; lo'o liñi la ñacui̱ na cha' ycui' Ndyosi laca sti jyo'o Adán bi', cha' ycui' Ni laca nu cua ngüiñá ji'i̱ nu Adán bi'. Lcaa ngu' nu nscua xtañi lo quityi re ni, ngua ngu' jyo'o cusu' ji'i̱ Jesucristo nde chalyuu.

SAN LUCAS 4:14

Li' nguxtyu̱u̱ Jesús ndyaa nde loyuu su cuentya Galilea chaca quiya'. Tlyu tsa chacuayá' ngujui ji'i̱ Jesús xqui'ya Xtyi'i ycui' Ndyosi, ña'a̱ cuayá' tyucui ña'a̱ loyuu ca bi' ndañi nchcui' ngu' cha' ji'i̱ yu.

SAN LUCAS 4:18

Cua ngulacua̱ ycui' Ndyosi nu Xu'na na jna', nacui̱ lo quityi bi'. Cua ngua'a̱ loo Ni jna', bi' cha' cua ndi'i̱ Xtyi'i ycui' Ndyosi lo na', cha' chcui' na' cha' tso'o lo'o ngu' ti'i. Cua nda Ni jna' lijya̱a̱ cha' cua'ni cho'o na' tyiquee ñati̱ nu xñi'i̱ tsa ti', nacui̱ lo quityi bi'. Ntsu'u cha' chcui' na' lo'o ngu' nu laca preso ji'i̱ nu xña'a̱, cha' cua tyu'u ti ngu' ya' nu xña'a̱ bi'. Ta na' xee nu tyu'u ne' cresiya ji'i̱ ñati̱ nu ndyacu̱' hique ngu'. Lo'o lya' tsa ti' ngu' ji'i̱ tya'a ngu' ni, li' ta na' chacuayá' ji'i̱ ngu' cha' tyu'u ngu' laja ti.

SAN JUAN 1:32

Chaca quiya' tso'o tsa nchcui' Juan cha' ji'i̱ Jesús lo'o ngu': ―Cua na'a̱ na' lo'o ngutu'u Xtyi'i ycui' Ndyosi nde cua̱ ya̱a̱ ngua'ya lo Jesús ñi'ya̱ nda'ya sca paloma ―nacui̱―.

SAN JUAN 3:34

Nda Ni ji'i̱ nu Jesucristo bi' ya̱a̱ chalyuu, lo'o jua'a̱ xcui' cha' ji'i̱ ycui' Ndyosi nda yu lo'o na xqui'ya Xtyi'i ycui' Ndyosi. Lo'o ycui' Ndyosi ni, ná ntsu'u cha' tye cha' ta Ni Xtyi'i ycui' Ni ji'na.

LOS HECHOS 1:2

lcaa cha' nu ngua'ni yu lo'o nguti'i̱ yu nde chalyuu. Bilya tyaa Jesús ca slo ycui' Ndyosi lo'o ngusubi yu ji'i̱ nu tii tyucuaa tya'a ngu' nu tsaa chcui' cha' ji'i̱ ycui' yu nde chalyuu. Nguxtyucua Xtyi'i ycui' Ndyosi ji'i̱ Jesús lo'o ngulo yu cña ji'i̱ nu tii tyucuaa tya'a ngu' bi', ñi'ya̱ ntsu'u cña nu cua'ni ngu' bi'.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

LOS HECHOS 8:39

Ndye ntyucuatya ji'i̱, li' ndu'u ngu' lo hitya bi'. Hora ti ndyaa Felipe, ndyaa lo'o Xtyi'i ycui' Ndyosi ji'i̱ cha' tsaa chaca se'i̱; nga'aa na'a̱ nu cusu' bi' ji'i̱ Felipe li'. Ndyaa nu cusu', nu ngu' Etiopía bi' ni, ndyaa yu ca loyuu quichi̱ tyi yu li'; jua'a̱ tso'o tsa ntsu'u tyiquee nu cusu' bi' li'.