SAN LUCAS 24:44 - Chatino Tataltepec

⁴⁴ Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN LUCAS 24:44 Iomraidhean Croise

SAN MATEO 1:22

Lo'o jua'a̱ ngua cha' bi', cha' nu cua nchcui' ycui' Ndyosi lo'o ngu' sa'ni cha' jua'a̱ caca. Tyempo sa'ni nguscua jyo'o cusu' nu ngua tu'ba ji'i̱ ycui' Ndyosi cha' bi' lo quityi. Ndi'ya̱ nguscua ngu':

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN MATEO 26:54

Pana ná nti' ya jua'a̱. Nga'a̱ cha' caca ñi'ya̱ nu nscua cha' lo quityi cusu' ji'i̱ ycui' Ndyosi Sti na'.

SAN MATEO 26:56

Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN MARCOS 9:31

cha' nti' Jesús culu'u la ji'i̱ nu ngu' nu ndyaca tsa'a̱ ji'i̱ laja lo'o ndya'a̱ ycui' ti ngu'. ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Cujuii ngu' bi' jna' li'. Pana lo'o tyu'u scua sna tsa̱ tya lo'o cua ndyujuii ngu' 'na, li' tyu'ú na' chaca quiya' ―nacui̱ Jesús.

SAN LUCAS 21:22

Tsa̱ chcube' ma̱ caca tsa̱ bi', lo'o li' nga'a̱ cha' tyu'u tucua lcaa cha' nu nscua lo quityi cusu' cha' caca.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN LUCAS 24:46

Nacui̱ yu ji'i̱ ngu': ―Cua sa'ni nscua cha' cajaa ycui' na' nu laca na' nu Cristo bi', lo'o tsa̱ nchca tyuna lo'o cua ngujuii na', li' nscua cha' tyu'ú na' chaca quiya'.

SAN LUCAS 9:22

―Na' nu cua nda Ni 'na lijya̱a̱ cha' caca na' ñati̱ ―nacui̱ Jesús―, nscua cha' lye tsa xcube' ngu' jna'. Lo'o la cui' ti xtyanu ti'i̱ ngu' cusu' jna'; lo'o ngu' nu laca loo, lo'o ngu' mstru cha' jo'ó, xtyanu ti'i̱ ngu' jna'. Nga'a̱ cha' cujuii ngu' 'na; pana lo'o tyu'u scua sna tsa̱, li' tyu'ú na' chaca quiya' ca su ntsiya na' cha' nguatsi' na'.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

SAN JUAN 3:14

Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.

SAN JUAN 5:39

Lcaa tsa̱ nchcui' tsa ma̱ lo quityi cusu' ji'i̱ ycui' Ndyosi; nti' ma̱ cha' lo'o chcui' ma̱ lo quityi bi', li' caja chalyuu nu ná nga'a̱ cha' tye ji'i̱ ma̱. Chañi cha' nu nscua lo quityi bi', jua'a̱ taca tyuloo ñati̱ jna' lo'o chcui' ngu' lo quityi bi'.

SAN JUAN 5:46

Yala ti xñi ma̱ cha' jna' si chañi cha' ngusñi ma̱ cha' nu nda jyo'o Moisés bi' lo'o ma̱ ―nacui̱ Jesús li'―. Cha' jna' nguscua jyo'o bi' lo quityi bi',

LOS HECHOS 13:33

lo'o nu juani cua ngua'ni Ni cha' bi' cuentya ji'na, nu lo'o cua ndyu'ú Jesús chaca quiya'. Ndi'ya̱ nchcui' Salmo nu nchca tyucuaa cha' ji'i̱ Jesús: “Sñi' na' laca nu'u̱”, nacui̱ ycui' Ni ji'i̱ Jesús. “Juani cua ngua'ni na' cha' tyu'ú nu'u̱ chalyuu.”

LOS HECHOS 13:40

Tso'o la si cui'ya ma̱ cuentya cha' ná tyacua cha' cuxi ji'i̱ ma̱, la cui' cha' nu nguscua jyo'o cusu' sa'ni cuentya ji'i̱ cu'ma̱ nu nchcui' ndi'ya̱:

LOS HECHOS 2:27

Ná tyanu cresiya jna' su ndi'i̱ jyo'o, xqui'ya cha' ná ta nu'u̱ chacuayá' catsu' cuaña' na' jua'a̱ ti, cha' ntsu'u tsa tyiquee nu'u̱ ña'a̱ nu'u̱ jna';

LOS HECHOS 3:18

Cua laca cha' juani, la cui' cha' nu nda ycui' Ndyosi lo'o jyo'o cusu' ji'na sa'ni la, la cui' cha' nu nguscua ngu' lo quityi ji'i̱ ycui' Ndyosi. Quityi bi' nchcui' cha' ti'í tsa cua'ni quicha ngu' ji'i̱ Jesucristo; jua'a̱ cujuii ngu' ji'i̱ Jesús, la cui' Jesús nu nda ycui' Ndyosi ji'i̱ ya̱a̱ lo yuu chalyuu.

