SAN LUCAS 3:1 - Chatino Tataltepec

¹ Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

SAN LUCAS 3:1 Iomraidhean Croise

SAN MATEO 14:1

La cui' tyempo bi' cua ndyuna Herodes cha' ji'i̱ Jesús, lo'o nu Herodes bi' laca loo ji'i̱ ngu' Galilea tyempo bi'.

SAN MATEO 14:3

Ntsi̱i̱ Herodes bi' ni, cha' cua ngusñi yu ji'i̱ Juan bi' tya tsubi' la, ngusca̱' yu ji'i̱ lo'o ngusu'ba yu ji'i̱ ne' chcua̱. Ngua'ni nu cusu' bi' cha' cuxi bi' xqui'ya Herodías clyo'o Felipe tya'a ycui' Herodes bi'.

SAN MATEO 14:6

Lo'o ngua tsa̱ ngula nu Herodes bi', li' ngua'ni yu sca ta'a. Tyu̱u̱ tya'a ngu' ndyu'u ti'i̱ ngu' slo yu, lo'o li' ñaa nu cuna'a̱ sñi' Herodías, ndyula quiya' su ntucua ycui' Herodes. Ngua chaa tsa ti' nu cusu' bi' li',

SAN MATEO 22:17

Tyu'u cha' clyu ti' jinu'u̱, cacha' nu'u̱ cha' liñi ji'i̱ ya: ¿Ha tso'o si ta na cñi cña loo na ji'i̱ rey tlyu nu ndi'i̱ xa' tsu' bi'?

SAN MATEO 27:2

Li' ngusca̱' ngu' ji'i̱ Jesús, ndyaa lo'o ngu' ji'i̱ slo Poncio Pilato, nu ngua gobernador romano.

SAN MARCOS 6:17

Tya tsubi' la ngulo rey Herodes bi' cña ji'i̱ ngu' cha' tsaa ngu' xñi ngu' ji'i̱ nu Juan bi', cha' tsaa lo'o ngu' ji'i̱ ne' chcua̱. Ngua'ni rey cha' cuxi bi' xqui'ya Herodías nu ngua clyo'o Felipe tya'a Herodes, cha' cua ngusna lo'o Herodes ji'i̱ nu cuna'a̱ bi', cha' caja clyo'o lo'o.

SAN MARCOS 6:21

Tso'o tsa nti' Herodías lo'o ngua tsa̱ ngula ycui' rey Herodes li'. Tsa̱ bi' ngua'ni rey ta'a, lo'o ndyacu tyu̱u̱ tya'a ngu' tlyu slo rey. Lo'o ngu' nu laca loo cuentya ji'i̱ rey bi', lo'o xu'na sendaru ji'i̱ rey, lo'o ngu' culiya' nde Galilea bi', lcaa ngu' tlyu bi' ndyaa ngu' ndyacu ngu' slo rey.

SAN LUCAS 13:31

La cui' tyempo bi' lijya̱ xi tya'a ngu' fariseo cha' chcui' lo'o Jesús: ―Tyaa clya nu'u̱ juani ―nacui̱ ngu' ji'i̱―. Tyu'u nu'u̱ su ndi'i̱ nu'u̱ re, yaa nu'u̱ tyi'i̱ chaca se'i̱, cha' cua nti' rey Herodes cujuii jinu'u̱.

SAN LUCAS 2:1

Tyempo bi', ñati̱ nu laca loo la tyucui ña'a̱ chalyuu bi' ngua nu emperador; Augusto naa yu, lo'o li' ngulo yu cña cha' xcua xtañi ngu' lcaa quichi̱ lo quityi.

SAN LUCAS 23:24

Li' nda yu chacuayá' cha' caca cha' nu ngüijña ngu'.

SAN LUCAS 3:19

Lo'o li' ngusta Juan qui'ya ji'i̱ gobernador Herodes cha' nguaana ycui' nu cusu' bi' ji'i̱ Herodías clyo'o tya'a yu nu naa Felipe. Lo'o jua'a̱ tya ntsu'u la xa' cha' cuxi nu ngua'ni nu cusu' Herodes bi'.

SAN LUCAS 9:7

Tyempo bi' Herodes naa nu laca gobernador. Cua ngua cuayá' ti' yu lcaa cña nu ngua'ni Jesús, lo'o nu juani nclyacua tsa ti' yu: “¿Ti ñati̱ laca nu Jesús bi'?” Tyu̱u̱ tya'a ngu' nchcui' ngu' cha' cua ndyu'ú jyo'o Juan chaca quiya'.

LOS HECHOS 23:26

“Claudio Lisias nscua quityi re cha' tsaa slo nu'u̱, gobernador Félix, cha' nu'u̱ laca loo. Xlyo ni'i̱.

LOS HECHOS 24:27

Jua'a̱ ti nteje tacui tucua yija̱. Li' ngutsa'a̱ nu laca loo; nga'aa si'i Félix laca gobernador li', Porcio Festo naa gobernador cui. Pana nguxtyanu Félix ji'i̱ Pablo ne' chcua̱ cha' caca tso'o tyiquee ngu' judío ña'a̱ ngu' ji'i̱ ycui' Félix, ngua ti' nu cusu' bi'.

LOS HECHOS 26:30

Cua ndye nchcui' Pablo lo'o ngu', li' ndatu̱ rey, ndatu̱ gobernador lo'o ma' Berenice, lo'o jua'a̱ ndatu̱ lcaa ngu' nu nga'a̱ lo'o ngu' bi' li'.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.