SAN LUCAS 24:4 - Chatino Tataltepec

⁴ Ndyutsi̱i̱ tsa ngu' li', nga'aa jlo ti' ngu' ñi'ya̱ nu cua'ni ngu'. Li' na'a̱ ngu' cha' ndu̱ tucua tya'a nu qui'yu slo ngu'; ndubi tsa ña'a̱ late' lacu' nu ngu' qui'yu bi'.

SAN LUCAS 24:4 Iomraidhean Croise

SAN MARCOS 16:5

Ndyatí̱ ngu' nde ne' tyuquee, na'a̱ ngu' ji'i̱ sca nu qui'yu cuañi', ngua ti' ngu'; ngati̱ tsa ña'a̱ late' tyucui̱ cu' nu lacu' nu qui'yu bi' nu nga'a̱ la'a tsu' cui̱ su nscua jyo'o bi' nquicha'. Ndube tsa ti' nu ngu' cuna'a̱ bi' ña'a̱ ngu' ji'i̱.

SAN LUCAS 2:9

Tsiya' ca ndu'u tucua sca xca̱ ji'i̱ ycui' Ndyosi su ndi'i̱ ngu' ca bi'; jua'a̱ ngujui'i̱ sca xee tlyu su ndi'i̱ ngu' bi', xee ji'i̱ ycui' Ndyosi laca bi'. Ndyutsi̱i̱ tsa ngu' li'.

SAN LUCAS 24:5

Ntyucua tii ti'i̱ ngu' li', ndyaca'a̱ ngu' lyuu cha' ndyutsi̱i̱ tsa ngu' ji'i̱ nu ngu' qui'yu bi'. Lo'o li' nchcui' ngu' qui'yu bi' lo'o ngu': ―¿Ni cha' laca nclyana ma̱ ji'i̱ sca nu lu'ú laja ngu' jyo'o re? ―nacui̱ ngu'―.

LOS HECHOS 1:10

Hora nu ndyaa bi', li' nguxña'a̱ ngu' nde cua̱. Lo'o ti ndu̱ tucua tya'a ñati̱ nu ngati̱ ste'. Ndu̱ ngu' slo ngu' bi' li',

LOS HECHOS 12:7

Laja lo'o laja' ti yu, hora ti ndu'u tucua sca xca̱ ji'i̱ ycui' Ndyosi su nga'a̱ yu. Tso'o tsa xee ngulane ne' ni'i̱ chcua̱ li'. Nguxtyu'u xca̱ bi' ji'i̱ Pedro, nchcui' xca̱ lo'o yu li': ―Tyatu̱ clya nu'u̱ ―nacui̱ xca̱ bi' ji'i̱ yu. Hora ti ndyati̱' carena chcua̱ nu ndyaaca̱' ya' yu.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.