SAN LUCAS 23:51 - Chatino Tataltepec

⁵¹ Tya tsubi' cua ntajatya nu José bi' ni jacua' ca̱a̱ ycui' Ndyosi cha' caca Ni loo nde chalyuu, bi' cha' ná ngua stu'ba cha' ji'i̱ lo'o tya'a ngu' tisiya lo'o ngusta ngu' qui'ya ji'i̱ Jesús.

SAN LUCAS 23:51 Iomraidhean Croise

SAN MATEO 27:57

Lo'o cua ngusi̱i̱ la xi ñaa sca nu culiya', sca ngu' quichi̱ Arimatea laca yu nu naa José. Lo'o nu José bi' ngua tsa'a̱ yu ji'i̱ Jesús.

SAN MARCOS 15:43

Lo'o jua'a̱ ndi'i̱ sca ngu' tisiya nu naa José, ngu' Arimatea ngua bi', sca ngu' tlyu. Lo'o José ndu̱ ti' cha' cua tyalaa ti tsa̱ cha' caca ycui' Ndyosi loo; bi' cha' ngua'ni tlyu tyiquee, ndyaa slo Pilato cha' jña ji'i̱ jyo'o Jesús cha' tyatsi'.

SAN LUCAS 2:25

Tyempo bi' nde quichi̱ Jerusalén ndi'i̱ sca nu cusu' nu naa Simeón; ñati̱ tso'o laca yu, nu ndaquiya' tsa cña ji'i̱ ycui' Ndyosi, nu ndalo tsa tyiquee nchcui' lo'o ycui' Ndyosi. Ntajatya tsa yu ji'i̱ sca ñati̱ tlyu nu ta ycui' Ndyosi ji'i̱ cha' ca̱a̱ nde chalyuu, bi' laca Cristo nu ca̱a̱ cha' cua'ni lyaá ji'i̱ ngu' Israel ji'i̱ nu cuxi. Lo'o jua'a̱ cua ndi'i̱ Xtyi'i ycui' Ndyosi lo'o nu Simeón bi';

SAN LUCAS 2:38

Lo'o ndye nchcui' Simeón lo'o xtya'a̱ Jesús, la cui' hora bi' ndyalaa ma' Ana bi' ca su nga'a̱ ngu' lo'o Jesús ca ne' laa, la cui' cubi' bi' ni. Ndya tsa ma' xlya'be ji'i̱ ycui' Ndyosi xqui'ya cha' cua na'a̱ ma' ji'i̱ nu cubi' bi'. Li' nchcui' tsa ma' lo'o tyu̱u̱ tya'a ngu' quichi̱ tyi ma', jua'a̱ lo'o lcaa ngu' nu ndu̱ ti' ji'i̱ Cristo ña'a̱ cuayá' tyalaa tsa̱ nu ca̱a̱ yu cha' cua'ni lyaá yu ji'i̱ ngu' Jerusalén ya' ngu' xa' tsu'. Nacui̱ ma' ji'i̱ ngu' bi', cha' nu cubi' bi' laca nu culo lyiji ji'i̱ ngu' ji'i̱ yabe' nu cua nxtyanu ycui' Ndyosi ji'i̱ ngu'.

SAN LUCAS 23:42

Li' nacui̱ yu bi' ji'i̱ Jesús: ―Cusu' Jesús ―nacui̱―, tucuá nu'u̱ cha' jna' nu lo'o xana nu'u̱ cha' caca nu'u̱ loo nde chalyuu ―nacui̱ nu cuaana bi'.

SAN LUCAS 23:52

Ndyaa José li', ndyaa slo Pilato cha' jña chacuayá' tsaa lo'o ji'i̱ jyo'o Jesús cha' xatsi' ji'i̱ jyo'o bi'.