SAN LUCAS 24:51 - Chatino Tataltepec

⁵¹ Laja lo'o nclyacua̱ yu ji'i̱ ngu', hora ti ndu'u yu ndyaa yu nde cua̱ li'.

SAN LUCAS 24:51 Iomraidhean Croise

SAN MARCOS 16:19

Lo'o ndye nchcui' Jesús nu Xu'na na, li' ngua'ni ycui' Ndyosi cha' ndu'u yu ndyaa yu nde cua̱; ndyaa tucua Jesús la'a tsu' cui̱ ji'i̱ ycui' Ndyosi ca bi'.

SAN LUCAS 24:50

Li' ndu'u Jesús quichi̱ Jerusalén bi', ndyaa lo'o yu ji'i̱ ngu' ca to' quichi̱ Betania bi'. Nde bi' ngusicua̱ ya' Jesús cha' culacua̱ yu ji'i̱ ngu'.

SAN LUCAS 24:52

Ngua'ni tlyu ngu' bi' ji'i̱ yu, li' xa' nguxtyu̱u̱ ngu' ñaa ngu' nde Jerusalén. Tso'o tsa ngua tyiquee ngu' li',

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

LOS HECHOS 1:9

Lo'o cua ndye nchcui' Jesús cha' bi', laja lo'o na'a̱ ngu' ji'i̱ ndyiqui'ya ycui' Ndyosi ji'i̱ yu ndyaa yu nde cua̱ li'. Ndyacu̱' sca coo hichu̱' yu cha' nga'aa tyaca̱' ña'a̱ ngu' ji'i̱ yu.

HEBREOS 1:3

Lcaa xee lubii nu ntsu'u ca slo ycui' Ndyosi, cua ndyanu xee bi' lo Jesús Sñi' Ni lo'o ñaa Jesús nguti'i̱ yu chalyuu. Ñi'ya̱ nu laca ycui' Ndyosi, la cui' jua'a̱ laca nu Jesús bi'; liñi tsa nclyo Jesús cña ji'i̱ lcaa na nu ntsu'u chalyuu tsiya' ti, bi' cha' laca ndi'i̱ tso'o ti lcaa na bi'. Nu lo'o ndye ngua'ni Jesús cña nu ntsu'u ji'i̱ yu nde chalyuu, cha' ngüityi̱ yu yabe' nu ntsu'u ji'i̱ ñati̱, li' nguxtyu̱u̱ yu ndyaa yu ca slo ycui' Ndyosi Sti yu, ndyaa tucua yu nde la'a tsu' cui̱ su tlyu ca su ntucua ycui' Ni.

HEBREOS 4:14

Lo'o cua ngusñi na cha' ji'i̱ Jesús, li' nga'a̱ cha' cua'ni na cha' tso'o ti tyanu cha' bi' ne' cresiya ji'na. Cua laca ntsu'u sca sti jo'ó nu laca loo la nu ndu̱ cuentya ji'na; Jesús laca bi', nu sca ti Sñi' ycui' Ndyosi laca yu. Cua ndyaa Jesús ca su ndi'i̱ ycui' Ndyosi Sti yu; juani ndu̱ Jesús slo Ni, nchcui' cha' ji'na lo'o Ni.