LOS HECHOS 7:37

La cui' Moisés ngua nu nchcui' lo'o ngu' bi' ndi'ya̱: “Cua ngulo ycui' Ndyosi cña jna' cha' ta na' cha' ji'i̱ Ni lo'o ma̱, la cui' jua'a̱ culo Ni cña ji'i̱ chaca ngu' tya'a na nde loo la”, nacui̱ nu Moisés bi' ji'i̱ ngu' nu ngua li'.

HEBREOS 10:1

Nu lo'o nduna na xcui' cha' cusu' nu nda jyo'o Moisés lo'o jyo'o cusu' ji'na, ná nchca ca cuayá' ti' na ñi'ya̱ tyacua cha' tso'o ji'na nde loo la xqui'ya Jesús, cha' ná nchcui' cha' cusu' bi' ji'na ñi'ya̱ caca lcaa cha' bi'; xti tsa cha' ndacha' cha' cusu' bi' ji'na, ñi'ya̱ nti' sca cuityi nu sta cuayá' ti ñi'ya̱ caca sca cña lo yuu. Nu ngu' judío tya'a na, lcaa yija̱ ndu'ni ngu' la cui' ca ti cha'; lcaa yija̱ ndya'a̱ lo'o ngu' ji'i̱ la cui' ca msta̱ cha' cati̱ qui'ya nu ntsu'u ji'i̱ ngu' lo'o ycui' Ndyosi chaca quiya', xqui'ya cha' ná ntsu'u su tye cña tacati nu ndyu'ni ngu', cha' ná nchca cua'ni lubii msta̱ nu ndya'a̱ lo'o ngu' ne' laa ji'i̱ cresiya ji'i̱ ñati̱ bi' cuentya ji'i̱ ycui' Ndyosi.

HEBREOS 3:5

Tso'o tsa cña nu ngua'ni nu Moisés bi' lo'o ngua yu cña sa'ni, cha' cuentya ji'i̱ ñati̱ ji'i̱ ycui' Ndyosi nde chalyuu ngua yu cña; nchcui' tsa jyo'o bi' lcaa cha' nu ngua ti' ycui' Ndyosi cha' chcui' Ni lo'o ngu' bi'.

HEBREOS 7:1

Nu jyo'o Melquisedec bi' ni, xu'na quichi̱ Salem ngua nu cusu' bi'; cuentya ji'i̱ ycui' Ndyosi nu laca loo la ngua'ni yu cña cha' ngua yu sti jo'ó. Nu ngua tyempo bi' cua ndyaa lca'a̱ jyo'o Abraham ji'i̱ tyu̱u̱ tya'a rey xña'a̱, cha' ngusu̱u̱ tya'a yu lo'o ngu' bi', ndyujuii yu ji'i̱ nu ngu' xña'a̱ bi' li'. Tyucui̱i̱ lo'o ñaa yu, li' ngutu'u nu Melquisedec bi' ndyaa to' tyucui̱i̱ cha' tyacua tya'a lo'o nu Abraham bi'; ngulacua̱ ji'i̱ yu chacuayá' ji'i̱ ycui' Ndyosi li'.

HEBREOS 9:8

Laja lo'o nchcui' na ji'i̱ chcua'ya late' bi' ndu'ni Xtyi'i ycui' Ndyosi cha' ca cuayá' ti' na, cha' tya lyiji xñi tso'o na tyucui̱i̱ cha' ca̱a̱ na slo ycui' Ndyosi si ña'a̱ ti tya ndu̱ ni'i̱ cusu' bi', si tya ndu'ni tlyu na ji'i̱ ycui' Ndyosi ñi'ya̱ nu ngua'ni ngu' tya sa'ni bi'; tya lyiji caja ñi'ya̱ nu ca̱a̱ na slo ycui' Ndyosi nu lubii tsiya' ti cha' ji'i̱ Ni li', si jua'a̱.

1 PEDRO 1:11

Xtyi'i ycui' Cristo ngulu'u lcaa cha' ji'i̱ ngu' bi', ñi'ya̱ nu caca ji'i̱ ycui' Cristo nde loo la, ñi'ya̱ nu chcube' yu nde loyuu chalyuu, ñi'ya̱ nu tlyu tsa cha' tso'o nu caca ji'i̱ yu lo'o tyaa yu ca slo ycui' Ndyosi chaca quiya'. Lo'o li' ngulana tsa nu ngu' jyo'o bi', cha' quije cha' ji'i̱ ngu' tilaca caca nu Cristo bi', ni tsa̱ tyu'u tucua yu nde chalyuu.

APOCALIPSIS 19:10

Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.