SAN LUCAS 3:8 - Chatino Tataltepec

⁸ Tso'o lacua, culu'u ma̱ ji'i̱ ya si chañi cha' cua ngulochu̱' ma̱ cha' cuxi nu ntsu'u ji'i̱ ma̱; ná ñacui̱ ma̱ cha' sñi' ycui' Ndyosi laca ma̱, xqui'ya cha' ndyu'u ma̱ ji'i̱ jyo'o Abraham. Cha' liñi ta na' lo'o ma̱ ―nacui̱ Juan―, cha' taca ji'i̱ ycui' Ndyosi subi Ni ji'i̱ xa' la ñati̱ nu caca sñi' Abraham ñi'ya̱ laca na juani, masi nti' ma̱ cha' na ple ti nu xa' la ñati̱ bi', masi nti' ma̱ cha' ñi'ya̱ laca quee re, jua'a̱ ti laca ngu' ―nacui̱ Juan ji'i̱ ngu'―.

SAN LUCAS 3:8 Iomraidhean Croise

SAN MATEO 21:43

bi' cha' cacha' liñi na' ji'i̱ ma̱ juani, cha' nga'aa ta ycui' Ndyosi chacuayá' tyatí̱ cu'ma̱ cha' ji'i̱ Ni cha' caca Ni loo ne' cresiya ji'i̱ ma̱. Pana ta Ni chacuayá' tyalaa xa' la ñati̱ ca slo ycui' Ni, si tso'o ntsu'u tyiquee ngu' cha' cua'ni ngu' cña ji'i̱ Ni.

SAN MATEO 3:8

Tso'o lacua, culu'u ma̱ ji'i̱ ya si chañi cha' cua ngulochu̱' ma̱ ji'i̱ cha' cuxi nu ntsu'u ji'i̱ ma̱.

SAN MATEO 3:9

Ná culacua ti' ma̱ cha' caca tso'o ji'i̱ ma̱ slo ycui' Ndyosi si xcui' ndyi'u ti' ma̱ ji'i̱ jyo'o cusu' ji'i̱ ma̱, nu cusu' Abraham bi'. Ná talo ycui' Ni ji'i̱ cha' cuxi nu ndu'ni ma̱ tsiya' ti, masi ñati̱ tya'a ji'i̱ jyo'o Abraham laca ma̱, nchcui' ma̱. Na cuiñi ma̱. Si nti' ycui' Ndyosi, taca ji'i̱ Ni cuiñá Ni ji'i̱ ñati̱ tya'a ji'i̱ jyo'o Abraham, masi lo'o quee to' sta'a̱ re, taca ji'i̱ Ni si nti' Ni. Nga'aa taquiya' Ni ji'i̱ cu'ma̱ li'.

SAN LUCAS 13:25

Li' tyatu̱ xu'na ni'i̱ bi', cha' tacu̱' yu toni'i̱ bi'. Lo'o tyalaa cu'ma̱, li' xana ma̱ cujui'i̱ ya' ma̱ toni'i̱ bi', chcui' ma̱ lo'o: “Xaala ma̱ toni'i̱, cusu'”. Li' ñacui̱ yu ji'i̱ ma̱: “Ná jlo ti' na' ti ñati̱ laca cu'ma̱”.

SAN LUCAS 13:26

Lo'o li' xacui̱ ma̱ cha' ji'i̱: “Cusu', cua ndyacu ya tyaja lo'o nu'u̱, cua ndyi'o ya hitya lo'o nu'u̱. Cua ndyaa nu'u̱ ngulu'u nu'u̱ ji'i̱ tya'a quichi̱ tyi ya”, ñacui̱ ma̱.

SAN LUCAS 14:9

Lo'o li' nu ñati̱ nu ndyu'ni ta'a nu cua nchcui' lo'o ma̱ tya clyo cha' ca̱a̱ ma̱ ni, ná tyiquee' chcui' yu lo'o ma̱ ndi'ya̱: “Ta ma̱ su ntucua ma̱ ji'i̱ nu cusu' cua”, ñacui̱ yu. Lo'o li' ca tyuju'u tsa ti' ma̱, tsaa ma̱ tyaca'a̱ ma̱ ca su ná ntsu'u yaca xlya, ca bi' tyaca'a̱ ma̱ tsiya' ti li'.

SAN LUCAS 19:40

Nguxacui̱ Jesús cha' ji'i̱ ngu' li': ―Si ca ti̱ ngu' re juani, xi'ya cua ña'a̱ ca quee li' ―nacui̱ Jesús.

SAN LUCAS 19:9

―Juani cua ngulaá ngu' nu ndi'i̱ ni'i̱ re ji'i̱ nu cuxi nu ntsu'u ji'i̱ ngu' ―nacui̱ Jesús li'―, cha' jua'a̱ nu qui'yu re ni, tya'a ñati̱ na lo'o jyo'o Abraham laca yu.

