SAN LUCAS 23:8 - Chatino Tataltepec

⁸ Lo'o na'a̱ Herodes ji'i̱ Jesús, tso'o tsa ngua tyiquee yu li', cha' cua sa'ni tsa nti' yu ña'a̱ yu ji'i̱ Jesús. Cua ndyuna yu lo'o nchcui' ngu' cha' ji'i̱ Jesús, lo'o nti' tsa yu ña'a̱ yu sca cha' tlyu nu cua'ni Jesús.

SAN LUCAS 23:8 Iomraidhean Croise

SAN MATEO 14:1

La cui' tyempo bi' cua ndyuna Herodes cha' ji'i̱ Jesús, lo'o nu Herodes bi' laca loo ji'i̱ ngu' Galilea tyempo bi'.

SAN MARCOS 6:14

Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi': ―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.

SAN MARCOS 8:34

Lo'o li' ngusi'ya Jesús ji'i̱ nu ngu' nu ndyaca tsa'a̱ ji'i̱, lo'o ji'i̱ nu quiña'a̱ tsa ñati̱ nu lca'a̱ ji'i̱ cha' tya̱a̱ ngu' slo yu. Nchcui' yu lo'o ngu' li': ―Si ntsu'u ngu' nu chañi cha' nti' ngu' tsaa ngu' lo'o na' ―nacui̱ yu―, nga'a̱ cha' xtyanu ngu' bi' lcaa cha' nu ntsu'u tsa tyiquee ngu' bi' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' cuentya 'na.

SAN LUCAS 4:23

Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.