SAN LUCAS 23:4 - Chatino Tataltepec

⁴ Li' nacui̱ Pilato ji'i̱ ngu' sti jo'ó nu laca loo lo'o ji'i̱ xa' la ngu' nu ndya'a̱ lo'o: ―Ná nquije ni sca cha' cuxi 'na cha' sta na' qui'ya ji'i̱ yu re ―nacui̱ Pilato.

SAN LUCAS 23:4 Iomraidhean Croise

SAN MATEO 27:19

Tya nga'a̱ lcaa ñati̱ bi' slo Pilato, lo'o jua'a̱ tya ntucua ycui' yu lo yaca xlya cña su ndu'ni cuayá' yu ji'i̱ ñati̱. Li' ndyalaa sca msu slo yu, ya̱a̱ lo'o sca cha' nu cua nchcui' clyo'o Pilato bi': “Ná sca cha' cua'ni nu'u̱ lo'o nu qui'yu nu lubii tyiquee jua”, nacui̱ nu cuna'a̱ bi' ji'i̱ Pilato. “Lye tsa ngua ti' na' tyucui talya cuentya ji'i̱ yu bi'. Cua nchcui' tsa xcalá na' xqui'ya yu bi'.”

SAN MARCOS 15:14

―¿Ni cha' laca cha' nti' ma̱ cha' cujuii na' ji'i̱ yu re? ―nacui̱ Pilato ji'i̱ ngu'―. ¿Ni qui'ya ntsu'u ji'i̱ yu? Lye la nxi'ya lo'o ngu' ji'i̱ Pilato li': ―Cujuii clya ji'i̱ yu lo crusi.

SAN LUCAS 23:22

Nu nchca tyuna quiya' nchcui' Pilato lo'o ngu' li': ―¿Ni cha' cuxi ngua'ni yu re? Ná nquije ni sca cha' cuxi ji'i̱ yu 'na ―nacui̱ Pilato―, bi' cha' ná ndu'ni tsa cha' cajaa yu. Tso'o la si na xcube' ti na' ji'i̱ yu, ca tiya' la li' culaá na' ji'i̱ yu.

SAN JUAN 18:38

Li' nchcui' Pilato lo'o Jesús: ―Ná jlo ti' na' si ntsu'u cha' liñi jua'a̱ nde chalyuu ―nacui̱. Li' ngutu'u Pilato nde liya', ndyaa nde su ndu̱ nu ngu' judío bi' chaca quiya'. ―Cuentya jna', ná ntsu'u qui'ya ji'i̱ yu jua, ná ntsu'u cha' xcube' na' ji'i̱ yu ―nacui̱ Pilato ji'i̱ ngu' judío―.

LOS HECHOS 25:25

pana ná nchca cuayá' ti' na' ni cha' laca cha' ntsu'u cha' cajaa yu. Li' ngüijña yu 'na cha' ca cuayá' ji'i̱ yu lo'o rey Augusto nu laca loo la, bi' cha' ngulacua ti' na' cha' ta na' ji'i̱ yu cha' tsaa yu ca slo rey bi'.

LOS HECHOS 3:13

Ycui' Ndyosi Sti na ni, la cui' Ni laca nu ngua'ni tlyu jyo'o cusu' ji'na ji'i̱ tya sa'ni la, masi jyo'o Abraham, masi jyo'o Isaac, masi jyo'o Jacob; lcaa jyo'o cusu' ji'na ngua'ni tlyu ngu' ji'i̱ ycui' Ndyosi bi'. Ycui' Ndyosi laca nu cua nda chacuayá' ji'i̱ Jesús Sñi' ycui' Ni cha' caca tlyu yu. Ntejeya' ma̱ ji'i̱ nu Jesús bi' tsubi' ti, ndyaa lo'o ma̱ ji'i̱ yu, ndyaa ma̱ ngusta ma̱ qui'ya ji'i̱ yu slo ngu' nu laca loo; nu lo'o ngua ti' gobernador Pilato cha' tyu'u Jesús laja ti, ná ntaja'a̱ ma̱ li'.

HEBREOS 7:26

Xñi na cha' ji'i̱ Jesús lacua; bi' laca sti jo'ó nu laca loo la, nu chañi cha' taca xtyucua ji'na. Ñati̱ lubii tsiya' ti laca Ni, cha' ná ntsu'u cha' cuxi, ná ntsu'u qui'ya ji'i̱ Ni. Xa' ña'a̱ laca Jesús, nu ná nda ycui' Ndyosi chacuayá' cha' tyanu yu slo ñati̱ chalyuu nu ndu'ni tsa cha' cuxi; cua nda Sti yu su tyucua yu la cui' su tlyu ca su ntucua ycui' Ndyosi Sti yu.

1 PEDRO 1:19

Nu lo'o ngujuii Cristo lo crusi lo'o ndyalú tañi ycui', li' nda Ni caya' loo qui'ya nu ntsu'u ji'na, cha' ngua Cristo ñi'ya̱ nti' sca msta̱ lu'ú nu xcui' na tso'o, nu xcui' na lubii; lo'o nu tañi ycui' Cristo bi' ni, bi' laca caya' nu ngua'ni lyaá ji'na.

1 PEDRO 2:22

Ná ntsu'u ni sca qui'ya ji'i̱ nu Cristo bi', ni sca cha' cuiñi ná nchcui' yu;

1 PEDRO 3:18

Ycui' Cristo ngujuii xqui'ya qui'ya nu ntsu'u ji'na, masi lubii tsiya' ti cresiya ji'i̱ yu; nchcube' yu cuentya ji'na, cha' cuxi tsa tyiquee na. Lo'o juani taca tyalaa na slo ycui' Ndyosi xqui'ya nu Cristo bi'. Sca ti quiya' ngua cha' ti'í bi' ji'i̱ Cristo, ndye cña ji'i̱ yu nde loyuu chalyuu li'. Ndyujuii ngu' ji'i̱ nu ñati̱ nu naa Jesucristo bi', pana ngua'ni Xtyi'i ycui' Ndyosi cha' ndyu'ú yu chaca quiya'.