SAN LUCAS 5:21

Li' ngulacua tsa ti' ngu' mstru cha' jo'ó lo'o ngu' fariseo: “¿Tilaca laca nu qui'yu re? ¿Ni cha' laca re? Cuxi tsa nchcui' yu cha' ji'i̱ ycui' Ndyosi lo'o nchcui' yu jua'a̱”, nclyacua ti' ngu'. “Ná taca ji'i̱ sca ñati̱ chalyuu ñi'ya̱ nti' yu re, ná taca cua'ni clyu ti' ji'i̱ qui'ya nu ntsu'u ji'i̱ ñati̱; sca ti ycui' Ndyosi taca ji'i̱ Ni cuityi̱ Ni qui'ya nu ntsu'u ji'i̱ ñati̱.” Jua'a̱ nclyacua ti' ngu'.

SAN JUAN 8:33

―Ñati̱ ji'i̱ jyo'o Abraham laca ya ―nacui̱ ngu' judío bi'―, ni sca ñati̱ bilya tatsaa ji'i̱ ya cha' cua'ni ya cña cuxi. ¿Ñi'ya̱ nti' ta nu'u̱ lo'o nacui̱ nu'u̱ cha': “Nga'aa tatsaa ngu' ji'i̱ ma̱ cha' cua'ni ma̱ cña cuxi ca su ndi'i̱ ma̱”? ―nacui̱ ngu' judío bi' ji'i̱ Jesús.

SAN JUAN 8:39

Li' nguxtyacui ngu' cha' lo'o Jesús: ―Jyo'o Abraham bi' ngua jyo'o cusu' ji'i̱ ya, nu nguti'i̱ cua sa'ni la ―nacui̱ ngu'. ―Si chañi cha' laca ma̱ tya'a ñati̱ ji'i̱ jyo'o Abraham bi', li' cua'ni ma̱ ñi'ya̱ nu ngua'ni ycui' Abraham bi' ―nacui̱ Jesús ji'i̱ ngu' bi'―.

LOS HECHOS 26:20

Clyo ngulu'u na' ji'i̱ ngu' judío tya'a na nu ndi'i̱ ca quichi̱ Damasco, cha' culochu̱' ngu' ji'i̱ lcaa cha' cuxi nu ntsu'u tsa tyiquee ngu' ji'i̱ tya sa'ni la, cha' xñi ngu' cha' ji'i̱ ycui' Ndyosi li'; lo'o jua'a̱ xcui' cha' tso'o ntsu'u cha' cua'ni ngu' li', cha' ca cuayá' ti' xa' ñati̱ cha' cua nguxcutsa'a̱ Ni cresiya ji'i̱ ngu' bi'. La cui' jua'a̱ ngulu'u na' ji'i̱ ngu' Jerusalén, lo'o ji'i̱ ngu' lcaa quichi̱ nu ndi'i̱ loyuu su cuentya Judea re. Lo'o li' ngulu'u na' cha' bi' ji'i̱ ngu' xa' tsu'.

ROMANOS 4:16

Ngüiñi cha' ji'i̱ Ni lo'o jyo'o Abraham lo'o ngusñi ti yu cha' ji'i̱ Ni, cha' caca cuayá' ti' lcaa na cha' xcui' cha' tso'o ntsu'u tyiquee Ni; bi' cha' nda Ni cha' bi' lo'o na. Ndyanu cha' bi' ji'i̱ lcaa ñati̱ ji'i̱ Abraham nu cala chalyuu ca nde loo la. Ni si'i tsa lo cua ti ñati̱ nu taquiya' ji'i̱ cha' cusu' ti laca nu tyanu cha' tso'o bi' ji'i̱, la cui' jua'a̱ tyanu cha' bi' ji'i̱ lcaa ñati̱ tya'a na nu xñi na cha' ji'i̱ ycui' Ndyosi ñi'ya̱ ngusñi ycui' Abraham cha' ji'i̱ Ni; jua'a̱ nti' na lo'o nacui̱ na cha' sti lcaa na ngua jyo'o Abraham bi' cuentya ji'i̱ ycui' Ndyosi.

ROMANOS 9:7

Lo'o jua'a̱ si'i cua ña'a̱ ca ñati̱ tya'a ji'i̱ jyo'o Abraham nu chañi ca laca ngu' judío. Ná stu'ba ngua'ni jyo'o Abraham lo'o lcaa sñi' yu, cha' cua nda ycui' Ndyosi cha' lo'o yu tya tsubi' la ndi'ya̱: “Sca ti sñi' nu'u̱, nu Isaac ni, ji'i̱ bi' tucuá na' cha' ji'i̱; jua'a̱ tucuá na' cha' ji'i̱ lcaa ñati̱ nu tyu'ú ji'i̱ yu tyempo nde loo la”, nacui̱ ycui' Ndyosi ji'i̱ Abraham.

FILIPENSES 1:11

Quiña'a̱ tsa cha' tso'o taca cua'ni ma̱ lcaa su ndi'i̱ ma̱ chalyuu xqui'ya Jesucristo, cha' ndyu'ni Cristo cña ne' cresiya ji'i̱ ma̱; bi' cha' taca cua'ni tlyu ma̱ ji'i̱ ycui' Ndyosi, taca cua'ni chi̱ ma̱ loo Ni.